Yesaia 10:6 - Katɔti Ɔku Kedee

⁶ Na mɔɔtala-ma ka betékpoku mina bekyuli bani naaadi mina etemila lɛlɔ. Lídie-ma ulu nnii betékpo mina kadi bekyuli, bekyuli bani mɔɔkya-mi kɔnyi, na beƒie-ma ala baƒɔ na besusu-ma kpɛtɛ kpɛtɛ.

Yesaia 10:6 Referans Kwoze

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Sakaria 10:5

Badubo bubunku na kekpo kammɔ kemmo na badubɔsala lɛlɔ na badi bana bekisine lɛlɔ na besusu-ma bakya lɛgba kalɔ aani aba. Badubo bukpo, ɔsika ami Unwoti ndubunye-ma kama na besusu bana bekisine bekpone bapɔnkɔ beliene bammɔ kpɛtɛ kpɛtɛ.

Yeremia 25:9

Na ɔƒaani ni, ndubo bɔya na kadi bekyuli bani nási kalɔ kammɔ katɔ kakɛ bebékpo-mii na ɔni ntulo ƒui ndi mina kabla ɔblane Nebukadnesar ɔni ndi Babilonƒuɔ ɔga. Amii ku bina liku bekyuli kɔlɔ lɛlɔ bekyuli ƒui bɛdubo bukpi na bina lɛma ku kɔlɔ ƒui kɔdubɔsɔ kuwi ukpludi na lɛla biala lɛyii udu. Na ɔtɔtɔ bonwu ɔdubɔgyu ukyuli biala manu ɔmɛni, nsu ɔmmɔ ƒui kama bɔma kani na badubo-mii na beteedumi-mii.

Yesaia 19:17

Na si bénu ka ukyuli ɔdi ɔ́lɔ Israel lɛnyi muedi ni, liƒu lɛdubuƒie-ma na kayi kemmo na lɛla lɛni na Unwoti ɔ́ɔklibi lɛlɔ úse ka ɔbla Egyipteƒuɔ ɔsu.

Mateo 15:7

Amii anumi lɛlɔ bekyuli! Lɛla lɛni na Katɔti Kenye Udiene Yesaia ɔ́su úse líbo líte lɛni na bina lɛlɔ geen.

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Yeremia 3:10

Na ɔni násɔ úbie útulo ƒui ndi ɔni na Yuda ɔ́nyi ɔkɔ ɔ́bla lɛlɔ aani si bunwini na ɔ́sɔ únwini úbo-mi kudɔ.

Yesaia 63:6

Na mina kɔnyi kemmo ni, lítu kadi bekyuli lɛ́bwɛ na lɛ́ya na báni bana ubugya ɔni néwi kalɔ na ɔɔgbá na kalɔ lɛlɔ kesi kesii mmɔ.”

Yesaia 63:3

“Ami lɛti nákɔ-ma ƒui lɛ́bwɛ lɛni aani egyiibi na mina kɔnyi kemmo! Kadi badi bétebunku-mi. Na mmɔ na bana ubugya úduo-mi awu.

Yesaia 41:25

“Líitiku ukyuli ɔni ndubo ubadi-ɔ lɛlɔ lɛ́siku katɔ kakɛ na ɔdubɔsia ɔƒɛ katukɔ uteebo kalɛ na ubeti ɔbu ute mina lɛnyi. Na ɔɔkɔ́ taavi lɛlɔ badine lɛlɔ aani kalɛ na baawɔ́ lɛvɔti na kaawɛ kemmo.

Yesaia 33:14

Liƒu líƒie alaekpidi bablane benengudi bani nkya Sion Kɔbi lɛlɔ na lɛlɔ lɛɛtɔ́-ma kpakpaakpa na béye banini, “Dɛ na bɔdubɔkana kesii kani na ogya ɔni mɔɔkywí teebile ala uwi ƒui na uléni mɛni bulie?”

Yesaia 29:13

Unwoti ɔ́su ɔnini, “Bekyuli bamɛni bada bana kenye kani baabu-mi, nsu balayɔ-mi na bana kayi kemmo. Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.

Yesaia 22:5

Unwoti Ɔyikune Ƒui limeyi lɛni na liƒu bonwu lɛdubuƒie bekyuli na bakɛ beteetu lɛgba kalɔ taakɔ taayu ku bɔyia geen na baaagyi lɛla lɛni na baabla ni, ani na bɔɔnu na Ala Bɔnu Kɔwɔ kɔmɛni kemmo. Na badubɔƒɛ awodu bewi kalɔ na bekyuli bataava taakpali abi ka bebebunku-ma.

Yesaia 9:19

Unwoti Ɔyikune Ƒui kɔnyi kpakplaa ɔsu ni, kalɔ kammɔ kadubɔkula lɛlɔ geen, na bekyuli bénwini ekyweni bete ogya ɔmmɔ, na ɔkpanadi kɔnyana bɔnu buuubo.

