Yesaia 18:4 - Katɔti Ɔku Kedee

⁴ Lɛni na Katɔti ɔ́su-mi ɔnini, “Ndubulie mina keliekɔ ntaanu kpoo, aani kalɛ na ɔƒɛ ɔɔyá na kadi kaabi, iye edula ɔƒɛwi liwulu lɛɛyá na amii aayu.”

Yesaia 18:4 Referans Kwoze

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Yesaia 18:7

Na uwi ɔmmɔ kemmo ni, bekyuli bani nákuku ku ɔlɔna suɛlɛ suɛlɛ mɛni, na bana lɛlɔ libo liƒu úsie ɔgyu ɔ́mana mmɔ, na bana kɔnyi ku kalala kani na baabla bekyuli ɔsu, na ntukpa búle-ma kalɔ kemmo bɔ́vi ƒui, badubuti etela beboku Unwoti Ɔyikune Ƒui. Na etela ammɔ adubuse Sion Kɔbi lɛlɔ kesii kani na baakpá Unwoti Ɔyikune Ƒui.

Yesaia 14:32

Bi kenye na bɔdubudie bute bekisine bammɔ si banii bana batu badi bébeye lɛla lɛdi? Bɔdubɔsu-ma bɔnini, “Unwoti úse katamikukɔ úse Sion, na nwuna bekyuli bani ƒui na baanya taakya badubɔkɛ katamikukɔ.”

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Samuel 2 23:4

use aani ɔtanta kadi kalɛ na keekeye si ɔƒɛ ɔ́tu ɔdubo na liƒlukutu lɛdi liiibo-nwu kemmo. Na use aani kalɛ na kadi keekeye si ɔnantu ɔ́na ɔ́da na ɔɔyá na evete awɔdi aata.’

Hosea 14:5

Na ndubuse lite-mii aani amii ani mɔɔyu na bɛlɛ lili aani egyii anwula ani muubimi na bidie ligyiitu aani kugyii kalɛ.

Yesaia 46:13

Ndubo mbaƒɔ-mii, na uwi ɔsɔ uletu. Ńtagyunku-mii, ɔsu lɛɛɛdubo uwi ɔdi bubile. Ndubo Yerusalem budie na mina lɛnyi likeye na Israel.”

Yesaia 31:9

Bana kɔgyumanakɔ kpakplaa kɔni na bátu bényene mmɔ ƒui kɔdubɔƒɛ kuwi kalɔ, uwi ɔni na ɔgbankpi ɔmmɔ ɔdubɔda ɔlɛ-ma lɛlɔ ɔni na baaagyi beeese. Na bana bekpone benengu ƒui badubɔyia na bekeli na kekpokɔ mmɔ.” Lɛni na Unwoti ɔni násala lɛgyavonku lɛyu bonwu ɔ́lɛ Sion Kɔbi lɛlɔ ɔ́su.

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Kɔgya 72:6

Na aya na ƒula ɔga bekyuli bɔtɔnku bɔbla aani kalɛ na ɔnantu ɔɔna teewi kemmo edula lɛlɔ iye uuwi na kalɔ kaayɔ́.

Yoel 3:17

“Ami ndi Unwoti bina Katɔti na bɛdubo bɔnu bɔti ka nli Sion Kɔbi kedee lɛlɔ. Na baƒɔ bekpone badi basɔ baaadubo Yerusalem butuku, ɔsika use kedee.

Agba 19:12

Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Ala Alɛdi 2 6:21

Ƒula kabla ɔblane na ndi na Israel kadi bekyuli bammɔ ƒui awɔ mbo-ma. Anwuɔsu uwi biala na bekyuli bamɛni akɔ ɔdi únwini ɔ́nu kakpakɔ kamɛni na ɔ́kpali-ɔ ni, na enu-nwu bɔkpali asiku katɔ kesii kani na eli mmɔ na eti bula alaekpidi akyiɛ-bu.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Amos 3:7

Na Katɔti ulábla lɛla lɛdi ntu ɔ́ka nwuna kenye udiene bɔsu.