Yesaia 2:2 - Katɔti Ɔku Kedee

² Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli, na kadi bekyuli ƒui badubukeli besie mmɔ.

Yesaia 2:2 Referans Kwoze

Yesaia 56:7

Na ndubo-ma bɔkpanku buboku mina kɔbi kedee lɛlɔ na badubɔkɛ lɛlɔyɔ na mina kaduli kani kemmo na baakpali-mi kemmo. Na bana etela ku akpala ani na badubuti beboku-mi na mina lɛkpabi lɛlɔ adubɔƒɔ-mi anu. Badubɔlɔ mina kesii banii kaduli kani kemmo na bayawine ƒui baakpali katɔ.”

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Sakaria 8:3

“Ndubɔsɔ linwini lisie Yerusalem na ntélie Sion Kɔbi kedee lɛlɔ. Na bekyuli ƒui badubɔnu Yerusalem bati aani mina ɔma ɔni nsiaku-mi kama siin. Na basu ka Sion ndi mina kɔbi kedee.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Petro 2 3:3

Kudeedi ni, bɛya na ɔbla-mii nwaa ka na emeyi ekplodi ammɔ kemmo ni, bekyuli bani nsiaku bana ɔlɔna ala ɔkwɛ adala kama badububo-mii kudɔ na bama-mii.

Timoteo 2 3:1

Se ɔmɛni likpo ka ni, na emeyi ekplodi kemmo ni, likyulikpi lɛdubɔya na keliela kayu ɔkplu.

Daniel 2:35

Na mmɔ ni, abuala kpakplaa ammɔ ku lɛti ku abuala egyiedi ku sika ɔƒualadi ku sika ugyiedi ɔmmɔ ƒui ni, ɔƒɛƒɛɛ úƒwi-nya ɔ́tɔlɔku ƒui kede kede ɔni na asɔ alanu nwuna kesii kadi aani kalɛ na beeƒi kamu aƒata teedie kamu ebi kemmo taatɔlɔku na kakpa. Nsu lɛtabi lɛmmɔ ani libenwini kɔbi bonwu kɔdi na kɔ́ƒɔ kalɔ ƒui lɛlɔ.

Yesaia 66:20

Na badubɔlɛku bina banwani bɔsiku kadi bekyuli ƒui kɔlɔ lɛlɔ beboku ami Unwoti aani akpala kalɛ na Yerusalem. Na badubulie bapɔnkɔ ku bebuo ala betine ku kɛɛkɛ lidu lidu ku bebuo ala betine ku keƒu lɛlɔ bebo. Badubo-ma bɔkpanku buboku aani kalɛ na Israelƒuɔ beeti bana kakpa edula etela taakya akyami ani na bédie bése sɛsɛɛ úte emeyi amɛni udu kemmo teeboku-mi na mina kakpakɔ.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Kɔgya 86:9

Kadi bekyuli bani ƒui na édie badubo babalɛ akɔnkɔ kalɔ bakpa-a batina kalɛ na eekeye.

Budie Taatina 20:4

Na ɔmɛni kama ni, lɛ́nu agaboku adi. Na bekyuli bani na Katɔti úte ɔyikun ka batɛku bekyuli litemi ni, belie-nya lɛlɔ. Na lɛ́nu bekyuli babambadi ayu. Ama ndi bani nédie Blɔti Yesu kenye na básu Katɔti litemi. Anwuɔsu kayawi bekyuli békulo-ma eli. Ama ndi bani nétemwi eƒiebuo ɔmmɔ iye eƒiebuo ɔmmɔ baƒiɔ bani bése béte lɛlɔ ka bataakpa. Na bátasia-ma nwuna likpose lɛdi na bana atɛntɛ iye enu lɛlɔ. Bekyuli bamɛni básɔ báta bébelie ngba na bádiku Kristo lɛga akwa apim unwi.

Hebriƒuɔ 1:2

Nsu na uwi ukplodi ɔmɛni kemmo ni, Katɔti ɔ́tɛmiku-bu ɔ́siaku Ubidi lɛlɔ. Ubi ɔmmɔ na ɔ́ƒuna úse ka ɔbla nwuna ala ƒui ɔdine. Na nwuna lɛlɔ kani na ɔ́sia údie kayawi ƒui.

Batalane Kabla 2:17

Ɔ́su ɔnini, “Na emeyi ekplodi kemmo ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.

Malakai 3:12

Na kɔlɔ ƒui bekyuli ɔdi biala ɔdubɔsu kalɛ na líte-mii kusɛ kusɛ ku kalɛ na bina kalɔ kadia.

