Yesaia 12:4 - Katɔti Ɔku Kedee

⁴ Na Unwoti limeyi lɛmmɔ lɛlɔ ni, bɛdubɔsu bɛnii, “Bimwi Unwoti lɛnyi na bɛkpali-nwu lɛnyi bivele ala. Na bibo nwuna ala ebendi ani na ɔ́bla kudu bite kadi ƒui, na bati ka Unwoti lɛnyi lɛ́kɔ katɔ katɔ ƒui.

Yesaia 12:4 Referans Kwoze

Kɔgya 105:1

Bɛgya Unwoti enu. Na bitaakpali-nwu lɛnyi. Bɛsu kadi bekyuli ƒui ala ani na ɔ́bla.

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.

Yesaia 25:1

O Unwoti, awɔ ndi mina Katɔti, ndubumwi-ɔ na lɛkɔliku ƒula lɛnyi katɔ, ɔsika ádi ƒula etemila lɛlɔ na ábla ala ebendi geen ani ndi ulu ɔni na áta ése ɔ́si kukuuku.

Yohane 17:26

Lídie-ɔ lɛ́tina-ma. Na ndubo butaabla lɛni kalɛ na bati ka aayɔ́-ma aani kalɛ na aayɔ́-mi, na bati ka nliku-ma.”

Yeremia 50:2

Lɛ kati bute aƒlaga na ava momoomo kalɛ na kadi bekyuli ƒui benu anini, ‘Badubo Babilon buƒie enu enu! Na kɔƒa kɔdubo bana Marduk baƒiɔ bammɔ bukpo na liƒu liƒie-nwu geen na bebo ala ani na bávɔ béte-nwu bɔbwɛ buwi kalɔ ƒui.

Kɔgya 57:5

O Katɔti, ya na bekyuli ƒui bakɔliku ƒula lɛnyi katɔ besienku ɔgyu kakaaka. Na banu kalɛ na eekeye na kesi kesii na kalɔ lɛlɔ.

Kɔgya 18:46

Bɛya bumwi Unwoti ɔni nli uwi ndi uwi. Anwu ndi mina lɛtakpɛ lɛni lɛlɔ na nkpo. Ndubo-nwu lɛnyi katɔ bɔkɔliku, ɔsika anwu mɔɔƒɔ́-mi.

Nehemia 9:5

Na Lewiƒuɔ ku Yesua ku Kadmiel ku Bani ku Hasabnia ku Serebia ku Hodia ku Sebnia ku Petahia básu Israelƒuɔ ƒui banii, “Bɛta binye na bimwi bina Unwoti Katɔti ɔni nli ngba ɔ́si ɔƒɛni úsela ƒui! “Na buute ƒula lɛnyi bonwu lɛmmɔ kusɛ kusɛ. Na ƒula lɛnyi lɛ́kɔ litulo lɛnyi biala.

Israelƒuɔ Bɔlɛ 33:19

Amu na Unwoti údie kenye ɔnini, “Ndubɔya na mina bukeye bɔvi ƒula anumi. Na si mɔɔví ni, ndubɔlɔ mina lɛnyi kedee nnii Unwoti. Na ukyuli ɔni litemi mɔɔyɔ́ ni, ndubɔnu-nwu kɔnyana. Na ukyuli ɔni mɔɔyɔ́ lɛnɔ ni, ndubɔbla-nwu lɛƒɔndia.

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Yesaia 66:19

“Ndubo akɔla budie taatina ala bɔbla na lɛtina-ma mina ɔyikun ɔni na mbo na bani nébu beli na bana akɔ ni, ndubuti-ma limene Tarsis ku Pul ku Lud ku Mesek ku Tubal ku Yavan ku ntuntɛ kalɔ na ɔgyu kakaaka na lɛya na besie batákɔ lɛsa bete kadi bani bekyuli nétenu-mi tɔ kɔku kalɛ na muukeye.

Yesaia 33:5

Awɔ Unwoti eli katɔ na etulo ukyuli biala. Áya na litemi lɛlɔ bɔdi ulu lɛlɔ ku ala bɔbla siin bɔ́ƒɔ Yerusalem.

