Yesaia 13:6 - Katɔti Ɔku Kedee

⁶ “Biwulo momoomo ku kɔnyana, ɔsika Unwoti Ɔyikune Ƒui limeyi lɛni na ɔdubo bekyuli bɔkyula lɛsia ulu líibo líbedu suɛlɛ suɛlɛ.

Yesaia 13:6 Referans Kwoze

Yoel 1:15

Bɔ́nu lɛla lɛni na balanu! Unwoti limeyi lɛmmɔ lɛ́tua-bu na nwuna kɔtu bɔni bonwu bɔmmɔ bɔ́da-bu bɔ́kya.

Seƒania 1:7

“Ami ndi Unwoti Katɔti, anwuɔsu bibile bina inye kpoo! Ɔsika uwi ɔmmɔ úude. Na ndaku lɛlɔ bɔklibi ka liti mina bekyuli aani lɛkpa na lɛlɔ mina bekyuli ƒui bani lɛ́klibi líse.

Amos 5:18

Binye bɛɛnu ulu teete limeyi lɛni na Unwoti webo wabatɛku bekyuli litemi, nsu bɔbuɛ na muute-mii! Ɔsika limeyi lɛmmɔ lɛɛɛdubo buse buɛɛ na ɔƒɛ ɔɔɔdubo bɔlɛ munu munu. Bɔbla na ɔdubo suu geen.

Yesaia 13:9

“Bɛnu! Unwoti limeyi lɛmmɔ lɛsia ulu, nwuna kɔnyi limeyi likpidi lɛmmɔ ku ɔdu kati kati ka ubakyula kayawi ku kana alaekpidi bablane bammɔ ɔni na kalɔ kammɔ kasɔ kalabla keliekɔ kabuni.

Budie Taatina 18:10

Baga bamɛni badubunye ɔgyu kakaaka bataanu ala amɛni, ɔsika baayia ka ɔma ɔmmɔ lɛbibo lɛmmɔ udu lɛdububo-ma lɛlɔ. Na badubɔsu banini, “ ‘Bɔbuɛ! Bɔbuɛ! Ɔma ɔni mbo ɔyikun! Babilon, ɔma bonwu ɔmmɔ! Ɔdɔ bubo unwi kemmo kani na ƒula kɔtu bɔni kɔ́da kɔ́lɛ-ɔ lɛlɔ!’

Yoel 2:11

Unwoti Katɔti mɔɔtɔnku bekpone lisu bonwu bamɛni na beenú-nwu lɛdi. Katɔti litemi bɔtɛ limeyi lɛdi liƒu limeyi bonwu geen na ukyuli biala ulakana-ni kenye bunye.

Yeremia 51:8

Nsu uwi uletu asa na Babilon ɔdubo bubuli na ɔyii udu. Ami Unwoti násu baƒɔ bani nkya mmɔ nnini, ‘Biwulo bite ɔma ɔmɛni! Na bɛƒɔ kuvo bɛsia-ma alɛbi ani nsia-ma lɛlɔ. Ɔƒɛni kalɛ lɛdubɔsa-ma.’

Yesaia 34:8

Unwoti ɔlati ɔ́ɔƒuna uwi ku lɛkwa lɛni na ɔdububo ubedie bekyuli kasi ute Sion.

Yesaia 2:12

Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.

Yakobo 5:1

Ɔƒɛni ni, amii balakɛne, biteewulo geen na lɛbibo lɛni ndubo-mii lɛlɔ ɔsu.

Malakai 4:5

“Ami, Unwoti, líse kenye ka ndubɔya na Kenye Udiene Elia ɔsɔ ubo asa na ɔgbankpi limeyi lɛmmɔ libedu.

Seƒania 1:14

Unwoti limeyi linengudi lɛmmɔ lɛdubo na uwi ɔsɔ uletu. Na ɔgbankpi limeyi lɛmmɔ lɛlɔ ni, bekyuli badubunu bekpone bani lɛlɔ mbo liƒu kɔku ku lɛsɛ yoo na kesi kesii.

Yoel 2:31

Ɔƒɛ ɔdubɔbla suu, na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo na kɔbuli anumi adubugyie aani ubugya, asa na Katɔ Ɔyikune limeyi bonwu lɛmmɔ lɛdubo.

