Yesaia 26:4 - Katɔti Ɔku Kedee

⁴ Ti ƒula anu ƒui sia Unwoti lɛlɔ uwi ƒui, ɔsika anwu ndi kama kekpokɔ lɛtakpɛ lɛni nnye uwi ƒui.

Yesaia 26:4 Referans Kwoze

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Kɔgya 55:22

Ti ƒula ala ani muukpóku-ɔ kya Unwoti enu kemmo. Na ɔdubo-ɔ bubunku na ɔda-a kpakplaa, ɔsika ulaya na bekyuli bani nsiaku-nwu kama siin baasɔ taakya lɛbibo kemmo.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Kɔgya 18:2

Unwoti unye ute-mi aani lɛtakpɛ ku katamikukɔ kani lɛlɔ na líkpo kama. Ɔɔgyumana-mi aani ukyuli ɔni muunye teetile-mi na ɔɔƒɔ́-mi na ɔɔyá na mɔɔkɛ́ ɔyikun.

Kɔgya 62:11

Líinu ɔbla kunyɔ ka Katɔti ɔɔsu ɔnini, “Ami Katɔti kani mbo ɔyikun.

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Samuel 1 2:2

Ukyuli ɔdi uuuse kedee aani awɔ Unwoti kalɛ. Na ɔdi lɛnɔ uuubunku-ɔ. Na lɛtakpɛ bonwu lɛdi liiibo na lɛdi kama kekpokɔ aani awɔ bula Katɔti.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Yesaia 45:24

Na bana ƒui badubɔtuna ka sɔsɔ na ɔdi ka ami lɛti kani mɔɔbla ala ulu siin lɛlɔ. Na ɔdi biala na úti kɔnyi ɔ́kya-mi ni, kɔƒa kɔdubo-nwu bukpo geen na unwini ubo-mi kudɔ.

Yesaia 32:2

Na badubunwini kabɛkɔ bete bekyuli si uwi ɔni na ɔƒɛƒɛɛ kpakplaa uukpó. Na badubunwini libiɔ bete bekyuli na kalɔ kakwiidi kemmo ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.

Kɔgya 125:1

Bekyuli bani néti bana anu básia Unwoti lɛlɔ ni, bese aani Sion Kɔbi kɔni naadubo bɔta kesii kani na kɔlɛ kudii. Ɔsika mmɔ kani na kɔdubɔlɛ uwi biala kemmo.

Ala Alɛdi 2 20:20

Amu na kadi kegye ɔtanta tutuutu uwi ɔni na ukyuli biala ɔdaku lɛlɔ bɔklibi ka bayu ulu beteesie kakɔ kakwiidi kani nde Tekoa mmɔ ni, Yehosaƒat ɔ́ta únye na ɔ́su ɔnini, “Banwa, binu! Si bula ƒui búti bula kɔyi bɔ́sia Unwoti lɛlɔ na bɔ́ƒɔ lɛla lɛni na kenye bediene básu-bu mmɔ bɔ́di ni, Unwoti ɔdubo-bu bubunku na bɔdi lɛlɔ.”

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Yesaia 63:1

Ɔma na ɔdi nási Bosra na Edom kalɛkɛ ɔdubo ku awu ugyiedi na mɔɔnu mɛni? Lɛlɔ ɔdine ɔmani nánya kalɔ ɔdubo ku ɔyikun ku adala ani muukeye lɛni? “Ami Unwoti na ɔdi! Lɛ́di lɛlɔ na kekpokɔ na ndubɔkana-mii bɔƒɔ!”

Yesaia 17:10

Bɛ́yiƒala bina Katɔti ɔni mɔɔƒɔ́-mii ngba, na bítenyimo bina kagyumanakɔ kpakplaa kani ndi lɛtakpɛ lɛni lɛlɔ na bíkpo kama. Ɔkɛnku ɔmmɔ ɔsu ni, ina ka bɛ́lɛ egyii abuni, na bíye adingyii abuni bɛ́siku kaƒɔ bíbalɛ,

Hiob 9:19

Si banii nkpoku-nwu ku ɔyikun ni, ubo ɔyikun utulo-mi ƒui. Na si litemi bɔtɛ na bɔdi ni, ɔma ndubɔlɔ-nwu katɛ?

