Yesaia 19:3 - Katɔti Ɔku Kedee

³ Na enu adubɔƒɛ Egyipteƒuɔ. Na libile bana kɔkwɛ ƒui, na beye kasiakɔ basiku bana baƒiɔ ku bekpine, ku bekebone ku bevone kudɔ banɔ.

Yesaia 19:3 Referans Kwoze

Yesaia 8:19

Si bekyuli baasu-mii banii bitébo like na biye bekpine ku ayu ani mɔɔtɛmi kabɛnsɛ na baatɛmi linwubwɛ ala binu ni, ɔɔɔdi Katɔti mmomu na biye ala kalɔ binu? Bi ɔsu na bekpine na biiye ala binu bɛsiku bayawine lɛlɔ?

Daniel 2:2

Anwuɔsu ɔ́lɔ nwuna kasusu bakyane ku bevone ku kelisa benengu ku banundane ƒui ɔ́sala.

Ala Alɛdi 1 10:13

Na Saul úkpi, ɔsika útasiaku Unwoti siin. Na úni Unwoti ɔda bubo na úsie like bebone kudɔ ka úteye ala únu muedi.

Daniel 5:7

Amu na ɔga ɔmmɔ ɔ́kpali nwuna bevone bani mɔɔtɛmiku bekpine ayu ku ama bani mɔɔnu ayabi na beebó like ɔnii bebo. Na ɔ́su banundane bamɛni ɔnini, “Ukyuli ɔni ndubɔkana ala amɛni bɔka na udie-nya kalɔ ute-mi ni, ɔdubunwini ukyuli ɔtɛdi ɔni ndubɔkɛ kenyekɔ ku ɔyikun butulo ƒui na mina lɛga kadikɔ. Na ɔdubo awu ɔni náƒɔ kuye geen butaakya na ɔkya sika ugyiedi kɔsɛɛ ɔkwɛ.”

Esekiel 22:14

Na si uwi ɔni na lɛ́wɔlɔ lɛla lɛni na mɔɔyɔ́ lɛbla ni, bina ɔtɔtɔ ɔni na bibo ƒui ɔdubɔyii ɔkya na bɛbla kpɛtɛ kpɛtɛ ɔni na kɔnu muedi bɛsɔ bilakana-ku katɔ bɔkɔliku. Ami Unwoti násu na nsɔ lɛɛɛdubo lɛla lɛdi bɔvumana.

Esekiel 21:7

Na si béye-ɔ lɛla lɛni ɔsu na eedumo lɛni ni, su-ma anii énu kenye kekpidi kani mɔɔda liƒu geen na kadubɔya na ukyuli biala nénu-ka ɔtɔtɔ ɔgyu-nwu na utaatɔ ku liƒu kpakpaakpa. Na uwi ɔsɔ uletu asa na ala amɛni adubo bɔlɛ. Ami Unwoti muusé kenye kamɛni!”

Yeremia 46:15

Bina baƒiɔ benengudi bani ndi Apis ni, líibo-ma lɛ́ƒiɛmi kalɔ na lɛ́bɔku-nwu na úkeli ɔ́tɔlɔ.

Yesaia 57:16

Mina kadi bekyuli, lɛɛɛdubo kɔnyi buti bɔsɔ bulie butaadu-mii kɔtɔ kani. Ɔ́bla bi ɔ́bla dɛ ni, ami nédie-mii líboku kayawi. Anwuɔsu lɛɛɛdubo bɔya na enu aƒɛ-mii na bɛyila lɛnunsia ƒui.

Yesaia 47:12

“Amii binye bitaabla bina evo, na bitaakanti kalɛ kani na bítaabla, ɔƒɛni kalɛ bina evo ammɔ adubɔkya ukyuli ɔdi liƒu! Bɛya na buti-nwu lɛni.

Yesaia 44:25

“Ami muubile ɔkɔ kenye bediene ala bɔsu na mɔɔyá na bekebone baadɔlɔ na banundane lɛlati liinwíni kɔdɔlɔ lɛla lɛni kemmo na kasusu keeebo.

