Yesaia 26:13 - Katɔti Ɔku Kedee

¹³ O Unwoti bula Katɔti, benwoti bamba báadi-bu lɛlɔ na ƒula kama nsu awɔ ƒula lɛnyi kani na buudie kenye teemwi.

Yesaia 26:13 Referans Kwoze

Romaƒuɔ 6:22

Nsu ɔƒɛni ni, bɛ́lɛ ekpidi enu kemmo na bɛ́kɛ bɔnwuna. Na bínwini Katɔti kabla bablane. Ɔmmɔ ɔsu kɔsia kɔni na bɛɛkɛ́ ndi ɔni na bíti lɛlɔ bíte-nwu ƒui na bɛɛbla kedee kalɛ na bɛkɛ ngba bɔni nsɔ naaadubo bɔsa kudii.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Yesaia 2:8

Baƒiɔ béyi kalɔ kammɔ lɛlɔ. Na bekyuli bammɔ baakya eli kalɔ taakpa ala ani na béti bana enu bábla béte lɛlɔ.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Amos 6:10

Na si ukyuli ɔni nékpi mmɔ lɛlɔ ukyuli ɔni nálɛ ka ɔbla-nwu bɔva ala kalɛ na baabla úbo ɔnii ubeti ukyuli ɔmmɔ ni, ɔdubɔkpali na uye unu si ukyuli ɔdi úbu na ɔkya katɔma kesii kadi. Na ukyuli ɔni nányonu ukpine ɔmmɔ ɔɔkya-nwu lɛkɔkɔ ɔdubɔsu-nwu ɔnini, “Oowo, enu! Ba lɛsɛ kpoo, utalɛka bakpali Unwoti lɛnyi mɛni.”

Yesaia 51:22

Bina Unwoti Katɔti ɔni muubunku-mii na ɔɔgyumana-mii ɔnini, “Lɛ́ƒɔ mina kɔnyi kɔni nse aani ntɛ ɔɔƒɛɛ ɔni kemmo na bɛ́ni lɛbibo bíkpi aani ntɛ mmɔ. Na basɔ belenye-mii lɛlɔ banii bɛni lɛbibo lɛmmɔ udu lɛnɔ.

Yesaia 12:4

Na Unwoti limeyi lɛmmɔ lɛlɔ ni, bɛdubɔsu bɛnii, “Bimwi Unwoti lɛnyi na bɛkpali-nwu lɛnyi bivele ala. Na bibo nwuna ala ebendi ani na ɔ́bla kudu bite kadi ƒui, na bati ka Unwoti lɛnyi lɛ́kɔ katɔ katɔ ƒui.

Yesaia 10:11

Na lɛni kani na ndubo bukpo na lɛdi Yerusalem ku nwuna baƒiɔ ƒui lɛlɔ.’ ”

Ala Alɛdi 2 12:8

ɔdubo-ma lɛlɔ bɔdi na kekpo kamɛni kemmo na bakya-nwu kalɔ na utaadi-ma lɛlɔ. “Na mina bekyuli bada anu na ɔmɛni lɛlɔ na kavumana kani nkya ka bataabla baƒɔ ɔga ɔdi kabla ku ɔni na bataabla-mi kabla ntɛ.”

Yosua 23:7

Biteti lɛlɔ bitasala ku kadi bamba bekyuli bani nkya mmɔ akɔ, na bitakpali bana baƒiɔ bani na baakpa anyi, na bitese kenye kadi na bana baƒiɔ bammɔ badi kudɔ na bitakpa-ma iye bitalɛ-ma akɔnkɔ kalɔ.

Korintoƒuɔ 1 4:7

Ɔma nédie-ɔ na áƒɔ kuye étulo ƒula ɔkpana? Ala ani na ebo ƒui ni, Katɔti néti-nya úte-ɔ. Na si lɛni na ɔdi ni, bi ɔsu na aakun lɛmɛnɛ aani si ɔɔɔdi Katɔti néte-ɔ ala ani na ébo?

Yohane 8:32

Na bɛdubɔti litemi geen, na litemi lɛmmɔ lɛya na bɛkɛ bɔnwuna.”

Yesaia 26:8

Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Yesaia 64:5

Bekyuli bani ƒui na béti bana kayi ƒaa baabla lɛbuni na beenyimo taasia ƒula lilu lɛlɔ ni, aayu teebo teebebunku-ma. Nsu uwi ɔni na búsie anumi na bɔɔbla alaekpidi na bɔɔta teenye ƒula lilu lɛlɔ ni, éti kɔnyi ákya-bu. Na dɛ na bɔdubɔsɔ bɔbla na bɔkɛ bɔƒɔ?

Mika 4:5

Kadi bamba bekyuli badubɔsiaku bana baƒiɔ, nsu abu amu bɔdubɔsiaku bula Unwoti Katɔti uwi ndi uwi.