Yesaia 1:26 - Katɔti Ɔku Kedee

²⁶ Na ɔmmɔ kama ni, ndubute-mii litemi batɛne babuni ku kasusu betine aani bani nákya-mii akɔ kuuku. Na bekyuli badubɔsɔ balɔ Yerusalem banii Ɔma unengudi ɔni kemmo baatɛ litemi geen ku Ɔma unengudi ɔni bekyuli mɔɔdi etemila lɛlɔ.’ ”

Yesaia 1:26 Referans Kwoze

Sakaria 8:3

“Ndubɔsɔ linwini lisie Yerusalem na ntélie Sion Kɔbi kedee lɛlɔ. Na bekyuli ƒui badubɔnu Yerusalem bati aani mina ɔma ɔni nsiaku-mi kama siin. Na basu ka Sion ndi mina kɔbi kedee.

Yeremia 33:7

Ndubɔsɔku kalɔ kamɛni lite Israel ku Yuda na lɛya na basɔ bakɛ ɔyikun ɔni nákya-ma kudeedi.

Budie Taatina 21:27

Nsu lɛla biala muusé lɛlɔ lileduo mmɔ kudii. Na bani ƒui mɔɔbla ala ani muusé lɛlɔ iye ala ani muukpó kɔƒa iye ala ani mɔɔtɔ́lɔ bekyuli ni, beleduo mmɔ. Mmomu bani anyi na bénweni bákya Koƒonu Ubi ɔmmɔ ngba ɔku kemmo kani ndubuduo mmɔ.

Sakaria 8:8

na basɔ benwini bebelie Yerusalem. Badubunwini mina bekyuli, na ami lɛbla bana Katɔti, na lɛsia mina litemi kama siin, na lɛtɛ bana etemila ulu siin lɛlɔ lite-ma.

Seƒania 3:13

Israel kadi bekyuli bani nébu ni, badubulie ngba siin na beni ɔkɔ bɔnyi. Badubɔdi na batɛ banwuna, na balayia lɛla biala.”

Yeremia 33:11

lɛlɔyɔ kɔvanu ku ebiti kasala lidu lidu. Na adubunu ka beeti beleku taawɛɛ-ma ku ebiti katɔ. Na si bekyuli bébo-mi kudɔ na mina kakpakɔ banii beeti etela babakpa bete-mi ni, adubunu ka baasu banini, “ ‘Buumwi-ɔ, Unwoti Ɔyikune Ƒui! Bɛgya Unwoti enu, ɔsika ɔdia na ɔɔyɔ́-bu uwi ndi uwi.’ Na kalɔ kammɔ kadubɔsɔ kadia edula.

Yeremia 31:23

Unwoti Ɔyikune Ƒui, Israel Katɔti, ɔ́su ɔnini, “Líse kenye ka ndubɔya na Yudaƒuɔ bakɛ bɔnwuna na lɛtɔnku-ma liboku bana lɛma. Na si uwi ɔni na lɛ́bla ɔmɛni ni, badubɔsɔ basu banini, ‘Buuvele Unwoti bɔnii ute nwuna ɔma ɔni ndi Yerusalem Kɔbi kedee lili kesii kani na nwuna kakpakɔ kenye mmɔ kusɛ kusɛ.’

Yesaia 60:21

Bina kadi bekyuli badubulie siin na kalɔ kammɔ kabla bana ɔdi. Bese aani egyii ani na lɛ́lɛ na áta kalɛ na bedie mina bukeye keyi.

Yesaia 60:14

Na bekisine bani nékpoku-mii ni, bana bawɔ badubɔlɛ akɔnkɔ kalɔ na bina lɛgba akɔ na basu-mii banii, ‘Sion ɔdi Unwoti Israel Katɔti Kedee ɔma unengudi.’

Yesaia 33:5

Awɔ Unwoti eli katɔ na etulo ukyuli biala. Áya na litemi lɛlɔ bɔdi ulu lɛlɔ ku ala bɔbla siin bɔ́ƒɔ Yerusalem.

Yesaia 1:21

“Bɛnu kalɛ na Yerusalem ɔma ɔni kemmo na balawia ala basa basa balanu ɔƒɛni amu úbenwini aani ɔyalɛ ɔni kudɔ banana lidu lidu beeduo taalɛ. Ɔma ɔni kemmo na nka bátaadi mina etemila lɛlɔ ulu lɛlɔ ku ala bɔbla siin ni, ɔƒɛni amu bekyuli badune néyi-nwu kemmo tɛɛ.

Bumomo Bɔka 12:3

Na Mose ɔdi ukyuli ɔni use buɛɛ, na úboku lɛlɔ kalɔ útulo ukyuli biala na kalɔ kamɛni lɛlɔ.

Seƒania 3:9

“Ndubo adi biala batɛmine bɔbla sɛɛn na bamanku kalɛ na bemwi-mi lɛnyi. Na bana ƒui badubɔsala babla unwi, na babla ami, Unwoti, kabla.

Bumomo Bɔka 16:15

Mmɔ na Mose úbakɛ kɔnyi geen na ɔ́su Unwoti ɔnini, “Taƒɔ bekyuli bamɛni akpala adi. Ńtaƒɔ bana ɔdi lɛla lɛdi ina ebuo ala utine, na ńtaƒiɔ ɔdi lɛnɔ.”

Yesaia 54:14

Ndubