Yesaia 13:7 - Katɔti Ɔku Kedee

⁷ Ɔmmɔ ɔsu enu adubɔƒɛ ukyuli biala na ɔtɔtɔ buɛ ɔ́gyu bana ƒui

Yesaia 13:7 Referans Kwoze

Esekiel 21:7

Na si béye-ɔ lɛla lɛni ɔsu na eedumo lɛni ni, su-ma anii énu kenye kekpidi kani mɔɔda liƒu geen na kadubɔya na ukyuli biala nénu-ka ɔtɔtɔ ɔgyu-nwu na utaatɔ ku liƒu kpakpaakpa. Na uwi ɔsɔ uletu asa na ala amɛni adubo bɔlɛ. Ami Unwoti muusé kenye kamɛni!”

Nahum 2:10

Niniwe ɔdi ɔ́sa ɔƒɛni amu! Bábwɛ ɔma ɔmmɔ, na liƒu bonwu líƒie bekyuli bammɔ na benye baatɔ́ kpakpaakpa, na bana anumi ábla ƒuƒuu na bɔyia ɔsu.”

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Esekiel 7:17

Bina enu adubo butaatɔ na bina akɔnkɔ ayɔ.

Yesaia 19:1

Linyesia lɛmɛni lɛdanku Egyipte kalɔ lɛlɔ. Bɛnu! Unwoti uli liƒlukutu bonwu lɛdi lɛlɔ, na ɔkɛ ku usi momoomo úsela Egyipte kalɔ lɛlɔ, na lɛlɔ lɛɛtɔ́ Egyipteƒuɔ baƒiɔ ku liƒu bonwu. Na Egyipteƒuɔ bammɔ alati báyɛyɛ, na enu áƒɛ-ma na bɔyia ɔsu.

Yeremia 50:43

Na ɔ́si ɔni na bina ɔga únu kekpo kamɛni kɔku kani na kɔyɔ ku liƒu líƒie-nwu. Na uususu lɛlɔ na uulii lɛlɔ aani ɔƒɔndane ɔni ntɛ kɔwɔ.

Yesaia 51:20

Bina Unwoti Katɔti úti kɔnyi ɔ́kya-mii, na ɔkɛ ɔmmɔ ɔsu bina bebi ƒui bewi lilu lɛlɔ bávi kesii biala na kablakɔ kadi kasɔ keeebo-ma aani akwa ɔni na kakpagyuɛ kéƒie na ɔsɔ ulakana lɛlɔ bunene na abuli ammɔ kemmo.

Yesaia 37:27

Ami náya na kadi bani bekyuli nli mmɔ ɔyikun ɔ́sa na bese aani livo lɛni mɔɔlɛ́ ɔwɔdi na bɛ́kana-ma lɛlɔ bɔdi na bɛ́kya-ma kɔƒa. Na bénwini aani lɛsa katɔ livo lɛni na ɔƒɛ ɔ́kyula asa na lɛdubɔlɛ lili.

Israelƒuɔ Bɔlɛ 15:15

Na Edomƒuɔ baga badubo bɔyia geen ku liƒu, na liƒu lɛmmɔ lɛya na lɛlɔ litaatɔ Moabƒuɔ batɔnkune kpakpaakpa. Na enu adubɔƒɛ Kanaanƒuɔ geen na bataayila.

Yosua 2:11

Uwi ɔni na bɔ́nya búnu ala amɛni ƒui ni, ɔtɔtɔ úse kalɔ ɔɔgyú-bu. Na enu ése kalɔ aaƒɛ-bu ɔ́si amii ɔsu. Ɔsika Unwoti Katɔti ɔmɛni ndi katɔ ku kalɔ ɔti.

Kɔgya 58:7

Ya na bana uwi ɔvi aani kalɛ na ntu bɔɔgbá taatɔlɔ. Na bayii udu aani livo lɛni na banya lɛgba bávi-ni lɛlɔ na lɛ́yɛyɛ.

Yeremia 51:30

Babilonƒuɔ bekpone báyila bana ɔyikun ku ɔtɔtɔ na báƒɔ lɛlɔ bakya bana kagyumanakɔ lɛtɔ kemmo na balakana na bekpo uwi ɔni na bana bekisine baabwɛ bana ɔma awodu taasia ɔban kenye teeduo-ma lɛlɔ na baatu ogya taakya bana kɔduli.

Esekiel 21:12

Esekiel, teedumo ku kɔnyana momoomo, ɔsika báani kewii kammɔ bákpa béte mina kadi bekyuli ku bana batɔnkune bammɔ bɔdu. Na badubo bukpi sɔsɔ, anwuɔsu sɔ tasia lɛla lɛdi anu.

Nahum 2:11

Bi nálɛku ɔma ɔmɛni lɛni? Kuuku ni, na nka beli-nwu ƒaa betulo bagyata bayikune bani ntɛ bana atabi libu kemmo na balayia ku lɛla, ɔsika ɔdi ulakana-ma bɔni bude.