Yesaia 21:10 - Katɔti Ɔku Kedee

¹⁰ O amii, mina bekyuli, bésusu-mii aani kalɛ na beewiile edula ebi teewi kakpa, na mɔɔsu-mii lɛla lɛni na Unwoti Ɔyikune Ƒui, Israel Katɔti, ɔ́su-mi ɔnii mbasu-mii.

Yesaia 21:10 Referans Kwoze

Yeremia 51:33

“Ami ndi Unwoti Ɔyikune Ƒui, Israel Katɔti, na ami muusé kenye kamɛni nnii uwi ɔsɔ uletu asa na badubutu Babilon babwɛ bewi kalɔ kpɛtɛ kpɛtɛ na mmɔ kabla tataata aani kakpa kesii kani na beewiile kamu teewi.

Mika 4:13

“Sion, bibo-ma bɛbwɛ biwi kalɔ kɔkɛ kɔkɛ. Ndubo-mii bɔbla aani akɔ ɔgyani ɔni mbo abuala ese na ɔkya abuala egyiedi lɛgbanvuo. Bikpo kadi bammɔ ƒui na biƒie-ma akɛla ƒui bɛƒɔ biboku ami kalɔ ƒui lɛlɔ Unwoti.”

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Baga 2 13:7

Na uwi ɔmmɔ kemmo ni, Yehoahas uuubo bekpone ƒelee badi. Na bani kani na ubo ndi bapɔnkɔ beliene liti ku bapɔnkɔ kɛɛkɛ leevu ku bekpone bani muusié lɛgba mpim leevu (10,000), ɔsika Siriaƒuɔ ɔga ɔ́yila Israelƒuɔ ɔga bekpone bakladi udu ƒui kede kede na útu-ma ɔ́bwɛ kpɛtɛ kpɛtɛ aani ɔtumu.

Habakuk 3:12

Na ánya kadi bekyuli ƒui ábwɛ ávi na kɔnyi kemmo

Baga 1 22:14

Nsu Mikaia údie kenye ɔnini, “Na Unwoti ɔni nli ngba lɛnyi kemmo ni, lɛla lɛni na Unwoti ɔ́su-mi kani ndubo bɔsu.”

Esekiel 40:4

Na ukyuli ɔmmɔ ɔ́su ɔnini, “Esekiel, ɔyawine ubi, sia anu kaduɛ na anu ala ani na ndubo-ɔ bɔtina mɛni, ɔsika anya ɔsu na béti-ɔ béboku mɛni. Se atu kaduɛ, ɔsika ala ani ƒui na ánu ni, adubo-nya bɔsɔku bɔsu Israelƒuɔ.”

Yesaia 28:28

Bɔkɔ na baakɔ́ edula ebi ɔlaaƒɔ taabla bodobodo Anwuɔsu belebo-nya kedenkɛ lɛlɔ taabwɛ na ɔbla ɔlaaƒɔ na kewiilekɔ mmɔ.

Yeremia 23:28

Kavumana bonwu kakya bana ana ani na bégye ku mina litemi geen ntɛ aani kamu ku keti. Anwuɔsu si kenye udiene ɔdi úsie utásu mina kenye bɔdi ni, ɔlɛka ɔsu litemi geen lɛni na lɛ́su mmɔ kani.

Amos 3:8

Liƒu lɛɛda ukyuli biala si gyata ɔɔkwanyi. Na si Katɔti ɔ́su lɛla lɛdi ni, usi na ukyuli biala ɔkɛ na ɔdubo-ni lɛsa bɔkɔ.