Yesaia 1:7 - Katɔti Ɔku Kedee

⁷ Bina kɔlɔ ƒui kɔ́yii udu na kuwi ukpludi. Na bákyula-mii lɛma linengudi ƒui. Na binye bɛɛnu baƒɔ bammɔ na béti-mii mmo ku lɛla biala bénwini bana lɛdi na bébile lɛla biala.

Yesaia 1:7 Referans Kwoze

Kɔnyana Buwulo 5:2

Baƒɔ bébeti-bu kɔlɔ ku bula kɔduli bénwini bana ɔdi.

Lɛkpa Ulu 28:43

Na bekyuli bani naaadi Israelƒuɔ na bakya-mii akɔ badubo katɔ butaakɔ, nsu amii bɛdubo kalɔ butaayu.

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.

Hosea 7:9

Bányonu lɛlɔ béte baƒɔ na bana ɔyikun ƒui ɔ́yii udu na balanu taati. Na bana lili linwini lɛ́ta lɛɛƒuala, nsu balanu ɔmmɔ lɛnɔ taati.

Esekiel 30:12

“ ‘Ndubo bɔya na Nil Ketu bonwu kammɔ kakwii na liti kalɔ kammɔ liye lite bekyuli bekpidi badi. Na ndubɔya na bekyuli basi kaƒɔ bebo bababla na kalɔ kemodi kammɔ kenwini kalɔ kakwiidi kani kemmo na lɛla lɛdi lɛsɔ liladia. Ami Unwoti násu.’ ”

Ala Alɛdi 2 28:5

Ahas ku Yuda kadi bekyuli ƒui bábla likpidi báƒiɔ Unwoti na bénwini kama bákya Katɔti ɔni na bana bati kuuku bákpa. Anwuɔsu na Katɔti úti-ma ɔ́kya Aram kadi bekyuli enu kemmo na bétiku nwuna bekyuli pii bátɔlɔku aani bekyuli biƒiedi bésienku Damasko. Na lɛni kani na Israelƒuɔ lɛnɔ bésusu-ma geen na kekpo kammɔ kéƒie bana bekyuli pii bátɔlɔku.

Hosea 8:7

“Ɔsika si ágya ɔƒɛƒɛɛ ni, ɔƒɛƒɛɛ ɔni mɔɔkya ligede na adubo bɔnu. Na kamu kani nátakya ebi kalayu taabla ligyie na bekulo-ka bababla lɛdila lɛdi. Na si ina kákya ebi muedi ni, bekisine badubo-ka buyu bɔtɔlɔku-mii kudɔ ƒui.

Yeremia 6:8

Amii Yerusalem ku Yudaƒuɔ, bise atu na binu, ndubo-mii atu budie na bina kalɔ kenwini kalɔ kakwiidi na kasɔ kewi ukpludi.

Yeremia 2:15

Bina bekisine baakwanyi aani bagyata, na báyila-mii udu, na bébile-mii kalɔ, na bákyula lɛma béwi ukpludi na bekyuli basɔ beeebo-ni kemmo.

Yesaia 34:9

Na Edom ntukpa ƒui bɔdubunwini nnɔ tonwu bɔni na beewi ulu lɛlɔ, na kalɔ kammɔ lɛti lɛta linwini kɔnu aƒɛ. Na kalɔ kammɔ kaƒɔ ogya na kataada.

Yesaia 9:5

Na bekpone adala ku agbanvuo ani nákpi ubugya na kekpo ni, ala ammɔ bene ƒui adubunwini ala ani na badubo ogya bɔkya.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yesaia 5:17

Na kesii kani na Unwoti úbile ala mmɔ ni, mmɔ na baƒonu badubo bɔdi. Na baƒonubi ku besebi ƒui badubɔkɛ kadikɔ.

Yesaia 5:9

Unwoti Ɔyikune Ƒui ɔ́su na ami ɔlati línu ku mina atu ɔnini, “Lɛtɔ pii ku katu taasia lɛtɔ buni lɛmmɔ lɛdubo buse ukpludi ɔni na basɔ balákɛ bekyuli bani nelie-ni kemmo.

Kɔgya 107:39

Bekisine baakana na beekpóku Katɔti bekyuli na banya-ma bakya lɛbibo kemmo.

Kɔgya 107:34

Na ɔɔbla kalɔ kani mɔɔdia adila lɛnɔ na keenwíni kalɔ kagyani kani mbo mma na kaládia edula. Ɔsika kalɔ kammɔ bekyuli badi bekyuli bekpidi.

Lewiƒuɔ Ɔda Bubo 26:34

Na uwi ɔni na bɛkya kaƒɔ lɛma mmɔ ni, akwa ani na bɛ́da bina kalɔ bíwi mmɔ adubunwini bɔnwuna akwa ete-ka ka bíni na bítete-ka bɔnwuna ɔsu.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Lɛkpa Ulu 29:23

Bina kɔlɔ ƒui kɔdubɔkywi na kabla aani mma ku kɔnu. Na si bɛkya edula adi biala ni, aaadubo bɔdia. Na livo muedi lɛɛɛdubo-nya lɛlɔ bɔkwɛ. Na bina kɔlɔ kɔdubɔbla aani Sodom ku Gomora ku Adma ku Sebiom lɛma lɛni na Unwoti úti kɔnyi na ɔ́kyula mmɔ.

Kɔgya 109:11

Na bekyuli bani na ɔda kayu ƒui beƒie lɛla biala na ubo baƒɔ. Na baƒɔ bekpeli kabla biala na ɔ́bla úse baƒɔ.

Yesaia 1:8

Sion, lídie-ɔ atu aani kevo kani na bányonu bákya eƒu akɔ. Na útavumana ku ɔma unengudi ɔni bekpone báka bákya.

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yesaia 9:18

Geen ni, kalala bɔbla buse aani lɛku kemmo ogya. Ɔɔkyula liyu ku alakpi bamba, na lɛku limodi lɛmmɔ lɛɛkywí, na uudie uyɔ litigbli taakɔliku kayaa.

Yesaia 49:19

Ɔƒaani ni, buse na Yerusalem use aani ɔma ɔni na ɔ́bwɛ na lɛla lɛdi lɛsɔ liiibo-nwu kemmo. Nsu badubɔsɔku-nwu batu na bekyuli baƒɔ ɔma ɔmmɔ kemmo tɛtɛɛtɛ. Na bekisine balalane bani nkya ɔma ɔmmɔ lɛlɔ ama badubusie ɔgyu kakaaka na ɔma ɔmmɔ kudɔ.

Yesaia 60:15

“Bekyuli békisi-mii na béni-mii uwi ɔni návi nsu ndubɔbla-a ɔma unengudi ɔni mɔɔdia bɔnu geen na bataakun lɛmɛnɛ na ƒula lɛlɔ úsela uwi ƒui.

Yesaia 62:8

Unwoti úse kenye kpakplaa ɔnini, “Nsɔ lɛɛɛdubo bina edula buti bute bina bekisine na badi. Na kadi bamba bekyuli basɔ baaadubo bina ntɛ bɔwɔdi bɔni lɛnɔ na bíbo abi bídie bɔni kudii.

Yesaia 64:10

Ƒula lɛma linengudi lɛni na áƒuna ése sɛsɛɛ ƒui línwini ketele kalɔ kakwiidi. Sion únwini kalɔ kakwiidi na Yerusalem ɔsɔ ɔɔɔdi kesii kani madia lɛla lɛdi bɔbla.

Yeremia 4:7

“Bekpone badi badubɔda babalɛ-mii lɛlɔ aani gyata ɔni nási ɔ́lɛ nwuna lɛtabi ubu kemmo na babakyula kadi bekyuli pii na ɔbwɛ bina lɛma na lɛsɔ liwi ukpludi.

Yeremia 7:34

Na si uwi ɔni na lɛ́wɔlɔku bina kalɔ lɛni lɛ́wɔlɔ ni, mmɔ kadubo bɔba mana mana aani kekpine na kesii kani na líbile lɛla biala na Yerusalem mmɔ ku Yuda lɛma lɛmmɔ ƒui kemmo. Na lɛlɔyɔ kɔku kɔdi kɔsɔ kulakya mmɔ iye limeyi bɔdi ku beleku buti ablala adi lɛnɔ asɔ alakya mmɔ.’ ”

Yeremia 44:6

Kawɔlɔkɔ ni, mina kɔnyi kɔ́bwɛ kúwi-ma lɛlɔ aani kalɛ na ketu keeyi taabwɛ na keeƒie bekyuli. Na ɔmwi ni, Yerusalem ku Yuda lɛma liwi ukpludi aani kebu alakpi.

Esekiel 25:4

Anwuɔsu ɔƒɛni ni, ndubo bɔya na adua bamba bekyuli bani nási ɔƒɛ katukɔ kalɔ kakwiidi kemmo bebo na badi-mii lɛlɔ. Na badubɔbla kuliekɔ na bina kalɔ kemmo na badi bina egyiibi na bani bina bebuo anyi ntu.

Mika 5:11

Na bina lɛma linengudi ku ɔma kɔgyumanakɔ kɔni na bɛ́tu ƒui ndubo-ku bubile.

Mika 6:13

Anwuɔsu na líse kalɔ mɔɔkyula-mii na bɛyii udu na bina ekpidi ɔsu.