Yesaia 17:1 - Katɔti Ɔku Kedee

¹ Damasko lɛlɔ kɔtɛ. “Bɛnu! Damasko ɔma unengudi ɔdubɔyii udu na ɔƒaamu ɔdubunwini alakpi kebu bonwu kadi.

Yesaia 17:1 Referans Kwoze

Sakaria 9:1

Unwoti ɔnii nwuna anumi asia ukyuli biala lɛlɔ, na bani ɔdi mbo ɔkplu utulo ƒui ndi Israel adua ammɔ. Na ɔ́tɛ litemi ɔ́du Hadrak ku Damasko lɛma linengudi lɛmmɔ kɔtɔ.

Yesaia 25:2

Na awɔ nábwɛ ɔma unengudi ɔni na bátu awodu bámana mmɔ na ásala-nwu lisu álɛ aani kebu. Ɔma ɔni na kemmo na báƒɔ béyi-nwu mmɔ ni, awɔ nábwɛ-nwu na ɔsɔ ɔɔɔdi ɔma na ɔdi ɔnu ɔti ka ɔ́kya dii. Na basɔ balakana-nwu bɔsɔku bɔtu lɛnɔ kudii.

Batalane Kabla 9:2

Mmɔ na úvele-nwu ɔnii ute-nwu ɔku na uti usienku Yudaƒuɔ kɔsakɔ na Damasko kalɛ na ɔkɛ ɔyikun na uƒie banana ku beleku bani ƒui nsiaku bɔƒɔtaadi bɔwɔdi bɔmmɔ usienku Yerusalem.

Mika 1:6

Anwuɔsu na Unwoti ɔdubunye ɔnu na Samaria ɔyii udu na lɛla biala libie lɛbla aani kebu alakpi. Na ɔdubɔta ɔbla aani kesii kani na bálɛ adingyii. Na ɔdubugyingya nwuna lɛtɔ atabi ƒui na ɔgbala-nya utákya ɔkwalɛ na ugyingya awodu ammɔ ɔka ɔni nkya kalɔ kemmo ƒui.

Yeremia 49:2

Ndubo bekpone badi buti bumene-mii limeyi lɛdi na bebekpo-mii na bina ɔma unengudi ɔni ndi Raba na babwɛ-nwu ƒui kede kede. Na badubo lɛma lɛkladi lɛni na amadɔ bɔkyula bunwini ntɔ. Bɛ́ƒɔ Israelƒuɔ kalɔ kadi, nsu limeyi lɛmmɔ lɛlɔ ni, Israel ɔdubɔƒɔ awɔ kadi!

Yesaia 7:8

ɔsika Damasko ndi ɔma unengudi ƒui na Aram kalɔ lɛlɔ na Damasko ɔmmɔ lɛlɔ ɔdine kani ndi Resin. Ɔƒɛni Israel kalɔ aka ni, na akwa liti ku leevu-ɛlɔ kemmo ni, badubo ɔma ɔmmɔ bɔbwɛ na bayila-nwu udu ƒui.

Ala Kalɔ Buse 14:15

Ka údu usien ni, Abram úle bekpone bamɛni na bétéyu-ma bátu, na békpoku-ma na bágya-ma bálɛku mmɔ ku usi útálɛ Hoba kalɔ lɛlɔ na Damasko katɔ kakɛ.

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Yesaia 37:26

“ ‘Bunu na étenu ɔmɛni kudii? Ami nábla ala amɛni líse kukuuku. Na lɛ́tina kalɛ na adubo buse na uwi ɔni návi ƒui kemmo. Na ɔƒɛni lɛ́ya na ébo-nwu kemmo. Na ákana na énwini lɛma linengudi lɛni na bátu bámana ábla aani atabi ani na bála básala lisu.

Yesaia 19:1

Linyesia lɛmɛni lɛdanku Egyipte kalɔ lɛlɔ. Bɛnu! Unwoti uli liƒlukutu bonwu lɛdi lɛlɔ, na ɔkɛ ku usi momoomo úsela Egyipte kalɔ lɛlɔ, na lɛlɔ lɛɛtɔ́ Egyipteƒuɔ baƒiɔ ku liƒu bonwu. Na Egyipteƒuɔ bammɔ alati báyɛyɛ, na enu áƒɛ-ma na bɔyia ɔsu.

