Yesaia 24:10 - Katɔti Ɔku Kedee

¹⁰ Na bábwɛ ɔma ɔni kemmo na ala bɔbla basa basa bɔ́ƒɔ-nwu mmɔ ƒui, na bákalɛ kaduli biala kayakun na bábala-ka bényene.

Yesaia 24:10 Referans Kwoze

Budie Taatina 18:2

Amu na ɔ́va ku lɛdi momoomo ɔnini, “Úbuli o-o! Babilon ɔni náƒɔ lɛnyi geen mmɔ úbuli! Na ɔ́ta únwini ayu ekpidi ƒui kabɛkɔ. Mmɔ na ayu ekpidi ku begbini ku baasɛ bani muusé lɛlɔ ƒui bakya.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Luka 19:43

Uwi ɔdi ɔdubo ɔni na bina bekisine badubɔka-mii bakya ekpo ekpo ƒui. Na badubutile eƒi ƒui na lɛla biala lɛsɔ lilakana buduo iye lɛlɛ keyi.

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Mika 2:13

Ndubo kayakun kammɔ bubo bɔbwɛ na lɛkpanku-ma lɛlɛku na linwini-ma ɔga.”

Yeremia 52:7

Ɔmmɔ ɔsu bekpone bammɔ báƒɛ awodu ammɔ na bana ƒui báwia kasiakɔ na békeli bátɔlɔ usien ɔmmɔ. Na ina ka Babilonƒuɔ báka bámana ɔma ɔmmɔ ni, bakɛ bagadine ɔƒɛƒɛɛ kaƒɔkɔ na bátásia kayakun kani na awodu anyɔ ammɔ ása na bakɛ mmɔ báda bálɛ Yordan Ketu kɔwɛ kemmo.

Yeremia 39:8

Na uwi ɔmmɔ kemmo ƒui ni, na Babilonƒuɔ bekpone báakyula kɔduli kɔni nkya Yerusalem ƒui úbunku ɔga kesii lɛtɔ lɛmmɔ ƒui. Na báƒɛ ɔma unengudi awodu ammɔ ƒui béwi kalɔ.

Yeremia 39:4

Uwi ɔni na Ɔga Sedekia ku nwuna bekpone bánu ka kekpo kéƒie Yerusalem ƒui ni, báwia ka bekeli balɛ ɔma ɔmmɔ kemmo usien ɔmmɔ kani. Na bésie ɔga kevoma kemo kesii kani na bátábɛ básia ɔban ɔni nkya ɔma ɔmmɔ awodu anyɔ kɔsa mmɔ na béti eli bátina Yordan Ketu kɔwɛ kemmo.

Yesaia 34:11

Bekuku ku basangbii ku lɛku kemmo bebuo bamba badubuti mmɔ babla bana kuliekɔ. Na Katɔti ɔdubɔkɔku kalɔ kammɔ ƒui ɔnu ka bubile kani na ɔdi ka bebile-ka na bayila bekyuli bammɔ ƒui udu.

Yesaia 32:14

Baga kesii kadubɔƒɔ lɛlɔ kese ukpludi na ɔma ɔni kemmo na nka bekyuli báƒɔ-nwu kemmo tɛtɛɛtɛ dii ɔdubɔsa ɔbla ukpludi. Na bekpone kɔgyumakɔ kpakplaa ku lɛma kɔgyumanakɔ ƒui kɔdubunwini alakpi akɔ bebuo kaƒiakɔ na kunwini baƒonu kadikɔ.

Yesaia 27:10

Na Israel lɛma linengudi lɛni na bátu bámana mmɔ ƒui asɔ elénu kɔku kɔdi nina kemmo, ɔsika badubɔda lɛma ku kɔduli kɔmmɔ bewi na kɔkwɛ livo ɔbla aani kalɔ kakwiidi kesii kani na bebuo baaví na beekpeli egyii evete taakun taatɛ mmɔ na evete asa kɔgba kɔmmɔ lɛlɔ.

Yesaia 25:2

Na awɔ nábwɛ ɔma unengudi ɔni na bátu awodu bámana mmɔ na ásala-nwu lisu álɛ aani kebu. Ɔma ɔni na kemmo na báƒɔ béyi-nwu mmɔ ni, awɔ nábwɛ-nwu na ɔsɔ ɔɔɔdi ɔma na ɔdi ɔnu ɔti ka ɔ́kya dii. Na basɔ balakana-nwu bɔsɔku bɔtu lɛnɔ kudii.

Yesaia 24:12

Na lɛla biala líbie lɛ́yii udu na ɔma umodi ɔmmɔ kemmo na bétu kɔyakun kɔmmɔ ƒui bégyingya na bébile ala ƒui.

Yesaia 23:1

Unwoti údie lɛla lɛdi ɔ́tina na Tiro lɛlɔ. Amii Tarsis beyedine bani mɔɔsia ntu anumi ku lɛkɔlɔ na bɛɛdi kuye teesie Tiro, biteewulo kɔnyana, ɔsika bákyula Tiro, na ɔtɔ iye kabɛkɔ iye lɛkɔlɔ kalɛlɛkɔ kadi kasɔ keeebo. Beyedine bammɔ bénu kenye kamɛni uwi ɔni na báyu bébedu ntuntɛ kalɔ kani baalɔ Kipro.

Baga 2 25:4

Ɔmmɔ ɔsu ka bekpone báƒɛ awodu ammɔ ni, Yudaƒuɔ ɔga ku nwuna bekpone báwia kasiakɔ na békeli bátɔlɔ usien ɔmmɔ. Na ina ka Babilonƒuɔ báka bámana ɔma ɔmmɔ ni, bakɛ bagadine ɔƒɛƒɛɛ kaƒɔkɔ, na bátásia kayakun kani na awodu anyɔ ammɔ aasa. Na bakɛ mmɔ báda bálɛ Yordan Ketu kɔwɛ kemmo.

Ala Kalɔ Buse 11:9

Anwuɔsu baalɔ lɛla lɛni nálɛ mmɔ banii Babel ɔni kalɔ ndi buƒu bɔkya, ɔsika mmɔ na Unwoti ɔ́ya na bayawine lɛdi lɛni na bátaatɛmi liƒu lɛkya. Na ɔ́si ɔmmɔ kama ni, Unwoti ɔ́ya na bégyingya bákya kayawi kammɔ ƒui lɛlɔ.

Yesaia 32:19

Na si ina ɔƒɛƒɛɛ ku ɔnantu ku etubankɛ aana teebile ala, na lɛma lɛɛbwɛ muedi ni,

Yesaia 26:5

Na bekyuli bani mɔɔkɔliku lɛlɔ katɔ ni, uuboku-ma kalɔ. Na lɛma linengudi lɛni bekyuli mɔɔnu lɛlɔ katɔ katɔ ni, uutú-ni teegyingya na lɛɛbla kpɛtɛ kpɛtɛ teenwini ɔtumu.