Daniel 10:14

Na ɔƒaani ni, líbo mɛni kalɛ na lɛsɔ mbedie lɛla lɛni ndubo ƒula bekyuli bɔlɛku uwi ɔni ndubo kemmo lɛtina-a.”

Daniel 2:28

Nsu Katɔti ɔni nli mɔɔdi ala ƒui lɛlɔ ɔ́siku katɔ kakaaka ɔdubɔkana na udie abɛla amɛni keyi. Na uwi ɔni na atɛ alɛɛ ni, ɔ́tina-a ala ani ndubo abalɛ uwi ɔni ndubo.

Yeremia 3:17

Yerusalem ɔma ɔmmɔ ɔdubunwini mina lɛga kadikɔ liboku lɛni lɛlɔ na nlie. Na kadi bekyuli ƒui badubo-mi butaabu. Na basɔ balasiaku bana likyulikpi ɔbladu ɔni na bana kɔyi kɔɔtina-ma kama.

Yesaia 30:29

Na Unwoti bekyuli badubo ɔnu budie aani kalɛ na beedie ɔnu si baadi limeyi kedee na usien. Unwoti ndi lɛtakpɛ lɛni lɛlɔ na Israel kadi bekyuli békpo bana kama. Na lɛlɔ lɛdubɔyɔ nwuna kadi bekyuli geen aani kalɛ na baakɛ lisu ku atoloyii bɔvwi si bákɔ bésela abi lɛlɔ kesii kani na beesié taatákpa-nwu mmɔ.

Kɔgya 2:8

Awɔ, vele-mi na ndubuti kayawi kadi bekyuli ƒui lite-ɔ na eti kayawi ƒui abla ƒula kadikɔ.

Bumomo Bɔka 24:14

Amu na Bileam ɔ́su Balak ɔnini, “Ɔƒɛni lisela mina bekyuli kudɔ. Nsu asa na matɔlɔ ni, muubó-ɔ ɔda ɔmɛni na lɛsu-ɔ lɛla lɛni Israelƒuɔ badubo ƒula bekyuli bɔbla limeyi lɛdi.”

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Yeremia 49:39

“Nsu líse kenye ka limeyi lɛdi ni, ndubo-mii bɔsɔku buboku bina ɔma.”

Yeremia 48:47

“Nsu limeyi lɛdi ni, ndubɔsɔku ƒula bekyuli liboku ɔma. Ami Unwoti násu.”

Yeremia 30:24

Na mina kɔnyi kenye kaaadubo bɔyɔ wetédu uwi ɔni na lɛ́bla lɛni mɔɔyɔ́ lɛ́wɔlɔ. Na limeyi lɛdi ni, bɛdubunu lɛla lɛni na ndanku mɛni kalɔ.”

Yeremia 23:20

“Na mina kɔnyi kɔɔɔdubo-mi bɔyɔ wetédu uwi ɔni na lɛ́bla lɛla lɛni na lɛ́lɛ ugyii ka mabla lɛ́wɔlɔ. Na limeyi lɛdubo lɛni na bɛdubunu lɛla lɛni geen na mɔɔsu mɛni kalɔ.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Kɔgya 72:8

Ɔdi lɛlɔ ɔsi ɛpu ɔvi unwi útédu ɔkladi. Na ɔsi Euƒrate Ketu bonwu kɔtu útédu kalɔ kesii biala.

Kɔgya 22:27

Kayawi kadi bekyuli ƒui badubo bunyimo na benwini batásiaku Unwoti. Na kayawi bekyuli ƒui badubo-nwu bɔkpa.

Hiob 19:25

Ngyi ka mina Udiene ɔkya ɔni na kawɔlɔkɔ ni, ɔdubo ubenye kalɔ kamɛni lɛlɔ.

Ala Kalɔ Buse 49:1

Ɔmmɔ kama ni, Yakob ɔ́lɔ nwuna bebi ƒui ɔnini, “Bibasala na lɛsu-mii ala ani ndubo-mii bɔlɛku na emeyi ani nkpɛ kama adubo kemmo.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Yesaia 56:5

Na ndubɔtu likpose atabi bɔlɛ mina kakpakɔ na linweni bina anyi lɛsia-nya lɛlɔ. Na ɔmmɔ lɛti ɔdia utulo si bɛ́wɔ bebi, ɔsika atabi ammɔ adubunye mmɔ uwi ƒui.

