Yesaia 21:2 - Katɔti Ɔku Kedee

² Katɔti údie liƒu lɛla bonwu lɛdi ɔ́tina-mi. Na lɛ́nu ulikplu ku kalala ala bɔbla ani na aládia bɔnu, bekyuli beedie bana bakpana teete, na babambadi beeƒie bekyuli ala taaƒɔ. Na kɔvanu kɔda, Elamƒuɔ bikpo-ma! Na amii Mediaƒuɔ, bɛka lɛma linengudi lɛmmɔ bɛkya! Na keku ku kɔnyana buwulo bɔni na ɔ́kya bekyuli ndubukulo-nwu kenye.

Yesaia 21:2 Referans Kwoze

Yeremia 49:34

Ka Ɔga Sedekia úbelie liboku lɛlɔ aani Yudaƒuɔ ɔga ni, uwi útetu ɔdi asa na Unwoti ɔ́su-mi kenye kadi ɔnii nsu Elamƒuɔ ɔnini, “Elam kadi bekyuli, ami Unwoti Ɔyikune Ƒui ndubo ƒula kɔtaminta bebone bani ɔsu na ƒula bekpone bebo ɔyikun mmɔ bɔdu.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Yesaia 24:16

Binu bumwi lɛnu lɛni nda ɔ́siku kayawi kawɔlɔkɔ ekpo ekpo ƒui, úte Unwoti ɔni muukeye na use siin. Nsu bɔbuɛ muute lɛlɔ, ɔsika lɛlɔ kemmo kaanwá-mi ku kɔnyana, na bani na bátaƒɔ bátadi bana taƒɔ tadi ku ulikplu ala bɔbla ɔsu.

Kɔgya 60:3

Áya na ƒula bekyuli beebó abi ani naaadia bɔnu. Na lɛla lɛni mɔɔlɛ́ku-bu únwini aani si ntɛ kpakplaa na éte-bu na bɔ́ni na bɔɔda-bu.

Budie Taatina 13:10

Ukyuli ɔni na badubo buƒie ni, badubuƒie-nwu. Na ukyuli ɔni lɛnɔ na badubo bɔdu na ɔkɛɛ kenye lɛnɔ ni, badubo-nwu bɔdu. Ɔmɛni ɔsu ni, amii Katɔti bekyuli ɔlɛka binye lɛbibo biala kenye kpakplaa na bɛsiaku Blɔti ulu lɛlɔ.

Daniel 8:20

Koƒonu kɔgyani kɔmmɔ ese anyɔ ani nlɛ-ku lɛlɔ ni, anya ndi Media ku Persia baga.

Kɔnyana Buwulo 1:22

“Taya na bana ekpidi ani baabla avi-ɔ anumi. Mmomu ni-ma kɔtu kpakplaa geen aani kalɛ kani na áni ami lɛnɔ kɔtu na mina ekpidi ɔsu. Lɛ́yila lɛnunsia biala, na naaada budumo taaya lɛnɔ.”

Yeremia 51:53

Ina ka bátu Babilon awodu bákɔliku katɔ katɔ kakaaka muedi ni, bekpone bani na ndubo bumene badubo ɔma unengudi ɔmmɔ bɔbwɛ ƒui. Ami Unwoti násu.”

Yeremia 51:44

Na ndubo Babilonƒuɔ baƒiɔ bani baalɔ Marduk kɔtu bɔni geen na lɛya na ɔdala lɛla biala na ɔ́ƒɔ úbweli. Na kadi bekyuli badi basɔ beleboku-nwu etela adi. Na Babilon awodu adubo bɔƒɛ búwi kalɔ.

Yeremia 51:11

“Ami Unwoti mɔɔwia ka bayila Babilon udu, ɔsika nwuna bekpone báyila mina kadi bekyuli udu. Na bébile mina kakpakɔ. Anwuɔsu amii Media baga bɛdɔ bina atula na bɛgyu bina agyumanala bɛda.

Yeremia 50:34

Nsu ami Unwoti Ɔyikune Ƒui ndubo-ma budie na lɛya na bakɛ keyi buɛɛ na bana kalɔ kemmo na bukpoku bubo amii lɛlɔ mmomu.

Yeremia 50:14

Babilon ɔ́ta únye-mi lɛlɔ. Anwuɔsu atula bebone binye bina kunyekɔ kpakplaa na bibo bina atula bibo bina kɔtaminta bɛlɛ Babilon.