Yoel 1:13

Biti adikpi bɛda bɛtina ka biiwulo kɔnyana na biteewulo, amii bakpane bani ndi Unwoti kenye benyene na bɛɛbla-nwu kabla na lɛkpabi lɛlɔ. Bɛtɛ adikpi ammɔ kemmo usien umodi amii bani muunye-nwu anumi taabla-nwu kabla, ɔsika etela lidu ku ntɛ etela ammɔ ƒui kenye kékulo na Unwoti kaduli.

Yoel 1:5

Bɛta na biteewulo amii ntɛ bekpine bani mɔɔyɔ́ ntɛ mini mini ku bani na mɔɔyɔ́ ntɛ kpakplaa ƒui, ɔsika békpeli lɛla biala báƒɔ-mii kenye.

Yesaia 14:31

O amii Ƒilistiƒuɔ! Biteewulo na biteedumo, na bina lɛma linengudi lɛmmɔ kemmo ku bina lɛma ɔban kenye, na bɛyu biwi kalɔ ku bɔyia, na bɛnu bina bekisine uyɔ ka ɔ́si katɔ kakɛ ɔ́yu ɔdubo, na bɛnu bekpone bammɔ kalɛ na básala lɛlɔ badubo gbini gbini.

Hiob 31:23

Ka mɔɔyia Katɔti kɔtu kɔni na ɔdubɔni-mi si lɛ́bla lɛla lɛmmɔ udu ku kalɛ na uukeye ɔsu ni, naaabla kasusu muedi na lɛla lɛni na lise lɛni lɛlɔ.

Yoel 1:11

Biteewulo kɔnyana momoomo amii bemonsene ku adingyii lɛlɔ banune ƒui. Anta ku kakpa ƒui káyii udu na mmo ƒui lɛlɔ ɔni na edula adi asɔ eeenye na baƒɛ.

Esekiel 21:12

Esekiel, teedumo ku kɔnyana momoomo, ɔsika báani kewii kammɔ bákpa béte mina kadi bekyuli ku bana batɔnkune bammɔ bɔdu. Na badubo bukpi sɔsɔ, anwuɔsu sɔ tasia lɛla lɛdi anu.

Yeremia 49:3

“Amii Hesbon bekyuli, biteewulo! Bina ɔma ɔdubunwini kebu alakpi, ɔsika bábwɛ Ai na ɔ́yii udu. Bɛdubo buteekeli taaka taamana bɛnii bɛɛwia katamikukɔ, nsu ala adubo-mii bɔbala na lɛƒɛnyi ƒui lɛlɔ. Bɛdubo bunwini, ɔsika bina kɔsiakɔ ƒui kɔdubo buti na bilákɛ kasiakɔ kadi. Na amii Rabaƒuɔ, biti kɔnyana ala bɛda na biteewulo kɔnyana, ɔsika badubo bina baƒiɔ Milkom bani na bɛɛkpá buti bɔtɔlɔku busienku ɔlɔgyu kakaaka na kaƒɔ. Na betiku bina bakpane ku bina benengu bammɔ ƒui.

Yesaia 65:14

Mina kabla bablane badubo lɛnu budie ku kubiti bɔsiku bana kayi kemmo nsu amii bɛdubo kɔnyana buwulo na kayi kakpulu-mii na bɛyila lɛnunsia biala.

Yesaia 52:5

“Na kadi bamba béƒie-mii bátɔlɔku ɔni na nka bítabla lɛla lɛdi. Bina batɔnkune bédumo geen na ɔlɛ bunu ɔsu. Na limeyi ndi limeyi ni, baakpali-mi lɛnyi teewida.

Yesaia 23:1

Unwoti údie lɛla lɛdi ɔ́tina na Tiro lɛlɔ. Amii Tarsis beyedine bani mɔɔsia ntu anumi ku lɛkɔlɔ na bɛɛdi kuye teesie Tiro, biteewulo kɔnyana, ɔsika bákyula Tiro, na ɔtɔ iye kabɛkɔ iye lɛkɔlɔ kalɛlɛkɔ kadi kasɔ keeebo. Beyedine bammɔ bénu kenye kamɛni uwi ɔni na báyu bébedu ntuntɛ kalɔ kani baalɔ Kipro.

