Biblia Todo Logo
Bib sou entènèt

- Piblisite -




Yesaia 14:2 - Katɔti Ɔku Kedee

2 Na kadi bamba bekyuli ndubo-ma butiku na beti-ma besienku bana kalɔ lɛlɔ. Na Israelƒuɔ beti-ma benwini bana banana ku beleku kabla bablane na Unwoti kalɔ kammɔ lɛlɔ. Na kadi bani néƒie-ma bátɔlɔku na bénye-ma lɛlɔ na baabla bana kabla ni, Israelƒuɔ mmomu badubo bunwini bunye-ma lɛlɔ na bataabla-ma kabla.

Gade chapit la Kopi




Yesaia 14:2
34 Referans Kwoze  

Na badubɔƒɔ kadi bamba bekyuli na banu bana baƒonu lɛlɔ ku bana adingyii mmo bete-ma na kayu kenye.


Na bekisine bani nékpoku-mii ni, bana bawɔ badubɔlɛ akɔnkɔ kalɔ na bina lɛgba akɔ na basu-mii banii, ‘Sion ɔdi Unwoti Israel Katɔti Kedee ɔma unengudi.’


“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.


Nsu Katɔti ɔni ntulo ƒui ɔdubo nwuna lɛga kadikɔ buti bute bekyuli bani na ɔ́ƒuna na kenwini ama kadi úsela uwi ƒui.”


Na kadi bani akɔ na bákya mmɔ baga ku beleku baga badububo babataanu-mii lɛlɔ aani bina kabla bablane bani nnye bati ku beni kenyekɔ bete-mii. Na badubɔkya lili kalɔ bete-mii. Na bɛdubɔnu bɔti ka ami ndi Unwoti ɔmmɔ. Na anumi elewi-mii kalɔ si bíti bina anu bɛ́sia-mi lɛlɔ.”


Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.


Ɔ́yɔ-ma kaƒɔ ka babla lɛni. Na badi-ma bayune sɔsɔ! Ɔsika si bekyuli bani naaadi Yudaƒuɔ bákɛ kadikɔ ku Yudaƒuɔ kɔyu kemmo ala abuni ni, agyi anii ama lɛnɔ ɔlɛka bebunku Yudaƒuɔ ku bana akɛla.


Na uwi ɔmmɔ kemmo ni, bekyuli bani nákuku ku ɔlɔna suɛlɛ suɛlɛ mɛni, na bana lɛlɔ libo liƒu úsie ɔgyu ɔ́mana mmɔ, na bana kɔnyi ku kalala kani na baabla bekyuli ɔsu, na ntukpa búle-ma kalɔ kemmo bɔ́vi ƒui, badubuti etela beboku Unwoti Ɔyikune Ƒui. Na etela ammɔ adubuse Sion Kɔbi lɛlɔ kesii kani na baakpá Unwoti Ɔyikune Ƒui.


Uwi ɔni na ákɔ ésie katɔ ƒui ni, éti bekyuli bani na ékpo áƒɔ ƒui átɔlɔku. Na éte-ma etela. Na ƒula bekisine bani naaayɔ ka elie mmɔ muedi lɛnɔ béte-ɔ ala.


Aani kalɛ na Bunweni Kedee Ɔku ɔɔtina ɔnii, “Uwi ɔni na ɔ́kɔ úsie katɔ ƒui ni, úti bekyuli bani na úkpo ɔ́ƒɔ ƒui ɔ́tɔlɔku. Na úte-ma etela.”


Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.


Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.


Na bana banana ku beleku kabla bablane bumomo bɔdi 7,337 bebunku bekyuli bumomo budeedi kemmo. Na bebo lɛnu batune banana ku beleku 200.


Nsu si kabla ɔblane ɔmmɔ ɔ́su ɔnii, ‘Mina Unwoti úsela útákya ulu na uwi utu,’ ɔsu na úse kalɔ ɔɔdi na ɔɔní ntɛ teekpi na uubó kabla bablane bakladi bani ndi banana ku beleku ƒui na ɔɔbla-ma kalala ni,


“Na badubɔyila Asiriaƒuɔ ƒui udu na kewii kenye, ɔni na ɔɔɔdi ukyuli ndubo-ma bɔdu. Na bana bakloƒu badubɔwia ulu ka bekeli nsu badubuƒie-ma ƒui, na bani néƒie-ma mmɔ benye-ma lɛlɔ na bataabla-ma kabla.