Yeremia 45:3

“Enye eewulo kɔnyana na aadú ami Unwoti kɔtɔ na ƒula lɛbibo ku kɔnyana kɔni kemmo na akya ɔsu, ku kalɛ na lɛlɔ lítu-ɔ na alakɛ bɔnwuna bɔdi.

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yesaia 47:6

Kɔnyi na líti lɛ́kya mina bekyuli anwuɔsu na lɛ́ya na bíƒie-ma kalɔ bɛ́ƒɔ, na bɛ́ya na kɔƒa kúkpo-ma na anumi éwi-ma kalɔ. Bítanu-ma kɔnyana munu munu, mmomu bɛ́bla-ma kalala útédu bana benengu ƒui lɛlɔ.

Yesaia 35:10

Na bani na Unwoti ɔ́ƒɔ mmɔ kani ndubɔsia mmɔ na beteedie lɛnu na betéduo Yerusalem. Na lɛlɔyɔ ebiti ndubɔbla bana kagabwa kani na badububi lili. Na badubɔdi limeyi na bakɛ lɛlɔyɔ, ɔsika ala ani muukpóku-ma ku ɔlɛ bunu biala kenye kadubukulo.

Yesaia 22:6

Elam kadi bekyuli bálɛku bana atula aƒo keyi, na bani nlie bapɔnkɔ kɛɛkɛ kemmo ku bani nlie bapɔnkɔ lɛlɔ lɛnɔ báda bálɛ. Na Kir kadi bekyuli bédie kayi bɔgyumana abuala keyi.

Agba 13:15

Ukyuli ɔni mɔɔbla kasusu buni na ala lɛlɔ ni, bekyuli baabu-nwu. Na ukyuli ukpidi anwu ni, nwuna kasiakɔ atakpɛ lɛlɔ na kaasia.

Kɔgya 79:11

Nu batɔntɛne edumo. Na edie bani na báadu-ma kukpi kɔtɔ na ɔgbankpi ɔmmɔ kemmo ɔkɛnku ƒula ɔyikun bonwu ɔni na ebo lɛlɔ.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Samuel 1 24:13

Lɛni na benengu bébo lɛgba banini, ‘Alaekpidi bablane alati ndanku bana likpidi bakɛ,’ anwuɔsu mina kɔnu kɔɔɔdubo-ɔ butuku.

Baga 2 17:6

Na Ɔga Hosea lɛga bɔdi lɛkwa yaalenwidi kemmo ni, Asiriaƒuɔ ɔga úƒie Israelƒuɔ bammɔ úsienku Asiria. Na ɔ́ya na bélie Hala kalɛkɛ lɛlɔ na ɔma ɔni baalɔ banii Gosan na Habor Ketudɔ ku Mediaƒuɔ lɛma kemmo.

Kɔgya 25:3

Bekyuli bani lɛnɔ na bana anu asia-a lɛlɔ ni, kɔƒa kɔɔɔdubo-ma bukpo kudii. Nsu bani mɔɔta teenye-ɔ lɛlɔ, nsu balánu bɔƒiɔ bɔdi na ƒula lɛlɔ ama ni, anumi adubuwi-ma kalɔ.

Kɔgya 119:158

Na bekyuli bani naaadi ƒula ɔda bubo lɛlɔ ni, bana lɛlɔ liiƒí-mi livo.

Daniel 5:9

Na lɛla lɛmmɔ líkpoku-ma na béƒu benye, anwuɔsu ɔga ɔmmɔ ɔ́sɔ ɔ́yia úbu na nwuna anumi ábla aani ukpine anumi.

Ala Kalɔ Buse 10:22

Na bebi bani na Sem ɔ́wɔ ndi Elam ku Asur ku Arƒaksad ku Lud ku Aram.

Yesaia 11:11

Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.

Yesaia 14:4

bɛdubo ɔnu bɔnwi bɔsia Babel ɔga na bɛsu bɛnini, “Báyila ɔyikune ɔmmɔ udu! Na nwuna kɔnyi kpakplaa ku lɛlɔ bɔtina bɔmmɔ kenye kékulo!

Yesaia 14:7

Kayawi ƒui kábla buɛɛ na ukyuli biala atu áyɔ na békeyi lɛnu na benye beedie.

Yeremia 25:25

Simri ku Elam ku Media.

Daniel 8:2

na ami Daniel nkya Babilon kalɛkɛ kani baalɔ Elam kemmo na bana ɔma unengudi ɔni baalɔ banii Susa kemmo. Na mmɔ kede Ulai Ketu.