Yesaia 24:15

Anwuɔsu bɛkɔliku Unwoti lɛnyi katɔ, na bimwi-nwu bɛsiku ɔƒɛ katukɔ ku ɛpu ntuntɛ kɔlɔ ƒui. Bibo Israel Unwoti Katɔti kudu.

Yesaia 12:1

Na Unwoti limeyi lɛmmɔ lɛlɔ ni, bɛdubo ɔnu budie bɛnini, “Bemwi-ɔ, O Unwoti! Ina ka éti kɔnyi ákya-bu ni, kɔnyi kɔmmɔ kɔ́yɔ-ɔ na ásɔ énwini aayala-bu kaƒɔ mmomu.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Kɔgya 113:5

Ɔma nse aani bula Unwoti Katɔti ɔni nli nwuna lɛgaboku lɛlɔ na katɔ katɔ ƒui?

Kɔgya 107:22

Ɔlɛka babla enugya akpala bete-nwu. Na bedie lɛlɔyɔ lɛnu bebo ala ebendi ani na ɔ́bla kudu batina kadi ƒui.

Kɔgya 97:9

Unwoti Katɔti, awɔ mɔɔdi kayawi ƒui lɛlɔ na ƒula lɛnyi lɛ́kɔ katɔ litulo baƒiɔ ƒui.

Kɔgya 96:3

Bɛkɔ lɛsa bite bekyuli kalɛ na uukeye na kadi ƒui akɔ. Na bɛsu akɔla ala budie taatina ani na ɔ́bla na bekyuli ƒui akɔ.

Kɔgya 73:28

Nsu ami ni, ɔdia ute-mi geen ka lɛ́ni líde Katɔti. Na ndubɔkɛ katamikukɔ na Ɔyikune Ƒui Katɔti kudɔ. Na libo ala ani ƒui na ɔ́bla kudu lite bekyuli.

Kɔgya 46:10

“Bɛbla kpoo na bɛnu bɛti ka ami ndi Katɔti. Badubo-mi lɛnyi katɔ bakɔliku na kalɔ lɛlɔ mɛni na kadi bekyuli ƒui akɔ. Na lɛni kani na mina lɛnyi lɛdubo katɔ bɔkɔ na kayawi ƒui.”

Kɔgya 40:5

O Unwoti Katɔti, ábla ala ebendi pii geen. Na ebo kasusu buni geen ete-bu. Ukyuli ɔdi uuubo ƒula kalɛ. Na naaakana ƒula ablala bɔka bɔtina, ɔsika emomo!

Kɔgya 34:3

Bibunku-mi na bumwi Unwoti lɛnyi na bɔkɔli-nwu lɛnyi katɔ bɔsala.

Kɔgya 22:31

Na bani na bátawɔ tɔ muedi badubo-nwu lɛlɔ litemi bunu ka Unwoti ɔ́ƒɔ nwuna bekyuli ngba.

Kɔgya 21:13

Unwoti, buumwi-ɔ na ƒula ɔyikun bonwu ɔsu. Na bɔdubɔtu kɔgya budie ƒula ablala keyi.

Kɔgya 9:11

Bidie lɛnu bimwi Unwoti ɔni nli mɔɔdi lɛga na Sion. Na bibo nwuna ala ani na ɔ́bla kudu na kadi ƒui bekyuli akɔ.

Ala Alɛdi 1 16:8

Bɛgya Unwoti enu. Na bitaakpali-nwu lɛnyi. Bɛsu kadi bekyuli ƒui ala ani na ɔ́bla.

Kɔgya 148:13

Bina ƒui bɛya na bemwi Blɔti, ɔsika anwu lɛti kani nse kede kede ƒui. Na nwuna bukeye bɔ́ƒɔ kayawi ƒui, na bɔ́kɔ búbo bɔ́vi kalɔ ƒui.

Yesaia 26:8

Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Yesaia 42:12

Na bebo kudu kenye kani na ɔ́su úse na kesi kesii.

Yesaia 48:20

Anwuɔsu ɔƒaani ni, bɛtɔlɔ Babel! Na si bɛ́yu ulu bísela ni, na biteedie lɛnu taatɔ ku ebiti. Na lɛlɔ lɛyɔ-mii na biteebo kudu na ukyuli biala unu-mii kɔku bɛnini, “Unwoti údie nwuna kabla ɔblane Yakob.”

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.