Yesaia 15:1

Kenye kamɛni kaatina lɛla lɛdi na Ar ku Kir Moab lɛma linengudi lɛlɔ. Usien unwi kani na bábwɛ lɛma lɛmmɔ na lɛ́yii udu ƒui!

Yesaia 13:1

Amos ubidi Yesaia ɔ́nu budie taatina bɔdi na Babel kalɔ bɔkyula lɛlɔ.

Yesaia 10:9

Na bádi Kalno ɔma lɛlɔ aani kalɛ na bádi Karkemis ku Hamat ku Arpad ku Samaria ku Damasko lɛnɔ lɛlɔ.

Yesaia 8:4

Na asa na ubi ɔmmɔ ɔdubɔti bɔsu ɔnii, ‘Mina Ati’ iye ‘Nna’ ni, Asiriaƒuɔ ɔga úuti Damasko lɛlakɛ ku ala ani na ɔdubuƒie ɔƒɔ na Samaria ɔ́tɔlɔku uwi ɔmmɔ.”

Ala Alɛdi 2 28:23

Ɔ́su lɛlɔ ɔnini, “Use-mi aani Siriaƒuɔ baƒiɔ bamɛni nébunku-ma ɔsu na bákana-mi lɛlɔ bɔdi. Anwuɔsu ɔƒɛni kalɛ si lɛ́bla akpala líte-ma ni, badubɔkana na bebunku-mi.” Ɔmmɔ ndi likpidi likplodi lɛni na Ahas ɔ́bla na lítiku-nwu lítákya kukpi kemmo ku Yuda bekyuli udu bɔyii.

Ala Alɛdi 2 28:5

Ahas ku Yuda kadi bekyuli ƒui bábla likpidi báƒiɔ Unwoti na bénwini kama bákya Katɔti ɔni na bana bati kuuku bákpa. Anwuɔsu na Katɔti úti-ma ɔ́kya Aram kadi bekyuli enu kemmo na bétiku nwuna bekyuli pii bátɔlɔku aani bekyuli biƒiedi bésienku Damasko. Na lɛni kani na Israelƒuɔ lɛnɔ bésusu-ma geen na kekpo kammɔ kéƒie bana bekyuli pii bátɔlɔku.

Baga 2 16:9

Na ka Asiriaƒuɔ ɔga únu litemi lɛmɛni ni, útiku nwuna bekpone na bétékpoku Damaskoƒuɔ. Na bádu Ɔga Resin. Na béti bekyuli bakladi bammɔ bésienku Kir, batɔntɛne kalɛ.

Ala Kalɔ Buse 15:2

Nsu Abram údie kenye ɔnini, “O Unwoti Ɔyikune Ƒui, bi na adubɔkana-mi bute ka liiibo ubi ɔni madi-mi ala muedi? Na Eleasa ɔni nási Damasko kani nkya-mi kudɔ.”

Ala Alɛdi 1 18:5

Amu ka Siriaƒuɔ bani na bási Damasko lɛnɔ bébo banii bebebunku Sobaƒuɔ Ɔga Hadadeser ni, Dawid ɔ́du bana mpim aavlanyɔ-inyɔ.

Baga 1 11:24

Reson ɔmɛni ɔ́wia bananabi badi úbunku lɛlɔ na únwini bana ukpone ɔtɔnkune, na benwini bekpone bani muukpóku baga uwi ɔni na Dawid ɔ́yila Soba bekpone ƒui udu. Na Reson bekpone bamɛni bésie Damasko na béti mmɔ.

Lɛkpa Ulu 13:16

Na akɛla ani na ɔma ɔmmɔ bekyuli bebo ƒui ni, bɛla-nya ƒui bitéwi kuyeya na bɛkyula ala ammɔ ku ɔma ɔmmɔ ƒui. Na ala akyuladi ammɔ ƒui adubunwini akpala ete bina Unwoti Katɔti. Na ɔma ɔmmɔ unwini ɔma ɔni na úbie na ɔsɔ uladia bɔsɔku bɔda kudii.

Yesaia 7:16

Nsu asa na ɔdubɔti likpidi ku lɛbuni kavumana ni, baga inyɔ bani na aayia geen na badi Israel ku Aram baga mmɔ béekpi bábavi.