“Egyipteƒuɔ ku Kusƒuɔ ku Sebaƒuɔ bani nákuku kangya kangya mmɔ akɛla adubunwini amii adi. Na badubunwini bina kabla bablane na bibo-ma kɔgba bɛda bitaavinku na basiaku-mii kama. Badubɔkya lili kalɔ bete-mii na bevele-mii basu banini, ‘Sɔsɔ na ɔdi ka Katɔti ɔsiaku-mii na anwu lɛti lɛnɔ ndi Katɔti ɔmmɔ.’ ”


Lɛla lɛmɛni geen na Unwoti ɔ́su nwuna bekyuli ɔnini, “Líbo kadi bamba bekyuli kɔnu na ndubɔkɔliku mina aƒlaga katɔ lɛtina bekyuli bammɔ ƒui. Na badubɔkpanku ƒula bebi bananabi bada kɔnu, na bagyu ƒula belekubi basia amangba beboku-ɔ.


Nsu Unwoti úse-bu kenye ka ɔdubukpo ute-bu na ɔƒɔ bula bebi ɔsiku bekyuli bekpidi bani ndi bula bekisine bayikune bani mbo kalala mmɔ enu kemmo.


Amii ku bina bawɔ ndubɔƒɔ kadi bamba bekyuli bammɔ kɔlɔ, na kunwini bina kɔdi. Na bana lɛma lɛni nábwɛ mmɔ linwini bina kuliekɔ.


Ndubo bekpone badi buti bumene-mii limeyi lɛdi na bebekpo-mii na bina ɔma unengudi ɔni ndi Raba na babwɛ-nwu ƒui kede kede. Na badubo lɛma lɛkladi lɛni na amadɔ bɔkyula bunwini ntɔ. Bɛ́ƒɔ Israelƒuɔ kalɔ kadi, nsu limeyi lɛmmɔ lɛlɔ ni, Israel ɔdubɔƒɔ awɔ kadi!


Ekpola amɛni na badubo butaakyula na egyii ani na ɔlɛka bada iye ekyweni ani na bawia bavi kenye. Lɛni na Israelƒuɔ badubo bekyuli bani néyu-ma na bédumi-ma bábla-ma kalala udu biala kasi budie. Ami Unwoti násu.


Ndubuti bina bebi buye bute Yudaƒuɔ ku Yerusalemƒuɔ na beti-ma beye bete Sebaƒuɔ kadi bekyuli bani nkya ɔlɔgyu kakaaka mmɔ. Ami Unwoti násu.”


Na Unwoti bekyuli bani ndubɔlɛ ɔgbankpi ɔmmɔ kemmo badubulie Sion Kɔbi kedee lɛlɔ. Na Yakob kaba kemmo bebi bammɔ badubɔsɔ baƒɔ bana kalɔ kani na nka kadi bana ɔdi mmɔ basiku bekyuli bani néƒie-ka báƒɔ mmɔ kudɔ.


Anwuɔsu ɔdubo amii lɛnɔ budie bute na bina kabla bablane badubo-mii bukpoku na beyu-mii ala batɔlɔku. Na ɔmmɔ ɔdubɔya na bɛnu-nwu bɛti ka Unwoti Ɔyikune Ƒui nátala-mi.”


“ ‘Na banana ku beleku bani na bɛɛyɔ́ ka babla bina kabla bablane ɔlɛka basi lɛma lɛni náka lɛ́mana-mii kemmo. Bɛkana na biye bina kabla bablane bɛsiku mmɔ.


“Bibimi bina anumi na bɛnu! Bɛnu bɛmana na bɛnu bekyuli lisu bonwu bani nási badubo-mii kudɔ. Bina bebi bananabi basia ulu bási ɔlɔgyu, na bakwɛni bina bebi belekubi badububoku aani banamu.


Unwoti úse kenye úse ɔnini, “Ndubɔya na keyi buɛɛ kaƒɔ Yerusalem ɔma unengudi ɔmmɔ ƒui na akɛla pii asi kadi kadi bekyuli kɔlɔ lɛlɔ ebo na abábu na Yerusalem aani ketu kani mɔɔgbá na kalákwii. Na ɔdubɔbla aani ubi ɔni na uni ɔɔgyú taada nwuna enu kemmo na ɔɔƒianku-nwu ku ebiti.


Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.


Swiv nou:

Piblisite


Piblisite