Yesaia 11:1 - Katɔti Ɔku Kedee

¹ Yese kaba kemmo ligyukui lɛdi lɛdubɔta, na nwuna ugyitu ɔdubudie kagba na kanwu ebi.

Yesaia 11:1 Referans Kwoze

Yeremia 23:5

Na limeyi lɛdi ni, ndubɔƒuna ɔga ɔni mɔɔsu litemi geen lɛsiku Dawid kaduli. Na ɔdubɔbla ɔga ɔni náda anu na ɔdubɔdi bekyuli lɛlɔ na ɔtɛ litemi na ulu siin ɔmmɔ lɛlɔ.

Budie Taatina 22:16

“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”

Sakaria 6:12

Na asu-nwu ka ami Unwoti Ɔyikune Ƒui násu nnii, ‘Ukyuli ɔdi ɔdubɔkɔ ɔlɛ mɛni aani kugyii kagba kalɛ na ɔtu mina kakpakɔ ute-mi. Na ndubɔlɔ-nwu nnii Kugyii Kagba na anwu ndubo bekyuli lɛlɔ bɔdi aani ɔga ɔni mbo ɔbu kalɛ. Na ɔkpane ɔdi ɔdubunye-nwu kɔmadɔ na nwuna lɛgaboku kudɔ. Na bana inyɔ badubɔbla kabla basala ku ebiti ku keyi buɛɛ.’

Budie Taatina 5:5

Amu na benengu bammɔ akɔ unwi ɔ́su-mi ɔnini, “Sɔ tewulo. Nu! Yesu ɔni baalɔ banii Gyata ɔni nási Yuda kaba kemmo na ɔdi Dawid Kugyii Ugyiitu ni, ɔ́di lɛlɔ. Anwu námanku ka ɔƒɛnimi kɔma kɔni na béti bábala ekpo maatɛ ammɔ.”

Sakaria 3:8

“Ɔkpane Unengudi Yosua, se kɔtu kaduɛ na enu ku amii bakpane bamba ƒui lɛnɔ. Amii ndi likposela lɛni nnye ala ani ndubo abalɛ uwi ɔni mebo kenye ɔƒaani. Ɔsika ndubɔsɔku mina kabla ɔblane, Ɔga Ɔƒunadi ɔmmɔ, ɔni baalɔ banii kugyii kagba liboku.

Yeremia 33:15

Líse kenye ka ndubɔƒuna ɔga ɔdi lɛsiku Dawid ɔtɔ kemmo si uwi ɔdi úbedu. Na ɔga ɔmmɔ ɔdubɔsu litemi geen na ɔdi bekyuli lɛlɔ na ɔtɛ litemi ulu siin lɛlɔ.

Yesaia 53:2

Unwoti kabla ɔblane ɔmɛni ɔɔlɛ́ lili na Unwoti anumi aani kugyii kebi kani nákwɛ na keedie evete iye kugyii ugyitu ɔni muutulo taalɛ kalɔ kakwiidi kemmo. Na ɔɔɔdi ɔga ɔni mɔɔdia bekyuli bɔnu. Nwuna lɛla lɛdi liiise ɔni basu banii ani mɔɔda bekyuli kayi.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Romaƒuɔ 15:12

Yesaia lɛnɔ ɔ́sɔ únweni ɔnini, “Yese kugyii ugyiitu ɔdubɔta. Na ɔdi ukyuli ɔni ndubɔta na ɔdi kadi ƒui bekyuli lɛlɔ. Na bekyuli bani naaadi Yudaƒuɔ ƒui badubɔkɛ lɛnunsia na nwuna lɛlɔ.”

Yesaia 4:2

Nsu na uwi ɔni mebo kemmo ni, bekyuli bani na Unwoti ɔdubɔya na balɛ sɛɛn babla aani kugyii kagba kawɔdi kani mɔɔdia bɔnu na keekeye na kana ebi ndubɔya na Israelƒuɔ bani nébu mmɔ baƒɔ lɛnyi na beteekeye.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Samuel 1 17:58

Mmɔ na Saul úye Dawid ɔti lili. Na Dawid údie kenye ɔnini, “Ƒula kabla ɔblane Yisai ubidi na ndi. Na ɔ́si Betlehem.”

Rut Keliela Ɔku 4:17

Amu na liku bekyuli beleku bani nli mmɔ básu banini, “Naomi ɔ́kɛ ubi ɔnanabi.” Na beleku bammɔ básia ubi ɔmmɔ lɛnyi banii Obed. Na Obed ɔmɛni náwɔ Yisai, na Yisai lɛnɔ ɔ́wɔ Dawid.

Mateo 1:1

Ɔmɛni ndi Yesu Kristo kaba kemmo bekyuli anyi. Na kási Dawid kaba kani nálɛ kási Abraham kemmo.

Hebriƒuɔ 7:14

Ɔsika bɔgyi kede kede ka Yesu ni, Yuda kaba kemmo na báwɔ-nwu básiku. Na kaba kammɔ lɛlɔ ni, Mose útasu lɛla lɛdi útasiku bakpane lɛlɔ.

Samuel 2 23:3

Israel Katɔti ɔni ndi lɛtakpɛ lɛni lɛlɔ na békpo kama násu-mi ɔnini, ‘Ukyuli ɔni mɔɔdi bekyuli lɛlɔ na ulu siin lɛlɔ, na ɔɔyia Katɔti na ulu ɔni lɛlɔ na ɔ́sia ɔɔdi bekyuli lɛlɔ ni,

Yesaia 6:13

Na ina bekyuli bammɔ lɛkpa leevudi kani nébu ni, ama lɛnɔ ndubɔyila-ma udu. Nsu kalɛ na egyukwii eebú teenye si báda egyii báwɔlɔ ni, lɛni na mina badi bani na lɛ́ƒuna badi badubo bubu bulie kama.”

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Ala Alɛdi 1 2:12

na Boas ɔ́wɔ Obed na Obed ɔ́wɔ Yisai.

Kɔgya 145:11

Badubɔsu kalɛ na ƒula lɛga kadikɔ keekeye ku kalɛ na ebo ɔyikun.

Esekiel 17:22

“Limeyi lɛdi ni, ami Unwoti ndubo kugyii kpakplaa kɔni kagba mɔɔlɛ́ ɔwɔdi bukulo na liti-ku lɛlɛ Israel Kɔbi kɔni nákuku kutulo ƒui lili. Na kɔdubunye mmɔ kɔbi lɛlɔ kunwini kugyii bonwu kpakplaa na kɔnwu ebi bonwu bonwu lɛnɔ.