Yesaia 26:16 - Katɔti Ɔku Kedee

¹⁶ Unwoti, uwi ɔni na lɛbibo lɛ́siaku-bu na bɔ́ɔnɔ na bula lɛtuni kemmo ni, bɔ́wia-a kama ulu.

Yesaia 26:16 Referans Kwoze

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Kɔgya 50:15

Na si bɛ́bla ɔmɛni na bɛ́kpali-mi na ɔgbankpi ɔdi uwi ni, ndubɔtuna bute-mii, na bɛya na mina lɛnyi lɛƒɔ kuye.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Hosea 7:14

Belewulo taakpali-mi geen taasiku bana kayi kemmo, mmomu bebi bana kɔtɛnkɔ beewulo kɔnyana, na baabla lɛlɔ ulikplu ala ani na basiaku ala bamba baabla na basia anu ka ɔmmɔ ɔdubɔya na bakɛ kebunku na wete-ma kusɛ kusɛ na bakɛ edula pii ani na baawia.

Kɔnyana Buwulo 2:19

Bɛta bilie usien umodi, na biteevele Unwoti bɛnii ubunku-mii. Na bidie bina ala ani muukpóku-mii ƒui bɛva-nwu anumi aani kalɛ na beewilimi ntu teedie lɛbo kemmo. Bivele-nwu na udie bina bekyuli bani nwi lɛblɔnu ƒui lɛlɔ na kɔka kɔɔdú-ma na baayɔ́ bekpi.

Yeremia 22:23

Amii bani nli baga kesii kani na béti Lebanon egyii kpakplaa bábla lɛtalagyii na béti ligyii lɛmmɔ bákya kayakun kɔlɛmikɔ kɔmmɔ ƒui akya ni, bɛdubo buteedumo na biteewulo kɔnyana aani uleku ɔni ntɛ kɔwɔ.

Yesaia 37:3

Na kenye kani na Hesekia ɔ́su-ma ɔnii batásu-nwu ndi ɔnini, “Ɔmwi limeyi lɛmɛni lɛdi kɔnyana limeyi geen ɔni na bédumi-bu na béwi-bu anumi kalɔ. Na buunú ɔlɛ aani uwi ɔni na kawɔƒɔ ubi údu bɔwɔ, nsu ɔyikun ɔ́sa ɔƒɔndane ɔmmɔ na ukyuli ɔni na ɔƒɔ ute-nwu uuubo.

Kɔgya 142:2

Lɛ́ka mina etemila ƒui lɛ́tina-nwu. Na lɛ́da ala ani muukpóku-mi ƒui lɛ́va-nwu anumi.

Kɔgya 91:15

Na si lɛla lɛdi liikpóku-nwu na ɔ́kpali-mi ni, ndubunu na lidie-nwu na lɛya na ɔƒɔ lɛnyi.

Kɔgya 42:4

Si muunyimo ala adi bene ni, kayi kaakpulu-mi geen. Muunyimo uwi ɔni na ntaatɔnku ƒula bekyuli lisu na bútaasala teesie ƒula kakpakɔ taatátu lɛnu teemwi-ɔ ku lɛlɔyɔ.

Samuel 1 1:15

Amu na Hana údie kenye ɔnini, “Mina ati, buvele ɔɔɔdi ntɛ mɔɔda-mi, ala muukpóku-mi kayi lɛni na anya na mɔɔká taasu Unwoti.

Bumomo Bɔka 21:7

Mmɔ na bekyuli bammɔ bákpɛ bede Mose na básu-nwu banini, “Bɔ́bla likpidi na awɔ ku Unwoti anumi, ɔsika bútemi buwi-mii. Anwuɔsu buuvele na akpali Unwoti na ɔda balakpi bamɛni udie-bu akɔ.” Ɔmmɔ ɔsu Mose ɔ́kpali Unwoti na úvele ute bekyuli bammɔ.

Yeremia 2:27

Amii bani mɔɔsu egyii bɛnii, ‘Amii ndi bula bati,’ na bɛɛsu atabi bɛnii, ‘Amii náwɔ-bu.’ Ɔsika bina kama na bínwini bɛɛtina-mi na ɔɔɔdi bina anumi. Nsu ka ala eekpóku-mii ni, bɛ́kpali bɛnini, ‘Bo na ebebunku-bu!’

Litemi Batɛne 10:15

Nsu Israelƒuɔ ama kɔtɔ kani na bakya beekpi Unwoti taasu banini, “Bɔ́bla likpidi na ƒula anumi. Anwuɔsu bla-bu lɛla biala na námanku-bu. Nsu buvele bɔda-a, ƒɔ-bu lɛku bekyuli bamɛni enu kemmo.”

Kɔgya 27:8

Unwoti, mina kayi kaasu-mi ka lɛni lide-ɔ. Anwuɔsu na líbo-ɔ kudɔ.

Kɔgya 77:3

Mina kasusu kasia Katɔti lɛlɔ na muudumo taakpali-nwu na mɔɔva momoomo ɔni na mina ɔyikun ɔ́sa na lɛ́bla kpɛtɛ kpɛtɛ.

Kɔgya 78:34

Na uwi biala na ɔ́ya na badi békpi lɛni ni, bakladi baata ku usi na babawia-nwu kama ulu, Na benwini bebo-nwu kudɔ ku bana kayi ƒui.

Yeremia 29:12

Na bɛdubo bunwini kama bubo-mi kudɔ na bivele-mi bɛnii mbunku-mii na ndubunu-mii bɔkpali biala na lɛbla lɛla lɛni na bɛɛwia lite-mii.