Yesaia 26:10 - Katɔti Ɔku Kedee

¹⁰ Si ina bi lɛƒɔndia na ábla belikplune ni, baaadubo bɔti kalɛ na baabla ala siin. Kesii kani na siin bɔbla bɔkya muedi ni, ama likpidi bɔbla lilu lɛlɔ kani na baasia uwi ndi uwi na balánu kalɛ na Unwoti úbomo na uukeye lɛnɔ taati.

Yesaia 26:10 Referans Kwoze

Hosea 11:7

Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.

Budie Taatina 2:21

Líte-nwu uwi ɔni na uti ɔvumana na ɔda ekpidi bɔbla ɔya, nsu ulenu kalɔ.

Mika 2:10

“Bɛvi bɛlɛ mɛni, amii bekyuli bekpidi, ɔsika bɛɛɛdubo bɔnwuna bɔdi bɔkɛ na mɛni, na bítamanku lɛnɔ ka bɛbla Unwoti bekyuli. Na bɛdubo udu bɔyii lɛnɔ.

Yeremia 2:7

Lɛ́kpanku-mii líboku kalɔ kani na ala abuni áƒɔ-ka pii mɛni lɛlɔ, kesii kani na egyiibi abuni ku ala abuni akya na bɛkɛ bɛdi, nsu bɛ́bla na kalɔ kammɔ keesé lɛlɔ na bina ekpidi bɔbla ɔsu.

Etemila 3:16

Na lɛ́nu lɛla bamba lɛnɔ ka na kesi kesii. Kekpo ku ala tabla ulu lɛlɔ siin kani nkya na lɛbuni kenye mmomu.

Agba 1:32

Ɔsika bekyuli bani na bana kasusu kásɔ ni, ngba bukpidi bɔni na belie ndubo-ma bɔdu. Na ala ani na badɔlɔdi baakali ka átɛ áwɔlɔ ƒui ndubo bɔya na bayii ku udu.

Kɔgya 106:43

Unwoti uudie nwuna bekyuli bamɛni kɔlɛ kɔlɛ. Nsu bɔta kani baata teenye-nwu lɛlɔ. Na ekpidi ammɔ áya na badaku udu bɔyii ƒui.

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.

Israelƒuɔ Bɔlɛ 9:34

Nsu ka Ƒarao ɔ́nya ɔ́nu ka lɛla biala lɛ́sɔ lɛ́bla buɛɛ ni, anwu ku nwuna benengu bammɔ básɔ báyu kayi ɔkplu.

Israelƒuɔ Bɔlɛ 8:15

Na ka Ƒarao ɔ́nu ka bapɔtɔlɔ bammɔ ƒui békpi ni, ɔ́sɔ únwini kasusu na úni ɔnii ulenu Mose ku Aaron litemi kalɛ na Unwoti ɔ́su úse.

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Hosea 9:3

Na bɛdubo bɔtɔlɔ na Unwoti kalɔ kammɔ lɛlɔ. Na bina badi badubo bɔtɔlɔ busie Egyipte kalɔ lɛlɔ, na badi lɛnɔ besie Asiria kalɔ lɛlɔ na bitádi bana adila ani muusié lɛlɔ mmɔ.

Yeremia 31:23

Unwoti Ɔyikune Ƒui, Israel Katɔti, ɔ́su ɔnini, “Líse kenye ka ndubɔya na Yudaƒuɔ bakɛ bɔnwuna na lɛtɔnku-ma liboku bana lɛma. Na si uwi ɔni na lɛ́bla ɔmɛni ni, badubɔsɔ basu banini, ‘Buuvele Unwoti bɔnii ute nwuna ɔma ɔni ndi Yerusalem Kɔbi kedee lili kesii kani na nwuna kakpakɔ kenye mmɔ kusɛ kusɛ.’

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yesaia 5:12

Biiti lɛnu lɛni mɔɔdia bunu ku ntɛ bɔbuni teesienku bina emeyi kadikɔ ku lɛbentaa ku ese ku atoloyii ku kɔkpɛɛ lidu lidu. Nsu bina kasusu kadi biala kelesie Unwoti ku nwuna ablala lɛlɔ.

Yesaia 2:10

Bikeli bitéduo atakpɛ libu. Na bɛbɛla bina lɛlɔ bɛsiku Unwoti ɔni mɔɔda liƒu, na nwuna lɛgadi liikeye kudɔ.

Kɔgya 143:10

Tina-mi kalɛ na lɛbla ƒula lɛƒɔyɔ, ɔsika awɔ ndi mina Katɔti. Na aya na ƒula lɛƒɔndia lɛtɔnku-mi na lɛsia ngba ulu geen ɔmmɔ lɛlɔ.

Samuel 1 15:17

Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.

Yesaia 32:6

Adɔlɔtɛ na badɔlɔdi baatɛmi, na likpidi bɔbla kɔkwɛ kani na baakya. Na baasu ɔkɔ ala teedumi Unwoti na baayá na kɔka ku utukwɛ ɔɔdú bekyuli na beekpi.

Mateo 4:5

Amu na ukisine ɔmmɔ ɔ́kpanku Yesu úsienku Yudaƒuɔ ɔma unengudi kemmo. Na úti-nwu útényene Yudaƒuɔ kakpakɔ likpo lɛni nákuku lítulo ƒui.

Israelƒuɔ Bɔlɛ 9:30

Nsu mɔɔnu taati ka awɔ ku ƒula benengu bammɔ biláyia Unwoti Katɔti.”

Kɔgya 69:27

Ya na bebo abi basia kama, na batakɛ ƒula bɔƒɔ bɔdi.

Yesaia 32:7

Balalane ni, ɔkɔ na baanyi taasu ala, na baabla likyulikpi ala na baakya likpidi kɔkwɛ kalɛ na badu bekyuli bani nse kpɛtɛ kpɛtɛ na baayaki ala na belenu-ma buvele ina dɛ na beekpi-ma kɔtɔ banii banu-ma kɔnyana.

Baga 2 13:6

Nsu ɔmɛni kama ƒui ni, Israelƒuɔ bátada likpidi lɛni kemmo na Ɔga Yerobeam ɔ́kpanku-ma útákya bɔbla bátaya. Na ani kani na bése anumi na baabla. Na ɔƒiɔgyii ɔni na bálɛ béte Asera baƒiɔ na Samaria ni, ɔmu unye mmɔ.

Etemila 8:11

Si bɔ́nu kalɛ na bekyuli bekpidi benye baabla likyulikpi ala taasia kama na balakɛ lɛtuni lɛdi ni, na ɔɔbla-bu aani abu lɛnɔ buse kalɔ buteelie ngba bɔmmɔ udu.

Yesaia 1:21

“Bɛnu kalɛ na Yerusalem ɔma ɔni kemmo na balawia ala basa basa balanu ɔƒɛni amu úbenwini aani ɔyalɛ ɔni kudɔ banana lidu lidu beeduo taalɛ. Ɔma ɔni kemmo na nka bátaadi mina etemila lɛlɔ ulu lɛlɔ ku ala bɔbla siin ni, ɔƒɛni amu bekyuli badune néyi-nwu kemmo tɛɛ.