Yesaia 11:10 - Katɔti Ɔku Kedee

¹⁰ Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Yesaia 11:10 Referans Kwoze

Luka 2:32

Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Yesaia 11:1

Yese kaba kemmo ligyukui lɛdi lɛdubɔta, na nwuna ugyitu ɔdubudie kagba na kanwu ebi.

Yohane 12:32

Na si uwi ɔni na bekyuli bákɔliku-mi katɔ ni, ndubɔya na bekyuli ƒui bebo-mi kudɔ.”

Mateo 12:21

Na kadi bekyuli ƒui badubɔsia anwu lɛti anu.”

Mateo 8:11

Mɔɔsu-mii geen ka bekyuli pii badubɔsi ɔƒɛ katukɔ ku kanukɔ bebo Katɔ Ɔga Ɔma limeyi kadikɔ. Badubulie kalɔ na badi ku Abraham ku Isak ku Yakob na mmɔ.

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Budie Taatina 22:16

“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”

Hagai 2:9

na muusé-mii kenye ka kakpakɔ kamɛni kadubo bukeye butulo kedeedi. Na ndubo ɔma ɔmmɔ lɛnɔ kusɛ kusɛ bute na keyi buɛɛ kaƒɔ-nwu kemmo.”

Yesaia 49:22

Lɛla lɛmɛni geen na Unwoti ɔ́su nwuna bekyuli ɔnini, “Líbo kadi bamba bekyuli kɔnu na ndubɔkɔliku mina aƒlaga katɔ lɛtina bekyuli bammɔ ƒui. Na badubɔkpanku ƒula bebi bananabi bada kɔnu, na bagyu ƒula belekubi basia amangba beboku-ɔ.

Kɔgya 91:1

Ukyuli ɔni nli Katɔti Ɔyikune Ƒui kudɔ na ɔɔgyumana-nwu na Unwoti Ɔyikune Ƒui ɔmmɔ ɔ́kya-nwu ɔyuli ni,

Yesaia 60:3

Na kalɔ kadi bekyuli ku bana baga badubo-ɔ kudɔ babanu ƒula bukeye kadi kawɔdi kani négye-ɔ.

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Hebriƒuɔ 4:1

Anwuɔsu ka linyese lɛni na úte-bu ka buduo nwuna bɔnwuna ƒui kemmo kamu kese kéte-bu ɔsu ni, bɛya na bɔnu lɛlɔ kemmo kaduɛ kalɛ na ɔdi ulásɔ na kenye kammɔ lɛlɔ.

Batalane Kabla 28:28

Amu na Paulo ɔ́wɔlɔ-ma bɔtɛmiku ɔnini, “Ɔlɛka lɛsu-mii na bɛti ka ni, bekyuli bɔƒɔ litemi lɛmɛni ni, béeti-ni béselaku bani naaadi Yudaƒuɔ. Na ama ni, badubɔƒɔ-ni!”

Yesaia 66:19

“Ndubo akɔla budie taatina ala bɔbla na lɛtina-ma mina ɔyikun ɔni na mbo na bani nébu beli na bana akɔ ni, ndubuti-ma limene Tarsis ku Pul ku Lud ku Mesek ku Tubal ku Yavan ku ntuntɛ kalɔ na ɔgyu kakaaka na lɛya na besie batákɔ lɛsa bete kadi bani bekyuli nétenu-mi tɔ kɔku kalɛ na muukeye.

Yesaia 60:5

Na si bɛ́nu ɔmɛni ni, bina anumi adubukeye, na kayi lɛnɔ kata-mii na bɛtalaku lɛlɔ katɔ ku lɛmɛnɛ. Na badubɔsiku ala abuni ku lɛkɛ lɛni na lɛ́si ketu ɔvi ku kadi bamba bekyuli akɔ ƒui beboku-mii.