Ala Alɛdi 2 32:8

Ɔsika Unwoti bula Katɔti muukpó bula kekpo teete-bu. Na Asiriaƒuɔ ama ni, bekyuli keeke ɔyikun lɛlɔ na bana anu asia.” Ka Yudaƒuɔ bekpone bammɔ bénu etemila amɛni ni, ákya-ma kayi ogya geen.

Yesaia 45:17

Nsu Unwoti ɔdubudie Israel na bakɛ ngba uwi ƒui ɔni na kɔƒa kulékpo-ma iye anumi ewi-ma kalɔ kudii.

Kɔgya 93:1

Unwoti Katɔti ndi ɔga ɔni mɔɔdi kayawi ƒui lɛlɔ. Na ɔda ala aani ɔga na ubo ɔyikun na ɔ́ƒɔ lɛnyi geen. Na lɛla lɛdi lilakana ka bɔkunku.

Kɔgya 66:7

Nwuna ɔyikun unengudi kemmo na ɔɔdi kayawi bekyuli ƒui lɛlɔ úsela uwi ƒui kemmo. Na nwuna anumi aanu kadi ƒui bekyuli ablala na lɛdi lítabɛ-nwu. Kayi katatɔlɔ batuɔkplune na bata benye-nwu lɛlɔ kudii.

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Yesaia 30:29

Na Unwoti bekyuli badubo ɔnu budie aani kalɛ na beedie ɔnu si baadi limeyi kedee na usien. Unwoti ndi lɛtakpɛ lɛni lɛlɔ na Israel kadi bekyuli békpo bana kama. Na lɛlɔ lɛdubɔyɔ nwuna kadi bekyuli geen aani kalɛ na baakɛ lisu ku atoloyii bɔvwi si bákɔ bésela abi lɛlɔ kesii kani na beesié taatákpa-nwu mmɔ.

Yesaia 44:8

Lɛ́ɛsu-mii ɔ́si kukuuku nnii, bɛsɔ bitayia na bitaatɔ kpakpaakpa ku liƒu munu munu na bítenu? Ami lɛti kani ndi Katɔti na ɔdi ɔsɔ ɔɔɔdi katamikukɔ kpakplaa aani lɛtakpɛ bonwu mina kalɛ.”

Yesaia 51:5

Uwi ɔsɔ uletu asa na ndubɔda bɔlɛ na bɛnu kalɛ na nse siin. Ɔsika mina bekyuli bɔƒɔ uwi údu na ndubɔtɛku bekyuli ƒui litemi. Kadi bekyuli bani na ketu ɔvi ƒui benye baanu-mi ulu ka libo mbedie-ma.

Daniel 3:17

Katɔti ɔni na abu bɔɔkya lili kalɔ teete ni, ɔkana na ɔƒɔ-bu ɔsiku ƒula lɛgyavonku lɛmmɔ kemmo.

Daniel 3:28

Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Lɛkpa Ulu 33:27

Na Katɔti kani muukpó bina kekpo ƒui teete-mii. Na nwuna enubɔ mɔɔyá na bulayia. Na anwu mɔɔgyú taatɔ teetékpo taadi bina bekisine lɛlɔ. Na ɔ́su-mii ɔnini, ‘Biteesie! Na bitayia-ma!’

Kɔgya 62:9

Ukyuli ɔɔɔdi ku lɛla. Na use aani ɔƒɛƒɛɛ ɔni nékpo ɔ́vi kani. Bani mɔɔnu ka bebo kenyekɔ ku bani nkya-ma kalɔ ƒui lɛkooƒo bana ƒui badi. Baakali ka bebo unu si bákɔku-ma bánu. Nsu ɔƒɛƒɛɛ muedi ubo unu utulo-ma.