Yesaia 26:11 - Katɔti Ɔku Kedee

¹¹ O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yesaia 26:11 Referans Kwoze

Hebriƒuɔ 10:27

Mmomu ɔlɛka bunye butaanu ulu ku liƒu ka badubɔtɛku-bu litemi. Ɔsika ogya bonwu ɔni muubile ala ubakyula Katɔti bekisine ƒui.

Mika 5:9

Bekisine bamɛni balakana lɛlɔ bɔnwanɛ ulu biala lɛlɔ, mmomu badubɔyila-ma udu ƒui kede kede.

Yesaia 5:24

Anwuɔsu bana ƒui badubo bɔkywi bɔyii udu aani kalɛ na ogya ɔɔkyula livo ku keti. Bana ligyiitu lɛdubo bubun na bana anwula awiɛ. Ɔsika bekyuli bamɛni béni Unwoti Ɔyikune Ƒui ɔda bubo. Na béni banii belenu Israel Unwoti Kedee litemi.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.

Petro 1 3:16

Bɛya na bina kayi kemmo keteese ƒaa uwi biala kalɛ na si beedumi-mii ka bɛsiaku Kristo kama ni, na kɔƒa kukpo bekyuli bani mɔɔlɔ-mii anyikpi mmɔ.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Batalane Kabla 28:27

Ɔsika bekyuli bamɛni kɔyi kútili, na bebo atu ɔkplu na bébile bana anumi lɛnɔ. Si ɔɔɔdi lɛni ni, nka bana anumi adubɔnu, na bana atu lɛnɔ adubunu, na bana kɔyi lɛnɔ kɔdubɔbla nwaa na benwini bebo-mi kudɔ na lɛbwi-ma.’ ”

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Yeremia 44:28

Bina ɛlɛɛ kani ndubɔlɛ ɔgbankpi ɔmɛni kemmo na basɔ benwini besie Yuda kalɔ lɛlɔ. Ɔmɛni ɔdubɔya na amii bani ƒui nésie Egyipte kalɔ lɛlɔ bɛti ka si ami lɛ́su nnii lɛla lɛdi lɛdubo bɔlɛ ni, ɔ́bla bi ɔ́bla dɛ ni, lɛla lɛmmɔ lɛdubɔlɛ lɛni kani. Ina bi na amii bɛ́su.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yesaia 60:14

Na bekisine bani nékpoku-mii ni, bana bawɔ badubɔlɛ akɔnkɔ kalɔ na bina lɛgba akɔ na basu-mii banii, ‘Sion ɔdi Unwoti Israel Katɔti Kedee ɔma unengudi.’

Yesaia 44:18

Bekyuli bani ƒui mɔɔbu baƒiɔ ni, anumi ábwɛ-ma na balánu na kasusu lɛnɔ kékpi-ma na belenu lɛla lɛdi kalɔ.

Yesaia 44:9

Bekyuli bani ƒui mɔɔnwí ala na baavɔ́ ala teete lɛlɔ aani baƒiɔ, baaadi bekyuli badi ama alati, na ala ani na bánwi mmɔ na béti anu básia-nya lɛlɔ lɛnɔ aaadi lɛla lɛdi. Baƒiɔ bakpane ƒui badi banumbwɛne bani naaagyi lɛla lɛdi. Na bana lɛla tati bɔmmɔ ndubo bɔya na anumi ewi-ma kalɔ geen.

Yesaia 18:3

Amii bayawine ƒui, ku amii bani na bilie kalɔ lɛlɔ mɛni, bɛdubo bɔnu aƒlaga ɔdi si bákɔliku-nwu katɔ na abi lɛlɔ, na binu kakpɛɛ kadi kɔku si bávwi-ka.

Yesaia 11:13

Eƒraim ɔsɔ ulékpo kogyulo, na bekisine Yudaƒuɔ bukpoku kenye kadubo buklo. Na Yuda kadi bekyuli lɛnɔ basɔ belékpoku Eƒraim.

Kɔgya 86:17

Bla lɛla lɛdi te-mi na bekyuli banu. Na si mina bekisine bánu na kɔƒa kukpo-ma. Ɔsika badubɔnu ka ébunku-mi na áyala-mi kaƒɔ.

Kɔgya 21:8

Ɔga ɔmmɔ ɔdubɔka nwuna bekisine ƒui ɔkya. Na ɔkɛnku nwuna ɔyikun lɛlɔ na uƒie ama bani muukisi-nwu mmɔ ƒui.

Kɔgya 10:12

O Unwoti, kali nu bekyuli bani nnye muubó abi na ani bekyuli bekpidi bamɛni kɔtu.

Hiob 34:27

Ɔsika bénwini kama bákya-nwu banii basɔ balábla Katɔti lɛyɔla na basɔ balábu-nwu munu munu ku nwuna ɔda bubo ƒui.

Samuel 1 6:9

Na bitaasia-nwu anumi taanu, si ɔ́sia ɔma ulu lɛlɔ siin úsela Bet-Semes ni, na bɛgyi ka ɔgbankpi ɔmɛni ɔ́si Unwoti kudɔ asa na úbo-bu lɛlɔ. Na si útasia lɛni bɔdi ni, na bɛgyi ka ɔgbankpi keeke kani nátuaku-bu.”