Yesaia 65:11

“Nsu amii bani néni ami Unwoti na bɛ́yiƒala mina kɔbi kedee kɔmmɔ na biisé kadikɔ na bɛɛsála ntɛ na bɛɛdi taani teemwi baƒiɔ bɛnii ama mɔɔyá na lili lɛɛdia-mii na ama mɔɔgyumana-mii kasikɔ ni,

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Yeremia 26:18

“Kuuku uwi ɔni kemmo na Hesekia útaadi lɛga na Yuda kalɔ lɛlɔ ni, Katɔti kenye udiene ɔdi baalɔ banii Mika ɔ́kya na ɔ́si ɔma ɔnii baalɔ banii Moreset kemmo. Anwu násu ɔnini, ‘Ami Unwoti Katɔti Ɔyikune Ƒui mɔɔsu ka bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.’ ”

Yeremia 31:12

Mina bekyuli badubo-mi kudɔ na Sion Kɔbi lɛlɔ na babadi limeyi na bana anumi ekeye, ɔsika ndubute-ma kusɛ kusɛ. Na ndubute-ma antabi ku egyiibi ku nnɔ. Na lite-ma baƒonu ku ɔmantɛ bakɔ. Ala adubo-ma bɔdianku na balɛ lili aani kemo kani edula nákɛ ntu kaduɛ.

Yeremia 51:44

Na ndubo Babilonƒuɔ baƒiɔ bani baalɔ Marduk kɔtu bɔni geen na lɛya na ɔdala lɛla biala na ɔ́ƒɔ úbweli. Na kadi bekyuli badi basɔ beleboku-nwu etela adi. Na Babilon awodu adubo bɔƒɛ búwi kalɔ.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Sakaria 8:22

Kadi bayikune pii badubɔsi bana kɔlɔ bebo Yerusalem babakpali-mi na bevele-mi banii nnwini nnu-ma ku lɛƒɔndia.

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Sakaria 14:10

Na ɔ́si ɔma ɔni baalɔ Geba ɔ́yu útédu Rimon na Yerusalem kada kakɛ ni, kalɔ kammɔ ƒui kadubo bunwini kalɔ kani na katɛ kalɔ ƒiaa. Nsu Yerusalem anwu ɔmu ɔdubɔkuku utulo kesii biala. Na bekyuli badubɔƒɔ ɔma ɔmmɔ kemmo tɛtɛɛtɛ ɔ́si kesii kani baalɔ Benyamin Ɔban Kayakun útédu kesii kani na ɔban kayakun kedeedi kákya útédu Okodo Ɔban kenye. Na ɔ́sɔ ɔ́si kagyumanakɔ ɔtɔ ɔni baalɔ Hananel útédu ɔga ntɛ kebulokɔ.

Kɔgya 22:28

Ɔsika lɛga kadikɔ ƒui kadi Unwoti kadi. Na anwu mɔɔdi kadi bekyuli ƒui lɛlɔ.

Kɔgya 48:2

Sion Kɔbi kɔdi bula Katɔti kɔbi kɔni lɛlɔ na uli. Na kɔbi kɔmmɔ kɔ́kuku na kɔɔdia bɔnu sɔsɔ. Na ɔdi bula ɔga ɔma unengudi. Kesii kamɛni mɔɔyɔ́ kayawi bekyuli ƒui kaƒɔ.

Kɔgya 68:17

Uwi ɔni na Katɔti ɔ́yu úbo nwuna bekyuli kudɔ na Sinai kɔbi lɛlɔ ni, ɔkɛ ku nwuna bapɔnkɔ kɛɛkɛ linengudi mpim mpim lɛlɔ.

Kɔgya 87:1

Unwoti ɔ́da nwuna ɔma unengudi ɔ́sia Sion Kɔbi kedee lɛlɔ.

Kɔgya 87:2

Na ɔɔyɔ́ ɔma unengudi ɔmɛni teetulo kesi kesii na Israel kalɔ lɛlɔ.

Kɔgya 102:23

Unwoti ɔ́ya na mina ɔyikun ɔ́yuɛ uwi ɔni na lɛ́si mɔɔkɔ́ na ɔ́ya mina ngba emeyi lɛnɔ áƒana.

Yesaia 60:3

Na kalɔ kadi bekyuli ku bana baga badubo-ɔ kudɔ babanu ƒula bukeye kadi kawɔdi kani négye-ɔ.

Yesaia 66:23

Na lɛla lɛni na ami Unwoti mɔɔyá na bɛti ni, limeyi lideedi biala na kɔbuli kemmo ku lɛnwunameyi biala lɛlɔ ni, ɔdi biala ubo na ubakya-mi lili kalɔ.