Yesaia 16:4 - Katɔti Ɔku Kedee

⁴ Bɛya na abu Moabƒuɔ bekeline bɔkɛ kakyakɔ na bina kudɔ, na binwini katamikukɔ bite-bu na bula bekisine ɔsu.” Bekyuli bekpidi uwi ɔdubo bɔsa, na bekyuli udu bɔyila bɔwɔ ulu. Na bekyuli bani nkɛ mɔɔbɔku bekyuli bamba na baayila-ma udu uwi ku ɔyikun ɔsa, na bayii udu na kalɔ kammɔ ƒui lɛlɔ.

Yesaia 16:4 Referans Kwoze

Yesaia 14:4

bɛdubo ɔnu bɔnwi bɔsia Babel ɔga na bɛsu bɛnini, “Báyila ɔyikune ɔmmɔ udu! Na nwuna kɔnyi kpakplaa ku lɛlɔ bɔtina bɔmmɔ kenye kékulo!

Malakai 4:3

Uwi ɔni na ndububo mbatɛ litemi mmɔ ni, bɛdubɔnya bɛvi bekyuli bekpidi lɛlɔ bisusu aani si ntɔ na badi na bina lɛgba kalɔ. Ami, Unwoti Ɔyikune Ƒui, násu!

Yesaia 51:13

Ami nébimi kayaa lɛ́ƒala katɔ na lɛ́kya kowodu kalɔ ɔka líte kalɔ kammɔ ƒui. Nsu amii bɛ́yiƒala ami bina Unwoti ku Udiene, na bekyuli bani néti kɔnyi bákya-mii na baawia ka badumi-mii mmomu na bilie bɛɛyia uwi ndi uwi, nsu wɛ na bakya ɔƒɛni?

Yesaia 9:4

Ɔsika lɛbibo ku ukyuli kalala bɔbla bɔni nénwini lɛbibo kɔgba na kɔda ƒula bekyuli ni, adubo-ku bɔƒɛ ƒui, aani kalɛ na áyila Midianƒuɔ bekpone udu ƒui.

Budie Taatina 11:2

Nsu takɔku keyi, ɔsika béti mmɔ béte bekyuli bani naaadi Yudaƒuɔ. Badubo mmɔ ku ɔma ɔmmɔ ƒui lɛgba butu bɔvi abuli aavlene-anyɔ.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Sakaria 10:5

Badubo bubunku na kekpo kammɔ kemmo na badubɔsala lɛlɔ na badi bana bekisine lɛlɔ na besusu-ma bakya lɛgba kalɔ aani aba. Badubo bukpo, ɔsika ami Unwoti ndubunye-ma kama na besusu bana bekisine bekpone bapɔnkɔ beliene bammɔ kpɛtɛ kpɛtɛ.

Yeremia 48:18

“Amii bekyuli bani nkya Moab ɔma unengudi ɔni baalɔ Dibon, bekyuli basɔ baaadubo-mii bɔbu. Anwuɔsu bɛɛnu bina liboku na lɛti akɔ mmɔ. Bina bekisine badubo bina awodu bubo bɔƒɛ si uwi ɔni na beekpóku-mii.

Yeremia 48:8

“Bina ɔma ɔdi biala ɔɔɔdubo bubu na balabwɛ-nwu. Ɔsika lɛ́su bina bekisine nnini, ‘Bɛkpala Moab Kɔwɛ kɔmmɔ kemmo ku kalɔ ƒiaa kammɔ ƒui bekyuli bidie-ka lɛlɔ.’

Yeremia 21:12

“Bɛnu ka kadi kawɔdi biala négye ni, bɛ́tɛ etemila siin bɛ́siaku ulu geen ɔmmɔ lɛlɔ na bɛ́ƒɔ bani ƒui na bekyuli beeyú-ma. Na si ɔɔɔdi lɛni ni, ndubo kɔnyi kpakplaa bɔkɛ bɔkya-mii na libile ala aani ogya ɔni mɔɔda na uléni.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Yesaia 25:10

Unwoti ɔlati kɔnu kɔdubɔgyumana kɔbi kɔmɛni. Nsu badubɔnya Moab kadi bekyuli ama bakya aani kalɛ na bebuo baanya keti taakya libi akɔ.

Yesaia 15:6

Nimrim ntukpa bɔ́kwii! Na ɔƒɛ ɔ́du utubili livo lɛmmɔ ƒui, na livo lɛdi lɛsɔ liiide mmɔ.

Lɛkpa Ulu 24:14

Tanya Israelni ɔwabane iye ɔƒɔ ɔwabane ɔni nkya-mii akɔ takya si éti-nwu anii ubabla kabla na limeyi lɛyuƒɔla kenye ute-ɔ.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Sakaria 9:8

Katɔti ɔnini, “Ndubo lɛlɔ bɔklibi buse na lɛgyumana mina kakpakɔ na bekyuli bani muubo banii bebekpo babwɛ ɔtɔ ɔmmɔ ɔsu. Ngyi ala ani ƒui mɔɔlɛ́, na nsɔ lɛɛɛdubo kuƒi bute na ɔdi ubabla mina kadi bekyuli kalala kadi lɛnɔ.”

Yesaia 49:26

Na ɔdubɔya na bekyuli bekpidi bammɔ bakun ama alati bana ɔlɔna aani lɛna na bani bana ubugya bekpi aani kalɛ na baaní ntɛ teekpi. “Na ukyuli biala ɔdubɔnu ɔti ka ami ndi Unwoti Israel Katɔti Ɔyikune Ƒui ɔni mɔɔƒɔ́-mii ngba na ɔɔyá na bɛɛkɛ́ bɔnwuna.”

Yesaia 54:14

Ndubɔya na bɛbla bekyuli bani nse siin, na baabla lɛla biala taasiaku ulu lɛlɔ, na bilie kalɔ kpi ɔni na bɛsɔ biláyia lɛla lɛdi, na ala ani muukpóku-mii ƒui adubusie kama ƒui na bina kudɔ.

Yesaia 58:7

Na bile bina adila bite ukyuli biala na kɔka kɔɔda. Na bɛya na bawabane ku bani neeebo kuduokɔ bakɛ kuduokɔ bina kudɔ na bakɛ kɔtɛnkɔ. Na bani mɔɔyaki adala lɛnɔ na bite-ma adala na babɛ kɔyɔ. Na bilénwini kama bilakya bina lɛlɔ bekyuli.

Yeremia 40:11

Uwi ɔni na Babilonƒuɔ báka Yuda bukpo ni, Yudaƒuɔ pii békeli bésie Moab ku Amon ku Edom abi lɛlɔ ku kɔlɔ bamba pii lɛnɔ kemmo. Nsu Yudaƒuɔ bamɛni bénu ka Gedalia na Babilonƒuɔ ɔga ɔ́ƒuna úse ka utaadi Yuda kalɔ ƒui lɛlɔ, nsu nkyuli ɛlɛɛ kani nébu bakya kalɔ kammɔ lɛlɔ. Ɔmmɔ ɔsu bekyuli bamɛni bénwini bébo banii bebebunku na bede egyiibi ani nánwu kaduɛ mmɔ na lɛkwa lɛmmɔ kemmo utulo akwa bamba ƒui.

Obadia 1:14

Uwi ɔni na bakya lɛbibo kemmo ni, utalɛ ka bílie bani muukeli ulu lɛlɔ na bíƒie-ma bíte bana bekisine bani muukpó-ma.