Yesaia 5:29

Na baakwanyi aani bagyata, na beebó adi si béƒie lɛla lɛdi, na beti-ni batɔlɔku ɔni na ukyuli ɔdi uuubo na ɔkana-ni bɔƒɔ na bana kudɔ.

Samuel 2 22:43

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Yesaia 5:5

“Bɛya na lɛsu-mii lɛla lɛni na ndubo mina adingyii kemo bɔbla. Ndububile ɔban ɔni na lɛ́gyi lɛ́kya-ka na kayii udu. Na ndubɔƒɛ awodu ammɔ ƒui liwi kalɔ na bataanya-ka teesusu.

Yesaia 5:25

Ɔmmɔ ɔsu na Unwoti uuti kɔnyi kpakplaa taakya nwuna bekyuli. Na ɔ́talaku kɔnu katɔ ka ɔƒiɛmi-ma ɔva kalɔ. Abi ƒui ákunku, na bani nékpi ƒui ɔlɔna uwi lilu lɛlɔ aani alakpi. Nsu ɔmmɔ ƒui útayɔ tɔ Unwoti kaƒɔ. Ɔsika ɔ́mu ɔ́tala kɔnu unye.

Yesaia 7:17

Unwoti ɔdubɔya na uwi kpakplaa ɔni nétebo tɔ dii ɔ́si uwi ɔni na béle Salomo lɛga kadikɔ na kénwini Yuda ku Israel ubasiaku-mii, awɔ ku ƒula kadi bekyuli ku ƒula ɔtɔ kemmo bekyuli ƒui lɛlɔ, na ɔya na Asiria ɔga ubo ubekpoku-mii.”

Yesaia 8:8

Na kadubɔgbala ala laa ketédu Yuda, na kabuala kavi na keyi kadanku-ma amɔ. Na kana avwi ani na úgyingya adubo bɔbɛbɛ bubi ƒula kalɔ kammɔ ƒui, O Imanuel!”

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yesaia 32:6

Adɔlɔtɛ na badɔlɔdi baatɛmi, na likpidi bɔbla kɔkwɛ kani na baakya. Na baasu ɔkɔ ala teedumi Unwoti na baayá na kɔka ku utukwɛ ɔɔdú bekyuli na beekpi.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Yesaia 49:17

Bina bebi badubo ɔma ɔmmɔ bɔsɔku bɔtu kɔnakunwi butulo kalɛ na béti bébile-nwu. Na bina bekisine bammɔ badubɔlɛ-nwu kemmo batɔlɔ ƒui.

Yesaia 49:25

Nsu Unwoti úse-bu kenye ka ɔdubukpo ute-bu na ɔƒɔ bula bebi ɔsiku bekyuli bekpidi bani ndi bula bekisine bayikune bani mbo kalala mmɔ enu kemmo.

Esekiel 29:20

Egyipte kalɔ kammɔ na ndubuti lɛƒɔ-nwu kayu, ɔsika anwu ku nwuna bekpone bákya bátaabla-mi kabla na baadi mina litemi lɛlɔ. Ami Unwoti Katɔti násu.

Esekiel 38:12

Na bɛdubo bekyuli bani na bábwɛ-ma lɛma béwi aani kebu alakpi dii mmɔ buyu. Bekyuli bamɛni bélie kaƒɔ aani batɔntɛne kalɛ, nsu básɔ bénwini bébo Israel kalɔ lɛlɔ kesii kani náƒɔ kuye ketulo na kalɔ ƒui lɛlɔ, na bebo bebuo ku akɛla bamba lɛnɔ.

Esekiel 38:13

Na Seeba ku Dedan kadi bekyuli ku beyedine bani nási akpaklɔ ani nde mmɔ badubo-mii kama bunye na bebunku-mii. Ɔsika badubɔyɔ ka ama lɛnɔ bakɛ sika ɔƒualadi ku ugyiedi ku bebuo ku bana akɛla bamba ani na bebo na bekpone bamɛni badubo buƒie bɔƒɔ Israelƒuɔ kudɔ ɔsu.

Habakuk 1:12

Unwoti Katɔti Kedee, adi mina katamikukɔ lɛtakpɛ bonwu, na eli ésela uwi ƒui na aaadubo bɔya na likpi. Áya na Babilonƒuɔ bénwini bayikune na baatɛku bekyuli bamba litemi na bani-ma kɔtu.

Baga 2 18:25

Munuu aakali ka bɔta kani na lɛ́ta mbekpoku-mii keeke ɔni na ɔɔɔdi Unwoti násu-mi lɛla lɛdi? Mɔɔsu-mii nwaa ka ni, Unwoti ɔlati násu-mi ka mbekpoku kalɔ kamɛni ƒui na lɛyila-mii udu.’ ”

Yesaia 8:4

Na asa na ubi ɔmmɔ ɔdubɔti bɔsu ɔnii, ‘Mina Ati’ iye ‘Nna’ ni, Asiriaƒuɔ ɔga úuti Damasko lɛlakɛ ku ala ani na ɔdubuƒie ɔƒɔ na Samaria ɔ́tɔlɔku uwi ɔmmɔ.”