Yesaia 15:2 - Katɔti Ɔku Kedee

² Dibon ɔma bekyuli bákɔ bésie kɔbi lɛlɔ, na bana baƒiɔ kɔdu, na Moab kalɔ bekyuli ƒui béwulo na Medeba ɔma lili. Békpeyi bana eli ku kuduo ƒui.

Yesaia 15:2 Referans Kwoze

Yeremia 48:1

Unwoti Ɔyikune Ƒui, Israel Katɔti, ɔ́su-mi ɔnii nsu Moab kadi bekyuli ɔnini, “Nebo ɔma ɔdi ɔ́sa. Na badubo Kiriataim buƒie bɔƒɔ na bakya-nwu kɔƒa. Na nwuna awodu bonwu ani mɔɔgyumana ɔma ɔmmɔ muedi adubo bɔbwɛ.

Lewiƒuɔ Ɔda Bubo 21:5

“ ‘Na bakpane betekpeyi bana eli iye ukwi amadɔ iye bekulo bana ɔlɔna kesii kadi na kukpi kɔdi ɔsu.

Yeremia 48:18

“Amii bekyuli bani nkya Moab ɔma unengudi ɔni baalɔ Dibon, bekyuli basɔ baaadubo-mii bɔbu. Anwuɔsu bɛɛnu bina liboku na lɛti akɔ mmɔ. Bina bekisine badubo bina awodu bubo bɔƒɛ si uwi ɔni na beekpóku-mii.

Yesaia 3:24

Na bana ugyulo ɔnyi ƒɛƒɛɛ ɔmmɔ ɔdububie. Na bana agblinti aduni buni enwini lɛbuli lɛbuli. Na bana eli linwini lɛni báklibi ƒui lɛdubɔyii udu. Na benyimi adikpi na lɛwu buni gyɔlɔɔ lɛmmɔ kenye. Na bayila bana bɔdia ƒui, na beti kɔƒa kani bataavi.

Lɛkpa Ulu 34:1

Amu na Mose ɔ́kɔ úsie Moab kalɔ kani nwi ƒiaa ɔ́si Nebo Kɔbi na útédu Pisga Kɔbi lili na Yeriko ɔƒɛ katukɔ kakɛ. Na mmɔ na Unwoti ɔ́tina-nwu kalɔ kammɔ ƒui ɔ́si Gilead úti útédu Dan

Bumomo Bɔka 21:30

Nsu búgyingya-ma ƒui na Hesbon ɔ́yii udu útédu Dibon. Na bɔ́yila-ma butédu Noƒa laa útédu Medeba.”

Esekiel 7:18

Na kɔnyana adala na bɛdubo butaada biti bɛtina kalɛ na bɛkya lɛƒɛda kemmo. Nsu liƒu ala sɔɔn ndubɔƒɔ-mii keliela kemmo. Na kɔƒa ala lɛnɔ sɔɔn bekyuli badubo butaanu taati na bina anumi lɛlɔ na bɛdubukpeyi bina kuduo linwini ƒui ka bɛ́yila lɛnunsia biala ɔsu.

Yeremia 48:31

Anwuɔsu ndubo keku ku kɔnyana buwulo bute Moab ku nwuna Kir-Heres ɔma.

Yeremia 47:5

Na bablani bani na baalɔ-ma Anakƒuɔ bani nébu belie ngba na Gasa ku Askelon ni, badubo bana eli bukpeyi na basɔ belie kpoo beteewulo-mii kɔnyana.

Yeremia 7:29

Bikpeyi bina eli ƒui na bibo linwini lɛmmɔ biwiakun. Na bɛkɔ bisie abi ani nwi ukpludi mmɔ eli ɔtantɛ ƒui na biteedie lɛkwanu. Ɔsika bɛ́kya-mi kɔnyi na líni-mii ƒui.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Yesaia 16:12

Moabƒuɔ béetu lɛlɔ bésie bana baƒiɔ kɔdu na bátákpali na abi lɛlɔ, nsu kekeeke.

Yesaia 16:7

Anwuɔsu bɛya na Moab kadi bekyuli bakɛ beteewulo kɔnyana taavi, na bana lɛlɔ lɛni mɔɔkywí-ma ɔsu. Na badubo buwulo na emini ani bádi ɔsu, na bana ɔma unengudi na Kirhaset.

Yesaia 15:3

Na bakɛ bana ɔma kemmo lilu lɛlɔ ƒui, na benyimi adikpi, ani mɔɔtina ka beewulo kɔnyana. Na benye kadi kasakɔ ku lɛsa eli na keku kada ƒioƒiooƒio na báyu bewi kalɔ.

Yesaia 14:31

O amii Ƒilistiƒuɔ! Biteewulo na biteedumo, na bina lɛma linengudi lɛmmɔ kemmo ku bina lɛma ɔban kenye, na bɛyu biwi kalɔ ku bɔyia, na bɛnu bina bekisine uyɔ ka ɔ́si katɔ kakɛ ɔ́yu ɔdubo, na bɛnu bekpone bammɔ kalɛ na básala lɛlɔ badubo gbini gbini.

