Yesaia 21:4 - Katɔti Ɔku Kedee

⁴ Mina kasusu kéƒu, na mina kayi kaagyú taawɔ na bɔyia ɔsu. Na useyi uwi ɔni mɔɔwia ku udu na lɛnwuna ni, liƒu ala ani na mɔɔnu ɔsu naaakana lɛnumi bubile.

Yesaia 21:4 Referans Kwoze

Nahum 1:10

Mmomu ala adubo-ma bunyimi aani kalɛ na liyu alakpi eedie bekyuli iye ntɛ bɔɔda-ma. Ogya ɔdubɔkyula-ma kede kede aani alakpi ani nákwii kalɛ.

Daniel 5:5

Mmɔ kani ni, ukyuli lɛnuku lɛdi lɛ́da lɛ́lɛ na bánu ka uunweni ala adi taasia kɔwodu kɔmmɔ lɛlɔ.

Daniel 5:1

Limeyi lɛdi useyi uwi ni, Ɔga Belsasar use adila kadikɔ bonwu kadi úte nwuna bakutine benengu mpim mpim, na anwu ku-ma báni ntɛ básala.

Yeremia 51:57

Ami Unwoti Ɔyikune Ƒui ɔni ndi Ɔga geen ɔmmɔ, muusé kenye ka Babilon benengu ku bana kasusu bakyane ku aban bagadine ku batɔnkune bammɔ ƒui badubo bɔlɛɛ aani ntɛ mɔɔda-ma na basɔ baaadubo bɔtɔ kudii.

Yeremia 51:39

Na ka kɔka mɔɔda-ma ɔsu ni, ndubute-ma na badi na bakɛ lɛlɔyɔ na ɔmmɔ kama na lɛya na balɛɛ lɛlɛɛ linwi na basɔ balata!

Ester 5:12

Na ɔ́sɔ ɔ́su ɔ́sia ɔnini, “Ɔɔɔdi ɔmmɔ lɛti mmomu na bekyuli ƒui akɔ ni, ami kani na Beleku Ɔga Ester ɔ́lɛ lɛnimi úbunku ɔga ka bubo bubadiku-nwu. Na kɔnaadi kani na ɔdi.

Lɛkpa Ulu 28:67

Bina kayi kadubo buyi ku liƒu. Na lɛla biala bɛdubɔnu ni, lɛdubo-mii liƒu bɔda. Na si kadi kégye ni, bɛdubuye bɛnii uwi ɔmani na kadi kadubɔsa. Na si kása lɛnɔ ni, bɛdubuye bɛnii uwi ɔmani na kadubugye.

Daniel 5:30

Amu na usien ɔmmɔ kani lɛlɔ ni, bádu ɔga ɔmmɔ.

Lɛkpa Ulu 32:11

Na Unwoti ɔ́bla-ma aani kɔdigbo aasɛ ɔni mɔɔtina ubidi buveyi. Na si ɔ́yu kalɔ na úƒie-nwu ɔ́sia nwuna avwi kama. Na Unwoti ɔ́gyumana Israel kalɛ na ulebuli.

Kɔgya 55:5

Liƒu ku bɔyia bonwu búƒie-mi na lɛlɔ lɛɛtɔ́-mi kpakpaakpa.

Baga 1 1:49

Amu ka Adonia bekyuli bani nlie mɔɔdiku-nwu mmɔ bénu kɔtɛ kɔmmɔ ni, liƒu lɛ́da-ma. Na báta na bégyingya.

Kɔgya 55:6

Na lɛ́su nnii si avwi na nka mbo aani abloduma ni, nka ndubuveyi lɛtɔlɔ ntélie kesii kadi ntaanwuna.

Yeremia 4:19

Naaakana lɛbibo lɛmɛni kenye bunye! Mina utu uubó momoomo geen, na muususu lɛlɔ ku kɔnyana bonwu. Muunú ka bekisine bekpone baavwi kekpo kati bute lise na naaakana kenye bubile bɔsɔ bulie kpoo.