Yesaia 20:2 - Katɔti Ɔku Kedee

² uwi ɔmmɔ kemmo na Unwoti Katɔti ɔ́su Amos ubidi Yesaia kenye kadi ɔnini, “Da ƒula lɛgbanvuo ku lɛla lɛni na asabla die.” Na Yesaia lɛnɔ ɔ́bla lɛni ɔni na ɔsɔ ɔɔɔkya lɛgbanvuo iye adala adi.

Yesaia 20:2 Referans Kwoze

Mateo 3:4

Na awu ɔni na Yohane ɔkya ni, ɔƒlumu linwini na béti bédi-nwu. Na ebuo ɔku kabuli kada-nwu kavobi. Na nwuna adila ani na ɔɔdi ndi uwɔ ku baalɔlɔ bani muubile edula.

Mika 1:8

Ɔgbankpi ɔmɛni ɔsu na nkɛ lɛgbakplu ku kasɔngya. Na biinú mina kɔvanu aani ebuoƒuala ɔni nkɛ mɔɔkwanyi ku keku kani muuwulo teedumo aani likuku.

Samuel 1 19:24

Mmɔ ni, ɔ́da nwuna adala údie úwi na uudie Katɔti uubó kudu kɔmmɔ na Samuel anumi muedi. Na limeyi lɛmmɔ lɛlɔ ƒui ni, bɔtɛ kani na Saul ɔtɛ kalɔ mmɔ ku kasɔngya. Na ɔ́si litemi lɛmɛni ɔsu ni, lɛsugba lɛdi lɛkya na baayɔ́ buye banini, “Saul lɛnɔ únwini Katɔti Kenye Udiene yoo?”

Sakaria 13:4

“Na kɔƒa kɔdubukpo kenye bediene bammɔ na bana ɔkɔ kɔyu kemmo ala ani na ama alati banii baanu ɔsu, na basɔ balakya bana adala na batɔlɔ ka badi kenye bediene badi.

Esekiel 24:23

Na bɛɛɛdubo bina aduni bɔda bɔmami bina eli na biledie bina lɛgbanvuo lɛnɔ lɛgba na bɛsɔ bɛkɛ lɛgbakplu. Nsu bɛdubo bɔkɛ buteewulo kɔnyana na bina ekpidi ɔsu limeyi limodi.

Esekiel 24:17

Wulo kɔnyana na ƒula kayi kemmo kani na tabla tatina na bekyuli banu ɔmɛni bati na ƒula anumi lɛlɔ ka eewulo kɔnyana kɔdi. Tada ƒula lɛduni lɛni mma-a lili tamana iye edie ƒula lɛgbanvuo lɛni na akya na akɛ lɛgbakplu. Na teti lɛla lɛni lɛnɔ tebi ƒula anumi atina ka lɛla lɛdi lɛɛbla-a. Na tadi adila ani na kɔnyana bewulone lɛnɔ baadi aani kalɛ na ɔtɛ use na bekyuli baabla.”

Mika 1:11

Na amii Saƒirƒuɔ, bɛvi bɛtɔlɔ ku kasɔngya ku kɔƒa. Na ka bekisine báka Sanaanƒuɔ bákya ɔsu ni, ɔdi ɔɔɔdubo bɔkana bɔlɛ. Na keku ku kɔvanu kɔni nkya Bet-Esel ɔsu ni, bɛgyi bɛnii mmɔ kaaadi kaatamikukɔ kadi.

Yesaia 13:1

Amos ubidi Yesaia ɔ́nu budie taatina bɔdi na Babel kalɔ bɔkyula lɛlɔ.

Budie Taatina 11:3

Ndubute mina kenye bediene inyɔ ɔyikun na bedie-mi kenye na emeyi apim unwi ku emeyi eti alɔ ku leevu kemmo. Badubunyimi adala ani mɔɔtina ka beewulo kɔnyana na bekyuli alaekpidi ɔsu.”

Batalane Kabla 19:16

Amu na ukyuli ɔni lɛlɔ na kɔyu kukpidi kɔmɛni kulie ni, úbo-ma! Na báƒɔ lɛlɛ geen, na békeli bálɛ kaduli kammɔ ku kasɔngya!

Yohane 21:7

Amu na ɔtɛyane ɔni na Yesu ɔɔyɔ́ mmɔ ɔ́su Petro ɔnini, “Blɔti na ɔdi!” Ka Simon Petro únu ka ɔtɛyane ɔmmɔ ɔ́su ɔnii Blɔti na ɔdi ni, Petro úti nwuna awu gyɔlɔɔ ɔ́bala lɛlɔ, ɔsika ɔ́da-nwu údie. Na ɔ́ƒulu úduo ntu bɔmmɔ kemmo, na úti úsela Blɔti kudɔ.

