Yesaia 26:21 - Katɔti Ɔku Kedee

²¹ Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Yesaia 26:21 Referans Kwoze

Yesaia 18:4

Lɛni na Katɔti ɔ́su-mi ɔnini, “Ndubulie mina keliekɔ ntaanu kpoo, aani kalɛ na ɔƒɛ ɔɔyá na kadi kaabi, iye edula ɔƒɛwi liwulu lɛɛyá na amii aayu.”

Yesaia 13:11

Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Hiob 16:18

“Muuvele geen nnii si úbo úte ka líkpi ni, kalɔ ketebi mina ubugya ku kɔvanu lɛti!

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”

Luka 11:50

Anwuɔsu ɔmwi limeyi bekyuli ƒui ni, badubo-ma kɔtu bɔni na Katɔti kenye bediene bani ƒui na bádu ɔ́si kayawi kamɛni kalɔ kesekɔ ƒui ɔsu.

Luka 11:40

Badɔlɔdi! Ɔɔɔdi Katɔti ɔmmɔ kani na ábla ala ƒui kemmo ku kama yoo?

Esekiel 8:6

Amu na Unwoti ɔ́su-mi ɔnini, “Ánu kɔbɔ ala ani muusé lɛlɔ ani na Israelƒuɔ baabla? Bana alaekpidi amɛni aayá na mina kakpakɔ keesé lɛlɔ na mmɔ kasɔ kaaadia keeete ka bakpa-mi. Na adubo ala ani nébie étulo amɛni muedi bɔnu.”

Budie Taatina 18:24

Na Katɔti kenye bediene ku Katɔti bekyuli ku bekyuli bamba bani ƒui na bádu na kayawi mɛni ni, bana ubugya ɔsiaku-ɔ!”

Hiob 20:27

Katɔ ku kalɔ ƒui badubo-ma keyi budie na badu-ma kɔtɔ.

Yesaia 10:3

Bi na bɛdubo bɔbla ɔgbankpi uwi, uwi ɔni na ndubɔya na ɔsi kalɔ kakaaka ubo ubalɛ-mii lɛlɔ? Ɔma na bɛdubo bukeli bɔtamiku? Na ɔma na bɛdubo bina akɛla bɔda buse?

Yesaia 22:14

Nsu Unwoti Ɔyikune Ƒui ɔ́su-mi ku mina atu nwaa ɔnini, “Bɛdubo likpidi lɛmɛni kayu butaaƒɔ laa útédu bina likpimeyi, na lɛɛɛdubo kɔtu bɔni bɔmmɔ budie bina lɛlɔ.”

Yesaia 29:6

Na Unwoti Ɔyikune Ƒui ɔdububo, na bɛdubunu ka katɔ keedu momoomo, na kalɔ kaakunku, na ɔƒɛƒɛɛ kpakplaa uukpó, na ogya ɔni mɔɔkyula ala uudie unyemi.

Yesaia 65:6

Bɛnu, mɔɔnu bunweni bɔdi na mina anumi bɔni na Unwoti ɔɔsu ɔnini, ‘Lɛɛɛdubo mina kenye bubile bɔsɔ bulie kpoo mmomu ndubɔƒɔ kayu keyile bute ɔdi biala.

Yesaia 65:7

Bana ekpidi ani na bábla ku bana bati ekpidi lɛnɔ. Ɔsika bákyula akpala na abi lɛlɔ na bése kayi báta bénye-mi lɛlɔ na abi lɛlɔ mmɔ. Anwuɔsu ndubo bana lɛyuƒɔla keyile kani námanku bana ablala ani návi ƒui bɔƒɔ bute-ma.’ ”

Yesaia 66:6

Bise atu na binu kɔku ku kudu kɔni nda na ɔma unengudi ɔmmɔ kemmo ku kakpakɔ kammɔ kemmo. Unwoti ablala na adi. Anwu mɔɔƒɔ nwuna bekisine kayu kani ƒui námanku-ma.