Yesaia 16:5 - Katɔti Ɔku Kedee

⁵ Ɔmmɔ kama ni, badubuse lɛga kadikɔ kadi bese, na kadanku bɔyɔ ute bekyuli ƒui. Na ukyuli ɔni mɔɔdi litemi lɛlɔ ulu lɛlɔ ndubo lɛga lɛmmɔ bɔdi. Na ɔ́si Dawid ɔtɔ kemmo. Na anwu mɔɔtɛ litemi na ulu geen ɔmmɔ lɛlɔ. Na ɔɔbabla taasia anu taabla lɛla biala siin.

Yesaia 16:5 Referans Kwoze

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Mika 4:7

Na bekyuli bani nébu mɛni na badi balɛne na bani na béƒie bátɔlɔku mɛni kemmo ni, badubunwini mina bekyuli na lɛya na benwini kadi bani na bebo ɔkplu. Na ami Unwoti ndubo Sion Kɔbi lɛlɔ mmɔ bulie na Yerusalem, na ntaadi-ma lɛlɔ úsela uwi ƒui.

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Agba 20:28

Kalɛ na ɔga ɔɔyɔ́ bekyuli uwi ndi uwi na ɔɔdi nwuna etemila lɛlɔ lɛnɔ ɔɔgyumana-nwu na ɔɔyá na nwuna lɛga kadikɔ keenye kpakplaa na bɔyɔ bɔmmɔ ɔsu.

Samuel 2 7:16

Ƒula ɔtɔ kemmo ku ƒula lɛgakadikɔ kadubuse keteesie uwi ƒui.’ ”

Amos 9:11

“Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.

Yesaia 55:4

Lɛ́bla-nwu na ɔdi kadi bekyuli ƒui ɔtɔnkune na anwu nádi mina kenye udiene úte-ma.

Agba 29:14

Ɔga ɔni mɔɔtɛ bawabane litemi ulu siin lɛlɔ ni, nwuna lɛgadi liinye kpakplaa teetu uwi.

Kɔgya 99:4

Awɔ ndi bula ɔga unengudi ɔni mɔɔyɔ́ ala bɔbla siin. Áya na litemi bɔtɛ ulu lɛlɔ siin unye kpakplaa na Israel kadi bekyuli akɔ.

Kɔgya 98:9

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛlɔ ɔtɛ litemi lɛmmɔ.

Kɔgya 96:13

Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛmmɔ lɛlɔ ɔtɛ litemi lɛmmɔ.

Kɔgya 89:14

Ƒula bɔyɔ bɔni na aayɔ́-bu uwi ndi uwi ku kalɛ na asia ƒula litemi kama ntɔ-ɔ anumi na uudie-ɔ keyi ka ƒula lɛgadi lɛmmɔ ƒui linye kpakplaa lite ala bɔbla siin ku litemi bɔtɛ na ulu lɛlɔ.

Kɔgya 85:10

Nwuna bɔyɔ bɔni neeebo kawɔkɔ ku kalɛ na ulalɛ nwuna litemi kama uwi ɔdi ɔdubɔsala ɔbla unwi. Na kalɛ na Unwoti ɔɔbla ala siin na uute keyi buɛɛ lɛnɔ ɔdubɔkya lɛlɔ kɔgbu.

Ala Alɛdi 2 31:20

Ala ani ƒui na Hesekia ɔ́bla uwi ɔni na ɔɔdi Yuda lɛga ku ala ani ƒui na ɔ́bla úse kakpakɔ kammɔ kemmo na Yerusalem ni, adia na ese siin. Nwuna lɛgadi lɛ́lɛ kɔsia, ɔsika ɔ́di Unwoti Katɔti litemi lɛlɔ ku nwuna kayi ƒui.

Baga 1 10:9

Na buumwi Unwoti ɔni ndi ƒula Katɔti, kalɛ na údie nwuna bɔyɔ ɔ́tina-a. Na úse-ɔ Israelƒuɔ ɔga. Ɔsika ubo bɔyɔ ute Israel uwi ƒui ɔsu na úti-ɔ úse lɛga kalɛ na ataanu nwuna ɔda bubo taabla ala ulu lɛlɔ.”

Samuel 2 23:3

Israel Katɔti ɔni ndi lɛtakpɛ lɛni lɛlɔ na békpo kama násu-mi ɔnini, ‘Ukyuli ɔni mɔɔdi bekyuli lɛlɔ na ulu siin lɛlɔ, na ɔɔyia Katɔti na ulu ɔni lɛlɔ na ɔ́sia ɔɔdi bekyuli lɛlɔ ni,

Samuel 2 5:9

Ka Dawid ɔ́di ɔma ɔmmɔ lɛlɔ ɔ́wɔlɔ ni, úsie útélie ɔma kagyumanakɔ kpakplaa kammɔ kemmo. Na ɔ́sia mmɔ lɛnyi ɔnii Dawid Ɔma. Na ɔ́ya bátu lɛtɔ mmɔ bene bámana ɔ́siku kesii kani na básia atabi ubili bényimi mmɔ kudɔ na nwuna kemmo kakɛ.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.