Yesaia 20:4 - Katɔti Ɔku Kedee

⁴ lɛni na Asiriaƒuɔ ɔga ɔdubo Egyipteƒuɔ ku Kusƒuɔ benengu ku banamu ƒui buƒie bɔtɔlɔku ku kasɔngya na balada adala iye bakya lɛgbanvuo lɛdi, na ɔdubɔbla Egyipteƒuɔ kɔƒa geen.

Yesaia 20:4 Referans Kwoze

Yesaia 19:4

Na ndubuti Egyipteƒuɔ lɛkya ɔga lɛlɔ ɔdine ulikplune kalɔ, na ɔlalane ɔdi-ma lɛlɔ.”

Yeremia 13:26

Búlie aani ɔgya ku ule, nsu bɛ́lɛ-mi kama na bítasiaku-mi kama siin. Na bínwini bayalɛ muedi na uwi ɔni na bɛkɛ abi eli ku mmo ƒui bɛɛkpá baƒiɔ bani muusé lɛlɔ mmɔ ɔsu.

Yeremia 13:22

Agyi lɛla lɛni ɔsu na ƒula adala ábwɛ-ɔ lɛlɔ na bekyuli beedumi-ɔ? Ɔkɛnku ƒula ekpidi bonwu bonwu ani na aabla ɔsu.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.

Mika 1:11

Na amii Saƒirƒuɔ, bɛvi bɛtɔlɔ ku kasɔngya ku kɔƒa. Na ka bekisine báka Sanaanƒuɔ bákya ɔsu ni, ɔdi ɔɔɔdubo bɔkana bɔlɛ. Na keku ku kɔvanu kɔni nkya Bet-Esel ɔsu ni, bɛgyi bɛnii mmɔ kaaadi kaatamikukɔ kadi.

Esekiel 30:18

Ɔyikun ɔni na bina kalɔ kebo ni, anwuɔsu na bɛɛkun lɛmɛnɛ na bɛɛkɔliku lɛlɔ katɔ lɛni. Nsu si uwi ɔni na líbile-nwu bubile na líkulo bina lɛmɛnɛ bɔkun kenye ni, Taƒanes ɔma unengudi ɔmmɔ ƒui ɔdubo bɔbla suu. Na liƒlukutu suu lɛdi lɛdubɔƒɔ kalɔ kammɔ ƒui lɛlɔ ku kɔnyana uwi ɔni na bákpanku-mii baalɛ́ku aani bekyuli beƒiedi kalɛ.

Yeremia 46:26

Na ndubo-ma bɔnyonu bɔ́kya Ɔga Nebukadnesar ku nwuna bekpone enu kemmo. Nsu muusé kenye lɛnɔ ka limeyi lɛdi ni, Egyipte ɔdubo bekyuli bɔsɔ bɔkɛ na belie mɛni aani kalɛ na bákya kuuku. Ami Unwoti násu.

Yesaia 47:3

Bekyuli badubo-ɔ kasɔngya bɔnu na kɔƒa kukpo-ɔ, ɔsika adubo bɔvi ku kasɔngya. Na ndubo kasi budie na ɔdi ulébu iye ukeli.

Yesaia 3:17

Unwoti ɔdubɔya na bana eli alɛ alɛlɛbi na bana eli apa na linwini lɛsɔ lilákwɛ.”

Samuel 2 10:4

Anwuɔsu Hanun ɔ́ya na béƒie-ma na békpeyi ɔdi biala ukwi kakɛ kenwi. Lɛni kani na ɔ́ya na nwuna bekpone békulo lɛwu gyɔlɔɔ lɛni bakya mmɔ kalɔ bédie ɔ́si kavobi. Ɔmmɔ kama ɔ́ya na bédie-ma ulu na bátɔlɔ bésie bana ɔma.

Yesaia 47:2

Teesie na atálɛ akɔnkɔ na kukɔ lɛlɔ na ataakɔ ɔlaaƒɔ. Na ada ƒula lɛdiku lɛni na eetile anumi ebimi. Na ani ƒula awu gyɔlɔɔ ɔmmɔ akɔliku katɔ na edie ƒula lɛgba ku ebuli ewi na akya ntu lɛgba avia ketu kammɔ.

Yeremia 46:19

Badubo-ɔ bɔkpanku bɔtɔlɔku aani ukyuli uƒiedi, anwuɔsu bo ala alɛɛ ani na adubuti ada ulu obo. Ƒula ɔma unengudi Memƒis ɔdubo buwi ukpludi ka ɔ́bwɛ úbie ɔsu.

Amos 9:7

“Israelƒuɔ, ami ndi Unwoti Katɔti, na buse na Kusiƒuɔ bese bete-mi aani bina kalɛ. Ɔsika kalɛ na lɛ́kpanku-mii lɛ́siku Egyipte kalɔ lɛlɔ ni, lɛni kani na lɛ́kpanku Ƒilistiƒuɔ lɛ́siku Kaƒtor. Na lɛ́kpanku Siriaƒuɔ lɛ́siku Kir.

Nahum 3:10

Nsu béƒie-nwu na béti-nwu bésienku kaƒɔ kalɔ lɛlɔ. Na bádu nwuna bebi béwi lɛblɔnu lɛkɔkɔ ƒui lɛlɔ. Na bekyuli bani ndi bagadine ƒui ni, bádi-ma kuye na kadi bekyuli anumi. Na bakutine benengu ƒui bébo-ma kɔgba enu ku lɛgba.

Seƒania 2:12

Unwoti kewii kadubo amii Kus bekyuli bɔdu!

Ala Alɛdi 1 19:4

Anwuɔsu Hanun ɔ́ya na béƒie-ma na békpeyi-ma ukwi. Lɛni kani na ɔ́ya na nwuna bekpone békulo lɛwu gyɔlɔɔ lɛni bakya mmɔ kalɔ bédie ɔ́si kavobi. Ɔmmɔ kama ɔ́ya na bédie-ma ulu na bátɔlɔ bésie bana ɔma.

Yesaia 31:2

Unwoti útadɔlɔ! Ɔɔdi kenye kani na úse lɛlɔ. Na ɔɔkana na ɔya na kɔtu bɔni bubo ukyuli lɛlɔ na ɔyii udu. Na ama ndi balalane ku bani muunye teebunku likyulikpi ala bablane

Yesaia 31:3

Bekyuli bayawine kani na Egyipteƒuɔ badi, ama bani na bɛɛkali ka badubo-mii bubunku, na ɔɔɔdi ama ndi Katɔti. Na bana bapɔnkɔ lɛnɔ ni, bebuo ku ɔlɔna kani na badi na baaadi kɔyu kemmo lɛla lɛni muulie uwi ƒui. Si Unwoti Katɔti údie nwuna ɔyikun keyi ni, ɔdubɔyila Egyipteƒuɔ ƒui udu ku bani ƒui na béti bana anu básia-ma lɛlɔ na bakywi basa.