Mateo 16:24

Amu na Yesu ɔ́su nwuna batɛyane ɔnini, “Si ukyuli ɔdi ɔɔwia ka ɔsiaku-mi kama ni, ɔlɛka udie nwuna lɛlɔ atu na ubo abi na ɔsiaku-mi kama.

Baga 2 1:8

Amu na ama lɛnɔ bédie kenye banini, “Ɔdi ɔnana ɔni na nwuna lɛlɔ libo linwini na úti ebuo ɔku ɔda nwuna kavobi.” Amu na ɔga ɔmmɔ údie kenye ɔnini, “Tisbini, Elia mmɔ.”

Samuel 2 6:20

Uwi ɔni na Dawid únwini úsie kaduli utéte kusɛ kusɛ ɔmmɔ nwuna kaduli bekyuli ni, Saul ubidi Mikal ɔni ndi ulekudi mmɔ ɔ́lɛ úbasiaku-nwu ulu. Na ɔ́su-nwu ɔnini, “Ɔmwi na lɛlɔ lɛ́yɔ Israelƒuɔ Ɔga na údie lɛlɔ lɛti na bakladi akɔ. Na úbu ɔni na udie kasɔngya na bekyuli bani lɛlɔ na ɔɔdi ku bana belekubi kabla bablane anumi. Na ɔ́bla lɛlɔ aani ukyuli ɔni na uuuse-nwu nwaa na ɔkana na udie lɛlɔ kasɔngya uwi biala na ɔɔyɔ́ ƒaa!”

Yosua 5:15

Mmɔ na Unwoti Ukpone Ɔtɔnkune ɔmmɔ ɔ́su Yosua ɔnini, “Da ƒula lɛgbanvuo die. Ɔsika kesii kani na enye mɛni kese kedee.” Na Yosua ɔ́da nwuna lɛgbanvuo údie aani kalɛ na Unwoti ukpone ɔmmɔ ɔ́su-nwu.

Israelƒuɔ Bɔlɛ 3:5

Amu na Katɔti ɔ́su Mose ɔnini, “Da ƒula lɛgbanvuo die! Ɔsika kalɔ kedee lɛlɔ na enye.”

Batalane Kabla 21:11

Amu ka úbo-bu kudɔ ni, ɔ́ƒɛnimi kabuli kani nda Paulo kavobi na únyimi anwu ɔlati enu ku lɛgba na ɔ́su ɔnini, “Katɔti Kɔyu kɔɔsu ka lɛni na Yudaƒuɔ badubunyimi ukyuli ɔni mbo kabuli kamɛni na Yerusalem na beti-nwu bakya ama bani naaadi Yudaƒuɔ lɛlɔ badine enu kemmo.”

Samuel 2 15:30

Nsu uwi ɔmmɔ ni, Ɔga Dawid úti ɔ́kɔ úsela Nnɔ Egyii Kɔbi lɛlɔ na uuwulo na ulu lɛlɔ. Na úti ala úbi lili na ɔkɛ lɛgbakplu. Lɛni kani na bani nsiaku-nwu ƒui bebi ala lili na bakɛ beewulo na ulu lɛlɔ.

Kɔgya 30:11

Áya na mina kɔnyana kúnwini ebiti katɔ. Na use aani kalɛ na baalɛ́ adi atonwudi kemmo na beenyimi aƒualadi.

Yesaia 1:1

Yesaia ɔni ndi Amos ubidi ɔ́nu kɔyu kemmo ala budie taatina adi na adanku Yuda ku Yerusalem. Útaanu ala amɛni na uwi ɔni na Usia ku Yutan ku Ahas ku Hesekia bélie bádi lɛga na ɔdi biala uwi kemmo na Yuda kalɔ lɛlɔ.

Yesaia 37:2

Na ɔ́tala Eliakim ɔni mɔɔnu ɔga kaduli lɛlɔ ku Sebna ɔni ndi ɔku unwenine ku bakpane benengudi ɔ́kya Amos ubidi Kenye Udiene Yesaia na bana ƒui benyimi adikpi.

Yeremia 48:37

Moabƒuɔ benye asa katɔ ku lilu lɛlɔ beewulo kɔnyana. Na banana békpeyi bana likwi na bekyuli békpeyi bana eli na békulo lɛlɔ ekpo muedi na bada adala ani mɔɔtina ka beewulo kɔnyana.

Esekiel 4:1

“Ɔƒɛni ni, Esekiel, ɔyawine ubi, wia lɛtabi lɛni lɛlɔ na beenweni ala taasia na ata Yerusalem asia-ni lɛlɔ.