Yesaia 19:1

Linyesia lɛmɛni lɛdanku Egyipte kalɔ lɛlɔ. Bɛnu! Unwoti uli liƒlukutu bonwu lɛdi lɛlɔ, na ɔkɛ ku usi momoomo úsela Egyipte kalɔ lɛlɔ, na lɛlɔ lɛɛtɔ́ Egyipteƒuɔ baƒiɔ ku liƒu bonwu. Na Egyipteƒuɔ bammɔ alati báyɛyɛ, na enu áƒɛ-ma na bɔyia ɔsu.

Yesaia 15:2

Dibon ɔma bekyuli bákɔ bésie kɔbi lɛlɔ, na bana baƒiɔ kɔdu, na Moab kalɔ bekyuli ƒui béwulo na Medeba ɔma lili. Békpeyi bana eli ku kuduo ƒui.

Yesaia 14:27

na úudie kɔnu úse na kɔnyi kemmo ka ɔni kayawi kɔtu na ɔdi uletile-nwu kuƒi.

Agba 21:30

Kɔkwɛ kɔni na bekyuli baakya ƒui si ina dɛ na béti lɛnunda kemmo bákya-ku ni, kulakana Unwoti lɛlɔ bɔdi kudii.

Kɔgya 107:27

Na ɔƒɛƒɛɛ uubó-ma taavinku na baagbánta aani ntɛ bekpine ɔni na bana kɔkwɛ ƒui kɔ́sa.

Kɔgya 76:12

Uuboku bagabi bani mɔɔkɔliku lɛlɔ katɔ kalɔ. Na ɔɔyá na baga benengudi ƒui baayia-nwu.

Samuel 2 17:23

Ɔƒɛni ka Ahitoƒel ɔ́nu ka béteti nwuna kasusu kani na ɔ́kya-ma ni, ɔ́bala nwuna ebuo ala utine na ɔ́kɔ úlie-nwu lɛlɔ na ɔ́tɔlɔ úsie nwuna ɔma. Na ka ɔ́klibi ala úsie nwuna ɔtɔ ɔ́wɔlɔ ni, úsie útákya lɛlɔ ɔbuli na úkpi na báva-nwu bana ɔti kaƒiɔtɔ.

Samuel 2 17:14

Amu na Absalom ku Israelƒuɔ bammɔ básu banini, “Husai Arkini ɔmmɔ kasusu kani na ɔ́kya kadia ketulo Ahitoƒel kadi.” Ɔsika Unwoti ɔlati úse ka uƒu Ahitoƒel kasusu ɔkya na ɔgbankpi ubo Absalom lɛlɔ.

Samuel 2 15:31

Na ɔƒɛni ni, bábasu Dawid banini, “Ahitoƒel lɛnɔ ɔkya Absalom badi bani nása lili likpidi ƒula lɛlɔ akɔ.” Mmɔ na Dawid ɔ́kpali katɔ ɔnini, “O Unwoti, nwini Ahitoƒel kasusu kani na ɔɔkya-ma bla adɔlɔla.”

Samuel 1 25:37

Amu ka kadi kégye ni, Abigail ɔ́sɔku ala ani ƒui nálɛ ɔ́su Nabal. Na ka únu-nya lɛnɔ ni, kayi kékulo-nwu na ɔ́gyini unye aani lɛtabi.

Kɔgya 33:10

Unwoti úbile kadi bekyuli kasusu ku kɔkwɛ biala na baakya kemmo. Na ɔɔyá na kulalɛ ɔbuni.

Daniel 1:20

Na ɔ́si uwi ɔmmɔ úsela ni, si ɔga ɔmmɔ ɔɔwia kasusu na lɛla lɛdi lɛlɔ ni, nwuna bevone ku kasusu betine ƒui ɔdi ɔsɔ uledu bakloƒu ine bamɛni ɔdi munu munu!

Baga 2 1:2

Na Ɔga Ahasia úbuli ɔ́siku nwuna ɔtɔ katɔ úbayu kalɔ na Samaria, na nwuna lɛlɔ lɛ́ƒɔ ɔlɛ kaduɛ. Ɔmmɔ ɔsu, ɔ́tala batu badi na ɔ́su-ma ɔnini, “Bisie na bitéye Baal-Sebub ɔni ndi Ekronƒuɔ baƒiɔ si ndubo bɔta na ɔlɛ ɔni na muuƒi mɛni kemmo?”