Yesaia 24:4 - Katɔti Ɔku Kedee

⁴ Kalɔ kammɔ kadubɔkwii na lɛla biala lɛyɛyɛ, na kɔnyana kuƒie lɛla biala na lɛyii udu.

Yesaia 24:4 Referans Kwoze

Hosea 4:3

Ɔmmɔ ɔsu na bina kalɔ ƒui kénwini ketele kalɔ kakwiidi na káyii udu, na bekyuli ku bebuo ku baasɛ bani nkya-ka kemmo ƒui lɛnɔ beekpi.

Yesaia 33:9

Mmo bɔ́kywi bunye na lɛla lɛla liiibo-mu kemmo. Na Lebanon lɛku lɛ́yɛyɛ linye aani ukyuli ɔni na kɔƒa kúƒie. Na Saron Ɔkwalɛ únwini kalɔ kakwiidi. Na Basan ku Karmel aku ƒui éwiile evete.

Yesaia 3:26

Na Yerusalem lɛban kenye ƒui lɛdubuse aani bekyuli bani néduo kɔnyana, na beewulo bani nékpi. Na ɔma umodi ɔmmɔ ɔdubɔbla aani uleku ɔni náyu uwi kalɔkplu na ɔsɔ uuubo lɛla lɛla.

Yeremia 12:4

Uwi ɛlɛ na adubɔya na kalɔ kamɛni kayaku ntu na kakwii lɛni ketédu? Na uwi ɛlɛ na livo lɛdubɔyɛyɛ linye bebuo kadikɔ lɛni utédu? Bebuo ku baasɛ bammɔ ƒui békpi na ɔdi ɔsɔ uuubo. Na bekyuli bamɛni alaekpidi ani na baabla ɔsu na ala amɛni ƒui aalɛ́ lɛni. Nsu bamu benye baakun lɛmɛnɛ taasu banini, “Katɔti ulánu alaekpidi ani na bɔɔbla.”

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yesaia 24:3

Kayawi kemodi kammɔ kadubo bubie ƒui kede kede na lɛla lɛla lɛsɔ lilésie siin. Lɛni na Unwoti Katɔti ɔ́su.

Yesaia 24:21

Na limeyi lɛmmɔ lɛlɔ ni, Unwoti ɔdubɔni kayaa bayikune kɔtu na katɔ mmɔ, na ɔni kalɔ lɛlɔ baga lɛnɔ kɔtu na kalɔ lɛlɔ mɛni.

Kɔnyana Buwulo 1:4

Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Yoel 1:10

Mmo bɔ́ƒɔ lɛlɔ buwi ukpludi, na kalɔ kemodi kammɔ keewulo kɔka, na egyiibi ani muudie ntɛ ku nnɔ mmɔ ƒui ébie na áyɛyɛ enye.