Yesaia 21:16 - Katɔti Ɔku Kedee

¹⁶ Unwoti ɔ́sɔ ɔ́su ala bamba lɛnɔ ɔnini, “Na lɛkwa linwi kemmo pɛpɛɛpɛ kalɛ kani na ukyuli ɔni na bése ɔkpa ɔɔká nwuna emeyi ani na ɔdubɔbla kabla ute nwuna ɔtɔlati ni, Kedar kadi bekyuli badubɔyila bana ala ani ƒui na bebo ɔsu na bebo ɔyikun na báƒɔ lɛnyi.

Yesaia 21:16 Referans Kwoze

Yesaia 60:7

Kedar baƒonu ƒui badubo-ɔ kudɔ. Na Nebaot baƒonu bagyani bammɔ ƒui lɛnɔ benwini awɔ badi. Ndubɔƒɔ-ma aani etela na bekyuli beti ɔbu bete mina kakpakɔ kammɔ.

Yesaia 16:14

Nsu ɔƒɛni ni, Unwoti ɔnini, “Na akwa atɛ kemmo pɛpɛɛpɛ aani kalɛ na kabla ɔblane ɔɔká nwuna emeyi ani nébu na nwuna ɔtɔlati kudɔ na ɔbla-nwu kabla ni, Moab kalɔ kemodi ku nwuna akɛla ku nwuna bumomo ku lɛnyi lɛni na ɔ́ƒɔ na uukeye mmɔ lɛdubo bɔyii ku udu. Na bana ɛlɛɛ kani mebu na basɔ balákɛ ɔyikun ɔdi lɛnɔ.”

Kɔgya 120:5

Bɔbuɛ na ɔdi ka bete-mi ka líbo nli-mi akɔ na Mesek na buuduo Kedar nvo kemmo taalɛ.

Esekiel 27:21

“ ‘Na Arabiaƒuɔ ku Kedar lɛlɔ badine béboku-ɔ baƒonubi ku baƒonu ku bese.

Lɛnu Ƒui Ɔnu 1:5

Yerusalem beleku, ɔlɔgyii otondi na ɔdi-mi, nsu mɔɔdia bɔnu geen. Na nse aani kevo kani na bátu bényene Kedar ketele kalɔ kakwiidi kemmo iye Salomo kayakun aduni abuni ammɔ adi.

Yeremia 49:28

Binu lɛla lɛni na Unwoti ɔ́su ɔ́siku Kedar kɔdua bekyuli ku akpaklɔ lɛma lɛni na ketele kalɔ kakwiidi kammɔ lɛlɔ na Babilon kalɔ lɛlɔ. “Amii Kedarƒuɔ, ku adua bamba ani na akya kalɔ kakwiidi kani néti kése ɔƒɛ katukɔ mmɔ binu. Lɛ́ɛsu Nebukadnesar nnii ukpoku-mii na ɔyila-mii udu ƒui.

Yesaia 42:11

Bɛsu adua ani bekyuli nli kalɔ kakwiidi lɛlɔ ku bani na abi lɛlɔ ƒui bɛnii batɔ na badi limeyi na bedie lɛnu.

Ala Kalɔ Buse 25:13

Ismael bebi bani na ɔ́wɔ atɔ asia ndi Nebaiot ubi unengudi, ɔmmɔ kama ni, ɔ́wɔ Kedar ku Adbeel ku Mibsam.

Hiob 7:1

“Geen ni, ukyuli kabla kaaatɛ kalɔ na kayawi kamɛni kemmo. Na nwuna emeyi ƒui ese aani ukyuli ɔni nnye ɔɔbla ukyuli bamba kabla na kayu kenye.

Ala Alɛdi 1 1:29

Ismael ubi udeedi ndi Nebaiot ku Kedar ku Adbeel ku Mibsam

Yeremia 2:10

Bɛvia bisie Kitiƒuɔ ketu kɔtu na bitánu, na bɛtala bekyuli na Kedar na bátásia anu kaduɛ, na banu si lɛla lɛmɛni udu lɛ́ɛlɛ dii.