Yesaia 11:6 - Katɔti Ɔku Kedee

⁶ Na limeyi lɛmmɔ lɛlɔ ni, kegidi ku koƒonu badubɔtɛ liku linwi, na ebuoƒuala ku ese besie bavi kpɛtɛ kpɛtɛ. Na ɔmantɛ bakɔ bebi ku bebuo bamba bani bebi nétedu tɔ lɛkwa linwi badubusie bavi bagyata ntɛ. Na ɔnamu blii kani ndubɔtɔnku bana ƒui.

Yesaia 11:6 Referans Kwoze

Yesaia 65:25

Begidi ku baƒonubi badubɔdi basala na bagyata ku bakɔ ƒui badubɔkun keti. Na balakpi badubɔkun lɛti kani! Na baladu iye babla ɔdi lɛla lɛdi na mina kɔbi kedee lɛlɔ mmɔ. Lɛni na ami Unwoti mɔɔsu!”

Hosea 2:18

Na ndubɔtuna na ulie ku keyi buɛɛ. Na beƒiebuo ku baasɛ bekpidi basɔ baaadubo-nwu bukpoku iye badi basɔ bata ku ekpola bebekpoku-nwu lɛnɔ.

Esekiel 34:25

“Israel kadi bekyuli ndi mina baƒonu. Na líse kenye kpakplaa ka badubuli na atu bɔyɔ kemmo. Na ndubo eƒiebuo biala bɔbɔku bɔtɔlɔku kalɔ kakwiidi ku lɛku lɛmmɔ kemmo na basɔ baaadubo bɔyia.

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Hiob 5:23

Ɔɔɔdi atakpɛ akɔ na asɔ adubo bɔtuma. Na beƒiebuo lɛnɔ basɔ belékpoku-ɔ.

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.