Yesaia 12:5 - Katɔti Ɔku Kedee

⁵ Bidie ɔnu bimwi Unwoti, ɔsika ɔ́bla ala ebendi ani muukeye. Bɛya na kayawi bekyuli ƒui bati kalɛ na biimwi-nwu.

Yesaia 12:5 Referans Kwoze

Kɔgya 98:1

Bidie ɔnu ɔwɔdi bite Unwoti ɔsika ɔ́bla akɔla ala budie taatina. Na anwu ɔni nse kedee údie nwuna kɔnu na ɔ́bla ɔyikun ala na ɔ́di nwuna bekisine lɛlɔ.

Israelƒuɔ Bɔlɛ 15:1

Amu na Mose ku Israelƒuɔ bátu ɔnu bémwi Unwoti banini, “Ndubɔtu ɔnu limwi Unwoti. Ɔsika Úkpo kekpo kebendi na ɔ́di lɛlɔ Na bapɔnkɔ ku bana bakane ƒui úbo-ma útákya ɛpu kemmo.

Habakuk 2:14

Kalɛ na ɛpu ɔɔƒɔ́ ntu na uuyi ni, lɛni kani na bekyuli bani mɔɔbu na baayia Unwoti badubɔƒɔ kalɔ kammɔ lɛlɔ ƒui.

Yesaia 40:9

Awɔ ɔni nda litemi buni éboku Sion ni, kɔ sie abi kangyaa ammɔ eli. Na awɔ ɔni nda litemi buni éboku Yerusalem ni, kɔliku ƒula lɛdi katɔ momoomo. Va momoomo, na tayia! Su Yuda lɛma lɛmmɔ anini, “Aanu ƒula Katɔti!”

Israelƒuɔ Bɔlɛ 15:21

Na kɔgya kɔni na Miriam údie ndi, “Bidie kɔgya bite Unwoti, ɔsika úkpo ɔ́di lɛlɔ geen. Bapɔnkɔ ku bana lɛlɔ beliene ƒui úbo-ma útákya ɛpu kemmo.”

Budie Taatina 15:3

Na lɛnu lɛni na beedie mmɔ ni, lɛdi Mose ɔni ndi Katɔti kabla ɔblane ku Koƒonu Ubi ɔmmɔ lɛnu. Na beedie banini, “Blɔti ɔni mbo ɔyikun ƒui, ƒula ala bɔbla ébomo, na bulakana-nya kalɔ bunu. Na ƒula ablala ese siin, na ƒula etemila adi litemi geen. Awɔ ndi Uwi Ƒui Ɔga.

Kɔgya 105:2

Bidie bumwi lɛnu bite-nwu, na bibo nwuna akɔla ala budie taatina kudu.

Kɔgya 72:19

Bemwi-nwu lɛnyi lɛni muukeye úsela uwi ƒui. Na nwuna bukeye bɔƒɔ kalɔ lɛlɔ ƒui. Ɔsia lɛni! Na ɔsɔ ɔsia lɛni!

Yesaia 24:14

Na nkyuli ɛlɛɛ bani nébu mmɔ báva momoomo ku lɛlɔyɔ básiku ɔƒɛ kanukɔ na bédie Unwoti Katɔti lɛgadi ɔyikun keyi.

Yesaia 42:10

“Bɛsu kayawi ƒui na bedie ɔnu ɔwɔdi bete ami Unwoti. Na bɛsu bani ƒui nkɛ ɛpu anumi baaví ku bani nli kalɔ ɔgyu kakaaka ƒui bɛnii basalaku-mii na beti bumwi bete-mi.

Yesaia 42:11

Bɛsu adua ani bekyuli nli kalɔ kakwiidi lɛlɔ ku bani na abi lɛlɔ ƒui bɛnii batɔ na badi limeyi na bedie lɛnu.

Yesaia 44:23

Bidie lɛnu ku ebiti, amii bani nkya katɔ ƒui ku bani nkya kalɔ lɛlɔ, ɔsika Unwoti nábla ala amɛni. Na abi ku lɛku kemmo egyii ƒui asalaku-mii na lɛlɔyɔ lɛnu lɛmɛni kemmo. Unwoti údie nwuna kadi bekyuli Israelƒuɔ, na ɔ́tina kalɛ na uukeye na badubo-nwu bɔbu.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.