Yesaia 11:5 - Katɔti Ɔku Kedee

⁵ Na ala bɔbla siin ndi kadii kani ndubɔda-nwu kavobi, na litemi geen lɛlɔ bɔdi ndubɔdi lɛduni lɛni nda-nwu lɛmana.

Yesaia 11:5 Referans Kwoze

Eƒesoƒuɔ 6:14

Anwuɔsu binye kagyumana na biti Katɔti litemi geen binwini aani kabuli bɛda kavobi, na biti lɛlɔ bɔbla siin binwini aani lɛgyumanala bɛbala kayi.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Korintoƒuɔ 2 6:7

Bulatɔlɔ bekyuli ku bula lɛsa bɔkɔ. Na Katɔti ɔyikun ɔni nsiaku-bu ɔɔtina lɛnɔ ka bɔdi nwuna kabla bablane. Na bula ngba siin bulie ndi bula lɛla biala na kabla kamɛni kemmo. Buse aani ekpola ani ukpone ɔda uukpó.

Yesaia 59:17

Siin bɔbla ndi awu na Unwoti ɔkya aani kekpo lɛgyumanala na nwuna bɔƒɔ ɔyikun ɔdi kekpo kabwa kebi-nwu lili na nwuna kɔnyi kɔni na ɔdubuti udie likpidi bablane kasi ku lɛnungyie ndi nwuna awu gyɔlɔɔ.

Yesaia 25:1

O Unwoti, awɔ ndi mina Katɔti, ndubumwi-ɔ na lɛkɔliku ƒula lɛnyi katɔ, ɔsika ádi ƒula etemila lɛlɔ na ábla ala ebendi geen ani ndi ulu ɔni na áta ése ɔ́si kukuuku.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Budie Taatina 1:13

Na ligyii lɛmmɔ akɔ ni, lɛla lɛdi linye aani ukyuli kalɛ. Na ɔkya awu gyɔlɔɔ ɔni néne útédu-nwu kanintɔ. Na sika ugyiedi kabuli káda kámana-nwu kayi.

Petro 1 4:1

Na ɔ́si ɔni na Kristo úbo abi na ɔlɔna kemmo na bula lili ɔsu ni, amii lɛnɔ bɛda lɛlɔ bise na biti kasusu kammɔ udu kani bɛda. Ɔsika ukyuli ɔni muubó abi na ɔlɔna kemmo ni, ɔɔɔda likpidi bɔbla taaya.

Hosea 2:20

Na lɛɛɛdubo mina litemi kama bɔlɛ kudii. Na ɔmmɔ ɔdubɔya na ɔnu ami nwuna Unwoti ɔti.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Kɔgya 93:1

Unwoti Katɔti ndi ɔga ɔni mɔɔdi kayawi ƒui lɛlɔ. Na ɔda ala aani ɔga na ubo ɔyikun na ɔ́ƒɔ lɛnyi geen. Na lɛla lɛdi lilakana ka bɔkunku.

Kɔgya 109:19

Na ewida ammɔ enwini enyimi-nwu aani kɔdi kalɛ na ada-nwu aani kabuli kani ndubɔda-nwu kavobi úselaku ƒui.”

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Yesaia 32:1

Ɔga ɔdi ɔdubo ubadi bekyuli lɛlɔ ulu siin lɛlɔ, na lɛlɔ badine batɛ etemila na ulu geen ɔmmɔ lɛlɔ.

Sakaria 8:16

Nsu bɛsu lɛlɔ litemi geen lɛmmɔ, na bɛnu ka bɛɛtɛ etemila na ulu lɛlɔ siin teete bekyuli kalɛ na uboku keyi buɛɛ.

Kɔgya 45:4

Tu akpagya na esie asɔ lɛlɔ ɔdine kalɛ. Gyumana litemi geen lɛmmɔ ku bekyuli bani muuboku lɛlɔ kalɔ. Na bekyuli bataabla ala ulu lɛlɔ. Ti ƒula kɔdianu na abla ala enengudi na bani lɛlɔ na ádi anumi.

Kɔgya 89:9

Awɔ muuboku ɛpu bonwu ku nwuna lɛlɔ bɔnwanɛ ƒui kalɔ. Na aayala nwuna avlɔvɔ ammɔ buɛɛ.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.