Israelƒuɔ Bɔlɛ 9:14

si ɔɔɔdi lɛni ni, ɔƒɛni na ndubɔya na ɔgbankpi ɔmmɔ ubasiaku-mii kpakplaa ku ogya awɔ ku ƒula benengu ku kadi bekyuli ƒui, na mmɔ na adubo bɔnu bɔti ka Unwoti ɔdi uuubo aani ami kalɛ na kalɔ kamɛni ƒui lɛlɔ.

Luka 16:23

Na kekpine mmɔ ni, ɔ́nu ka ɔkya abi kebokɔ. Mmɔ ka ɔ́talaku anumi katɔ ni, ɔ́nu Abraham na katɔ kakaaka ka Lasaro ulie-nwu kudɔ.

Kɔgya 78:63

Ogya ɔ́kyula bana bakloƒu ɔni na bana belekubi basɔ bátakɛ agya na belie.

Yesaia 1:31

Na bina bayikune ƒui badubɔyii aani kalɛ na keti kaakywí na ɔdi ulakana bunine.”

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Yesaia 9:18

Geen ni, kalala bɔbla buse aani lɛku kemmo ogya. Ɔɔkyula liyu ku alakpi bamba, na lɛku limodi lɛmmɔ lɛɛkywí, na uudie uyɔ litigbli taakɔliku kayaa.

Yesaia 9:19

Unwoti Ɔyikune Ƒui kɔnyi kpakplaa ɔsu ni, kalɔ kammɔ kadubɔkula lɛlɔ geen, na bekyuli bénwini ekyweni bete ogya ɔmmɔ, na ɔkpanadi kɔnyana bɔnu buuubo.

Yesaia 10:17

Unwoti ɔni ndi Israel bukeye ɔdubunwini ogya na udie ogya unyemi na ɔkyula-ma limeyi linwi pɛ na bakywi aani liyu ku alakpigya kalɛ.

Yesaia 37:32

Ɔsika ukyuli ɔdi ɔdubɔlɛ ɔsi Yerusalem. Na bani ndubɔkɛ ngba lɛnɔ basi Sion Kɔbi. Ɔsika kalɛ na anumi égyie ɔsu ɔdubɔya na ɔmɛni ubo-nwu kemmo lɛni.’

Yesaia 42:13

Unwoti ɔ́nya kalɔ ɔɔví aani ukpone, na uudie lɛdi ku kɔnyi momoomo uwi ɔni na uubó nwuna bekisine teewi kalɔ.”

Yesaia 59:17

Siin bɔbla ndi awu na Unwoti ɔkya aani kekpo lɛgyumanala na nwuna bɔƒɔ ɔyikun ɔdi kekpo kabwa kebi-nwu lili na nwuna kɔnyi kɔni na ɔdubuti udie likpidi bablane kasi ku lɛnungyie ndi nwuna awu gyɔlɔɔ.

Yesaia 63:15

Unwoti, nwini anumi na anu-bu na kalɔ mɛni asiku ƒula keliekɔ kedee na katɔ kakaaka kesii kani muukeye mmɔ. Wɛ na ƒula bɔyɔ ku ɔyikun ala ani na aabla teete-bu mmɔ bɔ́vi? Éni na asɔ aaada-bu kɔkɔɔkɔ ku kɔnyana bɔnu.

Yesaia 66:15

Bɛnu! Unwoti uli nwuna kɛɛkɛ kemmo ɔdubo ku ogya na use aani ɔƒɛƒɛɛ ɔni mɔɔkya ligede. Ɔkɛnku kɔnyi kati kati ɔdubo na ɔdubo bekyuli bɔbɔku ku ogya unyemi ɔni mɔɔda gaganga.

Yesaia 66:24

Mina bekyuli badubusie na batánu bekyuli bani náta bénye-mi lɛlɔ kalɛ na beklubi baakun-ma ɔlɔna na beklubi bammɔ belekpi kudii. Na ogya ɔni mɔɔkyula-ma mmɔ lɛnɔ uleni kudii na lɛla lɛni na badubɔnu mmɔ ɔdi lɛla lɛni muusé lɛlɔ.”

Mika 7:16

Kadi bamba bekyuli badubo ɔmɛni bɔnu na beti enu bebi kenye na betile bana atuƒi ku kɔƒa geen, ɔsika bana bekpone badi balakana lɛla lɛni udu na lise lɛni bɔbla.”

Kɔgya 28:5

Balábu ala ani na Unwoti údie ku ani na ɔ́bla. Anwuɔsu ɔdubɔni-ma kɔtu na ɔyila-ma udu uwi ƒui.

Yesaia 10:16

Anwuɔsu Unwoti Ɔyikune Ƒui, ɔdubɔya na ɔlɛ kpakplaa ubo Asiria ɔga ku nwuna bekpone bani mɔɔtina lɛlɔ lɛlɔ, na bana ɔlɔna kemmo keteenu ɔlɛ aani ogya mɔɔkyula-ma.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.