Hiob 1:20

Hiob ɔ́ta únye kɔnakunwi ka únu kenye kamɛni. Na ɔ́ni nwuna awu ɔ́bwɛ na úkpeyi lili, na ɔ́yu úbi kalɔ úmwi Unwoti.

Lɛkpa Ulu 14:1

Amii Israelƒuɔ bɛdi bekyuli bani na bina Unwoti Katɔti údie úte lɛlɔ. Anwuɔsu si bɛɛbla ukpine ɔdi kekwa ni, ɔdi uteti lɛla lɛdi utekulo nwuna ɔlɔna kakɛ kadi, na ɔdi utekpeyi nwuna lɛtɛntɛ na ukpine ɔdi ɔsu aani kalɛ na kadi bamba bekyuli baabla.

Bumomo Bɔka 32:38

ku Nebo ku Baal-Meon ku Sibma lɛma. Na lɛma lɛni básɔku bátu mɛni básia-ni anyi.

Bumomo Bɔka 32:3

“Ati bene, Atarot ku Dibon ku Yaser ku Nimra ku Hesbon ku Eleale ku Sebam ku Nebo ku Beon

Lewiƒuɔ Ɔda Bubo 13:40

“Si ketikɔ kápa ukyuli ɔdi ni, ukyuli ɔmmɔ útasɔ use sɛɛn, na lili kani nápa-nwu.

Bumomo Bɔka 21:28

Dii ni, Hesbon ɔma unengudi ɔmɛni Sihon bekpone báta aani kalɛ lɛgyavonku lɛsala. Na útáyila Moabƒuɔ ɔma Ar na bése bétebile ala na abi ani nkya Arnon katɔ kakɛ.

Samuel 2 10:4

Anwuɔsu Hanun ɔ́ya na béƒie-ma na békpeyi ɔdi biala ukwi kakɛ kenwi. Lɛni kani na ɔ́ya na nwuna bekpone békulo lɛwu gyɔlɔɔ lɛni bakya mmɔ kalɔ bédie ɔ́si kavobi. Ɔmmɔ kama ɔ́ya na bédie-ma ulu na bátɔlɔ bésie bana ɔma.

Yeremia 3:21

Unwoti ɔnini, “Binu lɛsɛ lɛni nda na abi ammɔ eli! Israelƒuɔ na badi na muuwulo taakpali-mii banii nnu-ma bɔkpali. Báyiƒala-mi na béti ulu ukpidi.

Yeremia 47:2

“Ami Unwoti mɔɔsu-mii nnii bekisine bekpone badubɔsi katɔ kakɛ na babaƒɔ bina kalɔ lɛlɔ ƒui. Na badubo bina lɛma bɔbwɛ na bakpala-mii batɔlɔku na anu ka keku ku kɔvanu kɔda.

Yeremia 48:35

Na ukyuli biala ɔni mɔɔkyula oloƒui teete Moab baƒiɔ badi iye uti akpala adi úsie utákpa na nwuna ɔƒiɔtɔ ɔdi ni, ndubo-nwu udu bɔyila. Ami Unwoti násu.

Esekiel 27:31

Békpeyi bana eli na bada kɔnyana buwulo adala na beewulo ku kɔnyana ka basɔ beeebo lɛnunsia lɛdi ɔsu.

Esekiel 30:2

“Esekiel, ɔyawine ubi, su Egyipteƒuɔ anii ami nnini, ‘Biteewulo kɔnyana ka bɛsɔ biiibo lɛnunsia lɛdi ɔsu,

Amos 8:10

Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Ala Alɛdi 1 19:4

Anwuɔsu Hanun ɔ́ya na béƒie-ma na békpeyi-ma ukwi. Lɛni kani na ɔ́ya na nwuna bekpone békulo lɛwu gyɔlɔɔ lɛni bakya mmɔ kalɔ bédie ɔ́si kavobi. Ɔmmɔ kama ɔ́ya na bédie-ma ulu na bátɔlɔ bésie bana ɔma.

Yeremia 49:3

“Amii Hesbon bekyuli, biteewulo! Bina ɔma ɔdubunwini kebu alakpi, ɔsika bábwɛ Ai na ɔ́yii udu. Bɛdubo buteekeli taaka taamana bɛnii bɛɛwia katamikukɔ, nsu ala adubo-mii bɔbala na lɛƒɛnyi ƒui lɛlɔ. Bɛdubo bunwini, ɔsika bina kɔsiakɔ ƒui kɔdubo buti na bilákɛ kasiakɔ kadi. Na amii Rabaƒuɔ, biti kɔnyana ala bɛda na biteewulo kɔnyana, ɔsika badubo bina baƒiɔ Milkom bani na bɛɛkpá buti bɔtɔlɔku busienku ɔlɔgyu kakaaka na kaƒɔ. Na betiku bina bakpane ku bina benengu bammɔ ƒui.