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Yesaia 28:12

Ɔsika anwu ɔlati ɔ́su-ma ka bekyuli bani ƒui na lɛla lɛdi liikpóku ni, bebo-nwu kudɔ na badubɔkɛ bɔnwuna, nsu béni na belenu.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Kɔgya 149:5

Bɛya na bekyuli kedee ƒui bakɛ lɛlɔyɔ na bekeye na bana kɔtɛnkɔ. Na bedie lɛnu momoomo!

Kɔgya 116:7

Ndubɔkɛ kayi na lilie ƒaa, ɔsika Unwoti ɔ́bla-mi lɛƒɔndia lɛni ƒui na mɔɔwia.

Kɔgya 91:4

Ɔdububi-ɔ ala aani kalɛ na akɔkɔ uubi nwuna bebi avwi na akɛ kabɛkɔ. Na kalɛ na ɔɔsia nwuna litemi kama siin ɔsu ni, ɔdubo-ɔ bɔgyumana na ukpo ute-ɔ.

Yeremia 6:16

Unwoti ɔ́su ɔnini, “Uwi ɔni na bísie bítédu elukpo ni, lɛ́su-mii nnii, ‘Bɛsia ulu ɔni lɛlɔ na bina bati kuuku básia na bɛdubulie ku keyi buɛɛ.’ Nsu bíni.

Yesaia 14:3

Na limeyi lɛni na Unwoti ɔdubɔya na bɛlɛ bina lɛbibo ku lɛlɔ bukpoku ku kalɛ na benye-mii lɛlɔ na bɛɛbla bekyuli bamba kabla kemmo ni,

Budie Taatina 5:5

Amu na benengu bammɔ akɔ unwi ɔ́su-mi ɔnini, “Sɔ tewulo. Nu! Yesu ɔni baalɔ banii Gyata ɔni nási Yuda kaba kemmo na ɔdi Dawid Kugyii Ugyiitu ni, ɔ́di lɛlɔ. Anwu námanku ka ɔƒɛnimi kɔma kɔni na béti bábala ekpo maatɛ ammɔ.”

Bumomo Bɔka 10:33

Ɔmmɔ ɔsu Israelƒuɔ báta Sinai kɔbi kedee kaƒɔna mmɔ na bésie emeyi atɛ. Na Unwoti Bunyimi Adaka ɔtɔ-ma emeyi atɛ ammɔ ƒui kalɛ na utáwia keliekɔ kadi ute-ma na banwuna.

Yesaia 11:12

Ɔdubo bunyene aƒlaga ɔdi ute kadi ƒui bekyuli, na ɔkpanku Israel kadi bekyuli bani na béƒie bésienku kɔlɔ bamba ku Yudaƒuɔ bani na bégyingya bakya ƒui ɔsiku kayawi lɛƒɛnyi ine bɔmmɔ ƒui ubasala.

Yesaia 62:10

Yerusalem kadi bekyuli, bɛlɛ na bitábwɛ ulu kaduɛ bibeduoku ɔma ɔmmɔ kemmo bite bina bekyuli bani nási badubo na bidie atabi ƒui na ulu lɛlɔ. Bɛlɛ aƒlaga bite kadi bekyuli na banu.

Ala Alɛdi 1 2:12

na Boas ɔ́wɔ Obed na Obed ɔ́wɔ Yisai.

Kɔgya 145:11

Badubɔsu kalɛ na ƒula lɛga kadikɔ keekeye ku kalɛ na ebo ɔyikun.

Yesaia 2:2

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli, na kadi bekyuli ƒui badubukeli besie mmɔ.

Yesaia 2:3

Bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti Katɔti kɔbi lili na Yakob Katɔti kakpakɔ, na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala, na bunu Unwoti litemi bɔsiku Yerusalem.

Yesaia 42:4

Ulayila nwuna lɛnunsia, na enu lɛnɔ alaƒɛ-nwu úti útédu uwi ɔni na ɔ́ya na ala bɔbla ulu lɛlɔ siin bɔ́ƒɔ kalɔ ƒui lɛlɔ. Na kadi bamba kɔlɔ bekyuli ƒui báƒɔ nwuna ala ani na ɔɔtina.