Yesaia 16:7 - Katɔti Ɔku Kedee

⁷ Anwuɔsu bɛya na Moab kadi bekyuli bakɛ beteewulo kɔnyana taavi, na bana lɛlɔ lɛni mɔɔkywí-ma ɔsu. Na badubo buwulo na emini ani bádi ɔsu, na bana ɔma unengudi na Kirhaset.

Yesaia 16:7 Referans Kwoze

Baga 2 3:25

Na bátábwɛ bana lɛma linengudi lɛmmɔ báyila-ni udu ƒui. Na bana mmo bɔbuni bɔni na bése ni, Israelni biala úƒwimi lɛtabi útáva-ka kemmo útédu ka atabi aƒɔ mmo bɔmmɔ ƒui lɛlɔ. Na béyile abiɔ biala na áda bɔyu áya. Na báda egyii abuni biala béwi kalɔ. Na ɔma ɔni baalɔ Kir-Haraset kani nébu. Na banana bani nda bana ekpola báka bámana ɔma ɔmmɔ na békpoku-ma.

Yeremia 48:20

“Na badubudie kenye banini, ‘Moab lɛlɔ na bekisine bádi! Anwuɔsu biteewuloku-bu bula kɔƒa keku. Na bɛsu bekyuli bani ƒui na bakya Arnon Ketu ka bákyula Moab na ɔ́yii udu.’

Yesaia 16:11

Mina kayi keewulo ku Moabƒuɔ kɔnyana aani si ɔbentaa na nda muudie kɔnyana lɛnu, na Kirhaset litemi liikpóku-mii geen.

Yesaia 8:19

Si bekyuli baasu-mii banii bitébo like na biye bekpine ku ayu ani mɔɔtɛmi kabɛnsɛ na baatɛmi linwubwɛ ala binu ni, ɔɔɔdi Katɔti mmomu na biye ala kalɔ binu? Bi ɔsu na bekpine na biiye ala binu bɛsiku bayawine lɛlɔ?

Ala Alɛdi 1 16:3

Na úte bekyuli bammɔ ƒui ɔdi biala bodobodo umodi unwi ku lɛna lɛdi ku egyiibi lidu kangyiɛ.

Ala Alɛdi 1 12:40

Lɛnɔ ni, bana liku bekyuli bani na bási ɔgyu ƒui aani Sebulon ku Isakar ku Naƒtali kaba bekyuli béti adila pii básia bana bebuo ala betine lidu lɛlɔ béboku-ma. Na ɔlaaƒɔ ku ala agyidi lidu lidu ku ntɛ ku nnɔmii ku ɔmantɛ bakɔ ku baƒonu bábu. Na sɔsɔ ni, ebiti ákya Israel.

Yeremia 48:31

Anwuɔsu ndubo keku ku kɔnyana buwulo bute Moab ku nwuna Kir-Heres ɔma.