Yesaia 12:2 - Katɔti Ɔku Kedee

² Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Yesaia 12:2 Referans Kwoze

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Kɔgya 27:1

Unwoti ndi mina bukeye na anwu muudie-mi lɛbibo biala kemmo. Ɔdi mina katamikukɔ kani muukeli teesie na ɔɔgyumana-mi ɔsu naaayia.

Kɔgya 118:14

Katɔti mɔɔkya-mi ɔyikun, na nwuna lɛnyi kani ndi mina kekpo ɔnu ɔni muudie. Na anwu kani náƒɔ-mi ngba.

Budie Taatina 7:10

Na básu ku lɛdi momoomo banini, “Ngba bɔƒɔ bɔɔsí bula Katɔti ɔni nlie lɛgaboku lɛlɔ ku Koƒonu Ubi ɔmmɔ kudɔ.”

Yona 2:9

Nsu ami ndubɔtu lɛnu limwi-ɔ na liti akpala lite-ɔ na lɛdi mina linyese lɛlɔ! Ɔsika ngba bɔƒɔ bɔɔsí Unwoti kudɔ.”

Yesaia 45:17

Nsu Unwoti ɔdubudie Israel na bakɛ ngba uwi ƒui ɔni na kɔƒa kulékpo-ma iye anumi ewi-ma kalɔ kudii.

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Yeremia 3:23

Bɔ́kpa baƒiɔ na abi ammɔ eli ku kɔvanu momoomo, nsu ɔmmɔ ƒui ukpludi na ɔdi, ɔsika awɔ lɛti kani ndubɔkana ka aƒɔ-bu ngba.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Romaƒuɔ 1:16

Litemi buni lɛmmɔ lilekpo-mi kɔƒa, ɔsika lɛdi Katɔti ɔyikun ɔni mɔɔyá na ukyuli biala ɔni mɔɔƒɔ́ taadi ɔɔkɛ́ ngba bɔƒɔ. Na Yudaƒuɔ ndi bedeedi bani ndubunu asa na bani naaadi Yudaƒuɔ basia.

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Yesaia 62:11

Na bati ka Unwoti muute-ma bɔti ɔnini, “Yerusalem bebi bɛnu, bina Ɔƒɔne ɔ́si ɔdubo! Na ɔda lɛyuƒɔla ɔduboku-mii.

Yesaia 32:2

Na badubunwini kabɛkɔ bete bekyuli si uwi ɔni na ɔƒɛƒɛɛ kpakplaa uukpó. Na badubunwini libiɔ bete bekyuli na kalɔ kakwiidi kemmo ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Samuel 1 2:1

Amu na Hana ɔ́kpali Unwoti na ɔ́su-nwu ɔnini, “Kayi kaayɔ́-mi geen na Unwoti lɛlɔ. Ɔsika Katɔti ɔ́ya na mina lili lɛ́kɔ lɛ́lɛ katɔ ƒui aani ebuo lise. Na mɔɔkun lɛmɛnɛ na mina bekisine ɔsu. Ɔsika ebiti geen aada-mi ka údie-mi mina bekisine enu kemmo.

Hiob 13:16

Na ɔƒɛni kalɛ mina kayi buse bɔmmɔ ndubunwini mina ngba bɔƒɔ, ɔsika ukyuli ukpidi ɔdi uuubo na ɔdubuse kayi ɔda ɔlɛ Unwoti anumi ku lɛla lɛdi.

Kɔgya 112:8

Kayi biala kelékpoku-nwu iye liƒu lɛdi lilada-nwu, ɔsika ɔ́ƒɔ ɔ́di ka nwuna bekisine ƒui badubɔkya-nwu lili kalɔ.

Yesaia 10:24

Anwuɔsu binu lɛla lɛni na Unwoti Ɔyikune Ƒui ɔmmɔ ɔ́su, “Mina kadi bekyuli bani nkya Yerusalem, bise kayi na bitayia Asiriaƒuɔ si beekpóku-mii na baanya-mii taakya aani kalɛ kani na Egyipte kadi bekyuli bábla kuuku dii bábavi.

Yesaia 17:10

Bɛ́yiƒala bina Katɔti ɔni mɔɔƒɔ́-mii ngba, na bítenyimo bina kagyumanakɔ kpakplaa kani ndi lɛtakpɛ lɛni lɛlɔ na bíkpo kama. Ɔkɛnku ɔmmɔ ɔsu ni, ina ka bɛ́lɛ egyii abuni, na bíye adingyii abuni bɛ́siku kaƒɔ bíbalɛ,

Yesaia 27:5

Na si use lɛni na békeli bébekpi-mi kɔtɔ na báwia ka buwi kenye ntu na bɔbla unwi ni, ɔdia-ma utulo.”

Yesaia 49:5

Na Unwoti ɔni návɔ-mi na mina uni kaƒɔ kemmo ɔnii nnwini-nwu kabla ɔblane asa na badubɔwɔ-mi ni, anwu nátala-mi ɔnii nkpanku Yakob ku nwuna kadi bekyuli Israelƒuɔ mboku-nwu kudɔ, ɔsika Unwoti ɔɔbu-mi geen na anwu kani mɔɔkya-mi ɔyikun asa na mɔɔbla lɛla biala.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yesaia 65:18

Bɛdi limeyi ku ebiti na lɛlɔ litaayɔ-mii uselaku uwi ƒui! Muudie Yerusalem ɔwɔdi ɔni kemmo na lɛlɔyɔ bekyuli sɔɔn ndubɔƒɔ-nwu kemmo.

Daniel 3:28

Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Yoel 2:23

Amii bani nkya Sion ƒui lɛlɔ lɛyɔ-mii na ebiti ada-mii na Unwoti bina Katɔti lɛlɔ, ɔsika ɔ́ya na ɔƒɔwi ɔnantu ku ketudi ɔnantu ɔ́na úte-mii kaduɛɛ aani kuuku kalɛ.

Habakuk 3:18

iye edula ebi adi eeebo muedi ni, lɛlɔ lɛdubɔyɔ-mi na ebiti ada-mi geen na mina Unwoti ɔni ndi mina ɔƒɔne lɛlɔ.

Samuel 2 7:24

Éti abu Israelƒuɔ énwini ƒula kadi bekyuli geen uwi ƒui. Na awɔ Unwoti énwini bula Katɔti.

Kɔgya 65:6

Ebo ɔyikun, na ƒula ɔyikun ɔmmɔ lɛlɔ na áya na abi ƒui enye ana kenyekɔ.

Kɔgya 68:20

Unwoti ɔni ntulo ƒui ndi bula Katɔti ɔni muubunku-bu na uudie-bu kukpi kemmo.

Kɔgya 68:21

Katɔti ɔdubɔbwɛ nwuna bekisine bani nnye likpidi bɔbla lɛlɔ uwi ƒui eli.

Kɔgya 118:21

Mɔɔgyá-a enu ka énu-mi bɔkpali na áya na lɛ́di mina bekisine lɛlɔ.

Yesaia 33:22

Unwoti ndubɔtɛ bula litemi ute-bu, na ɔdi-bu lɛlɔ. Unwoti ndi bula ɔga ɔni ndubɔda-bu, na lɛla lɛdi lilékpoku-bu.

Yesaia 38:20

“Awɔ Unwoti ndubudie-mi, na bɔdubo-ɔ buteemwi limeyi ndi limeyi lɛni na buli ngba na ƒula kakpakɔ kedee ku lɛbentaa.”

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?