Yeremia 25:34

Unwoti bekyuli bese bete-nwu aani nwuna baƒonu kalɛ na amii bana batɔnkune nádi nwuna baƒonu bammɔ lɛlɔ banune. Nsu ɔƒaani ni, bina lɛlɔ na údu ka bebeyi-mii badu aani baƒonu bammɔ kalɛ. Na bɛdubo bɔbwɛ bugyingya aani kalɛ na lɛkyami lɛbwɛdi lɛni mɔɔdia bɔnu lɛɛlɛ́ teebo teegyingya kɔkɛ kɔkɛ. Anwuɔsu bɛyu bɛtɛ kalɔ na biteewulo na biteebo teeminime na lɛti akɔ.

Yesaia 10:3

Bi na bɛdubo bɔbla ɔgbankpi uwi, uwi ɔni na ndubɔya na ɔsi kalɔ kakaaka ubo ubalɛ-mii lɛlɔ? Ɔma na bɛdubo bukeli bɔtamiku? Na ɔma na bɛdubo bina akɛla bɔda buse?

Yesaia 10:25

Bana bukpoku bɔmmɔ buletu uwi. Na uwi klukwii kemmo ni, kɔnyi kɔni na líti lɛ́kya-mii kɔdubo-mi bɔyɔ na bana lɛlɔ mmomu na kɔnyi kɔdubo-mi bɔkɔ kalɛ na lɛkyula-ma.”

Yesaia 14:23

Ndubɔya na mmɔ kenwini bekuku keliekɔ ku ntu ku lɛba sɔɔn. Ndubɔyila-ma ƒui na lɛkpala-ma aani uƒiɔ kalɛ lɛkyula.”

Yesaia 34:2

Unwoti úti kɔnyi kpakplaa ɔ́kya kadi bekyuli ƒui geen, na ɔ́ɔdu-ma kɔtɔ ka bakyula-ma na bayii udu.

Yesaia 47:11

Nsu na bina tati tese kemmo ni, ɔgbankpi ɔdubo-mii bɔlɛku, na bina evo ammɔ ƒui aaadubo-mii bubunku munu munu.

Yesaia 61:2

Lɛkwa lɛmɛni na Unwoti Katɔti úse ka wabla-bu lɛƒɔndia, na ɔni bula bekisine kɔtu, na lɛsia bani muuwulo kɔnyana kɔnu.

Esekiel 13:5

Balálɛ bekyuli bammɔ kpakplaa taasu-ma ɔgbankpi ɔni ndubo-ma lɛlɔ iye lɛbibo lɛni na ekpidi ani na baabla taaƒiɔ-mi adanku.

Daniel 5:9

Na lɛla lɛmmɔ líkpoku-ma na béƒu benye, anwuɔsu ɔga ɔmmɔ ɔ́sɔ ɔ́yia úbu na nwuna anumi ábla aani ukpine anumi.

Daniel 5:26

“Na Mene ni, nwuna kalɔ ndi báka ƒula emeyi bumomo. “Tekel ni, bánu-nya unu. “Parsin ni, ásɔ na béle-nya kemmo. “Na ɔɔtina ka Katɔti ɔ́ka ƒula lɛga kadikɔ kammɔ emeyi na asɔ eeemomo, na ɔ́ya na ébo kawɔlɔkɔ. Na ɔ́kɔku ƒula unu lɛnɔ na nwuna unu lɛkɔkula lɛlɔ, na étedu kalɛ na akana na adi lɛga. Anwuɔsu Katɔti úle ƒula lɛga kadikɔ kammɔ kemmo úte Mediaƒuɔ ku Persiaƒuɔ.”

Sakaria 14:1

Unwoti ubo nwuna limeyi. Na si limeyi lɛmɛni lídu ni, badubuti lɛla biala bátɔlɔku Yerusalem na bele-ni bete lɛlɔ.

Yesaia 63:4

Na kasi na mɔɔwia lidie-ma ɔsu na lɛ́bla lɛni, ɔsika uwi údu ka lidie mina kadi bekyuli.

Yoel 2:1

Vwi kekpo kakpɛɛ na ete bɔti na Sion, na mina kɔbi kedee lɛlɔ, na liƒu litaada bekyuli ƒui na kalɔ kammɔ lɛlɔ, ɔsika Unwoti limeyi lɛni na ɔtɛ litemi lɛ́si lɛdubo.