Yesaia 2:9 - Katɔti Ɔku Kedee

⁹ Ɔmmɔ ɔsu Unwoti ɔdububoku bekyuli ƒui kalɔ. Na ukyuli biala ɔyila nwuna kenyekɔ. Teti takyiɛ-ma!

Yesaia 2:9 Referans Kwoze

Yesaia 5:15

Limeyi lɛmmɔ lɛlɔ na bani mɔɔtalaku lɛlɔ katɔ ƒui badubo bubuli bɔkpi ɔtumu. Na bani mɔɔnu lɛlɔ katɔ katɔ ƒui beboku-ma kalɔ.

Romaƒuɔ 3:23

Bekyuli ƒui bábla likpidi, na bátamanku ka bakɛ Katɔti lɛgadi bukeye.

Marko 3:29

Nsu anyikpi ani na ukyuli ɔdi ɔdubɔlɔ Katɔti Kɔyu ni, Katɔti uleti ulakyiɛ-nwu kudi kudii. Ɔsika ɔdubuti likpidi lɛmɛni aani likpidi lɛni na ulayiƒala kudii.”

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Nehemia 4:5

Teti bana ekpidi takyiɛ-ma. Ɔsika béwi bekyuli bani mɔɔtú ɔtɔ ɔmmɔ anumi kalɔ.”

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.

Koloseƒuɔ 2:23

Na bɔgyi ka ala ani baasu mɛni ni, aatina aani si adanku lɛnunda lɛdi bɔdi na Katɔti kabla kani na bánwi bámana-ka lɛlɔ ɔsu ku kalɛ na baabla ala adi na bekyuli anumi na baaní ɔlɔna ɔmmɔ kɔtu. Nsu ala ammɔ eléte kebunku kani maya na ukyuli ɔlɛ nwuna ɔlɔna ɔkwɛ adala kemmo.

Yeremia 18:23

Agyi ka bábla kasusu ka badu-mi. Anwuɔsu ti kɔnyi kya-ma na ani-ma kɔtu! Na teti bɔƒiɔ bonwu bɔmɛni takyiɛ-ma kudii.

Yesaia 57:9

Bɛɛkpí taawɛɛ ligyulo ƒɛƒɛɛ lidu lidu na biisié taatákpa Molek baƒiɔ. Na bɛɛtala batu na ɔlɔgyu na beesié taatálɔ ku bekpine ayu muedi teeye ala teenu.

Kɔgya 62:9

Ukyuli ɔɔɔdi ku lɛla. Na use aani ɔƒɛƒɛɛ ɔni nékpo ɔ́vi kani. Bani mɔɔnu ka bebo kenyekɔ ku bani nkya-ma kalɔ ƒui lɛkooƒo bana ƒui badi. Baakali ka bebo unu si bákɔku-ma bánu. Nsu ɔƒɛƒɛɛ muedi ubo unu utulo-ma.

Kɔgya 49:2

Amii bani nnye kunyekɔ kunengudi ku kɔnamudi ku balakɛne ku bawabane bina ƒui na nda.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Kɔgya 59:5

Unwoti Katɔti Ɔyikune Ƒui, awɔ ndi Israel Katɔti. Ta na ani kadi bamba bekyuli ƒui kɔtu. Na tada bani muulie taakya bekyuli kakya tese.

Yesaia 5:16

Na Katɔti lɛnyi likeye na lɛkɔ katɔ ka ɔɔtɛ litemi siin ɔsu. Na banu kalɛ na Unwoti use kedee, na kalɛ na ɔɔbla ala siin ɔsu.