Yesaia 23:3 - Katɔti Ɔku Kedee

³ na bakɛ ntukpa lidu lidu lɛlɔ. Bésie bétédu Sihor ku Nil ntukpa bonwu lɛlɔ, na beeyé edula lidu lidu ebi teeboku-mii. Na Tiro mmɔ kénwini kuye kadikɔ bonwu kéte bayawine ƒui.

Yesaia 23:3 Referans Kwoze

Yeremia 2:18

Bi na bɛ́kɛ na Egyipte ka bɛnii nwuna Nil Ketu bɛdubo bɔni? Munuu bi na bɛ́kɛ na Asiria ka bɛnii nwuna Euƒrate Ketu na bɛdubo bɔni?

Ala Alɛdi 1 13:5

Anwuɔsu Dawid ɔ́lɔ Israelƒuɔ bammɔ ƒui ɔ́siku Sihor Ketu kudɔ na Egyipte útédu Hamat ka bésie betéti Bunyimi Adaka ɔmmɔ basiku Kiriat-Yearim.

Yoel 3:5

Bíti mina ala ani náƒɔ-mi kuye ƒui ku sika ugyiedi ku ɔƒualadi bɛ́tɔlɔku bísienku bina aƒiodu.

Esekiel 28:4

Sɔsɔ ƒula lɛnunda lɛ́ya na énwini ɔlakɛne, ɔsika ebo sika ugyiedi ku ɔƒualadi geen na ƒula egulabi kesekɔ.

Esekiel 27:33

Ebiti átaada kadi bani bekyuli nákɛ ƒula eyedila béye. Na baga ƒui na kesi kesii bénwini balakɛne na ƒula ala ani náƒɔ bekyuli kuye geen ɔsu.

Yesaia 32:20

Unwoti ɔdubute-mii kusɛ kusɛ uwi ɔni na bɛɛvá bina edula na ketu kɔtu na bina bebuo ala betine ku bebuo bamba badubusie bavi ƒaa na lɛla lɛdi lilabla-ma.

Yesaia 23:8

Ɔyikune ɔmani kakwɛ ku kasusu náya na ɔmɛni úbo Tiro lɛlɔ? Ɔma ɔni kemmo na nka adubɔkɛ lɛla lɛla na ukyuli ɔɔwia náta únwini lɛni? Ɔma ɔni beyedine na bekyuli baabu aani bekyuli batɔnkune ku lɛlɔ badine na ɔdi mɛni?

Yesaia 19:7

Na mmo bɔni na bése mmɔ ƒui bɔyii udu ku ketu kenye ku amadɔ egyii ammɔ ƒui.

Lɛkpa Ulu 11:10

Na kalɔ kani lɛlɔ na bísela bitélie mmɔ ni, keeese aani Egyipteƒuɔ kalɔ kani lɛlɔ na bílie mmɔ. Ɔsika Egyipteƒuɔ kalɔ kammɔ ni, si bɛ́va edula ni, ɔlɛka bibo abi na biwi-nya ntu asa na edula ammɔ adia.

Yosua 13:3

úti ɔ́si Sihor Ketu kani nkya Egyipte ɔƒɛ katukɔ úti úsie Ekron ɔmii lɛlɔ na kada kakɛ. Na ɔdi Kanaanƒuɔ kɔlɔ. Na Ƒilistiƒuɔ lɛma ɛlɔ lɛmmɔ ɔlɛka bikpo bɛƒɔ ni. Na lɛma lɛmmɔ ndi Gasa ku Asdod ku Aska ku Gat ku Ekron ku Awin.