Yesaia 26:12 - Katɔti Ɔku Kedee

¹² O Unwoti ya na bulie na atu bɔyɔ kemmo, ɔsika ɔkɛnku ƒula ɔyikun kemmo na bɔ́kana na bɔ́bla ala ani na bɔ́bla.

Yesaia 26:12 Referans Kwoze

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Kɔgya 57:2

Katɔti ɔni ntulo ƒui na mɔɔkpali teevele. Ɔsika awɔ mɔɔbla lɛla biala teete-mi.

Kɔgya 29:11

Unwoti Katɔti uute nwuna kadi bekyuli ɔyikun. Na uute-ma kusɛ kusɛ na keyi kaayɔ́ku-ma.

Esekiel 20:14

Nsu ɔmmɔ lɛnɔ ami ɔla kɔƒa na kɔdi. Ɔsika kadi bamba bekyuli pii bánu ka ami nákpanku Israelƒuɔ lɛ́lɛku Egyipte kalɔ kemmo.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Yeremia 33:6

“Kama ƒui na limeyi lɛdi lɛlɔ ni, ndubo mɛni bɔklibi na lɛbwi bekyuli bammɔ ƒui na lɛya na belie ku keyi buɛɛ kani neeebo kawɔlɔkɔ.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Esekiel 20:22

Nsu ńtabla ńtasiaku lɛni. Ɔsika nka ɔmmɔ ɔdubɔbla-mi kɔƒa na kadi bekyuli bani nánu-mi ka lɛ́kpanku Israelƒuɔ lɛ́lɛku Egyipte kalɔ kemmo.

Esekiel 20:9

Nsu lɛ́nu ka si lɛ́bla lɛni ni, ɔmmɔ ɔdubɔtina aani si ɔkɔ ɔnyine na ndi, ɔsika bana anumi na líse kenye ka ndubo-ma bɔkpanku bɔlɛku Egyipte kalɔ lɛlɔ.

Yesaia 57:10

Bíitu lɛlɔ kalɛ na bɛdubɔkana, nsu bítanu tɔ bítati bɛnii kɔsia kuuubo ɔmɛni ƒui kemmo na bɛda bɛya. Nwuna lɛlɔ kani binye, na bíkeli bɛkɛ bɛsia-ma kama na kesi kesii, ka bana ala akya-mii kayi kemmo kpakplaa ɔsu.

Kɔgya 68:28

O Katɔti, die ƒula ɔyikun keyi tina ƒula bekisine bammɔ. Ɔyikun ɔni kani na éti ékpo éte-bu.

Kɔgya 90:17

Unwoti Katɔti, ya na ƒula kusɛ kusɛ ɔsiaku-bu na aya na ala ani na bɔɔbla ƒui alɛ-bu kɔsia.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yesaia 26:3

Ukyuli ɔni na nwuna anu ku kasusu kasia-a lɛlɔ kpakplaa ni, adubɔda-nwu kɔkɔɔkɔ na uulie na atu bɔyɔ kemmo, ɔsika ƒula lɛlɔ na úkpo kama.

Yesaia 27:5

Na si use lɛni na békeli bébekpi-mi kɔtɔ na báwia ka buwi kenye ntu na bɔbla unwi ni, ɔdia-ma utulo.”

Yesaia 29:23

Ɔsika si bánu bana bebi pii bani na bebo ku kalɛ na líte-ma kusɛ kusɛ na bákɛ ala pii ni, badubo ami Israel Katɔti kedee butaabu na beteemwi-mi.

Yesaia 32:18

Amii Unwoti bekyuli bɛdubulie kpoo ku keyi buɛɛ na atu ayɔ-mii na bina kɔkyakɔ ƒui.

Yesaia 57:19

Na lɛya na bese kalɔ beteedie lɛnu teemwi-mi. Na mɔɔsu kpakplaa nnii wɛ na ɔdi ulie iye wɛ na uuulie ni, ami Unwoti ndubɔbwi ɔdi biala na ɔkɛ keyi buɛɛ.

Bumomo Bɔka 6:26

Unwoti unwini nwuna anumi ɔtina-mii na ute-mii keyi buɛɛ.’ ”

Kɔgya 57:3

Na adubo-mi bubunku bɔsiku katɔ mmɔ. Na adubo bekyuli bani nábi basiaku-mi beekpóku-mi mmɔ bɔbɔku. Na atina ka aadi ƒula litemi lɛlɔ na aayɔ́-mi.