Yesaia 13:11 - Katɔti Ɔku Kedee

¹¹ Ndubɔni bayawine kɔtu na bana likyulikpi ɔsu, na lɛni balalane kɔtu na bana ekpidi ɔsu. Na bani mɔɔnu lɛlɔ katɔ katɔ ni, ndubɔya na bana lɛla tabu kenye kekulo, na liboku bani mɔɔtalaku lɛlɔ katɔ kalɔ.

Yesaia 13:11 Referans Kwoze

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 5:15

Limeyi lɛmmɔ lɛlɔ na bani mɔɔtalaku lɛlɔ katɔ ƒui badubo bubuli bɔkpi ɔtumu. Na bani mɔɔnu lɛlɔ katɔ katɔ ƒui beboku-ma kalɔ.

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Yesaia 14:21

Bɛklibi kesii kadi na bɛdu alaekpidi ɔblane ɔmɛni bebi, na bana bati ekpidi ɔsu. Na ɔdi ɔsɔ utakɔ utetédu ka ɔɔkɛ́ ɔyikun na ɔsɔ utaadi kayawi lɛlɔ, na ɔtu lɛma linengudi uyile kalɔ lɛlɔ.

Yesaia 11:4

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Hiob 40:12

Sia bana ƒui anumi, na ayila balalane bammɔ ƒui udu.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yesaia 14:5

Unwoti ɔ́ƒɛ balalane ɔgagyii, lɛlɔ badine bammɔ likposela,

Yesaia 22:14

Nsu Unwoti Ɔyikune Ƒui ɔ́su-mi ku mina atu nwaa ɔnini, “Bɛdubo likpidi lɛmɛni kayu butaaƒɔ laa útédu bina likpimeyi, na lɛɛɛdubo kɔtu bɔni bɔmmɔ budie bina lɛlɔ.”

Yesaia 23:9

Unwoti Katɔti Ɔyikune Ƒui nábla lɛla lɛmɛni udu, kalɛ na ala ani lɛlɔ lɛmɛne bekyuli baakun ka eekeye ayii udu. Na bani na báƒɔ lɛnyi na kalɔ lɛnɔ mɛni uboku-ma kalɔ.

Yesaia 24:21

Na limeyi lɛmmɔ lɛlɔ ni, Unwoti ɔdubɔni kayaa bayikune kɔtu na katɔ mmɔ, na ɔni kalɔ lɛlɔ baga lɛnɔ kɔtu na kalɔ lɛlɔ mɛni.

Yesaia 25:3

Ɔmmɔ ɔsu kadi kani bekyuli mbo ɔyikun badubuti ɔbu bete-ɔ. Na bani lɛnɔ mɔɔdi bekyuli lɛlɔ na baanya-ma taakya badubo-ɔ lili kalɔ butaakya na ƒula ɔyikun bonwu ɔsu.

Yesaia 29:5

Nsu ɔƒɛƒɛɛ kpakplaa ɔdubo ƒula bekisine bubo bɔtɔlɔku kɔnakunwi aani ɔtumu ku aƒaƒaa.

Yesaia 29:20

Na balalane ku belikplune ƒui badubo udu bɔyii. Na bani mɔɔsa lili likpidi na lɛsɛ ala bɔbla lɛlɔ badubo bɔyii kɔnakunwi.

Yesaia 65:7

Bana ekpidi ani na bábla ku bana bati ekpidi lɛnɔ. Ɔsika bákyula akpala na abi lɛlɔ na bése kayi báta bénye-mi lɛlɔ na abi lɛlɔ mmɔ. Anwuɔsu ndubo bana lɛyuƒɔla keyile kani námanku bana ablala ani návi ƒui bɔƒɔ bute-ma.’ ”

Yeremia 48:29

“Ngyi kalɛ na bɛɛtalaku lɛlɔ katɔ na bígyingya enu bɛɛkun lɛmɛnɛ taavi.

Habakuk 2:4

Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.

Agba 11:31

Si ɔdubɔyu bekyuli babuni muedi ɔkplu na kalɔ kamɛni kemmo ni, bi malɛku ala ekpidi bablane ama?

Yesaia 2:12

Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.

Yesaia 25:5

Na úlie ku kɔnwinimi kalɔ kakwiidi lɛlɔ liwulu. Na baƒɔ bani ndi Israelƒuɔ bekisine mmɔ ni, aabala-ma bɔkwanyi ku lɛsɛ lɛni na baakya aani kalɛ na liƒlukutu ɔyuli ɔɔyala liwulu biala kenye na babla kpoo.

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.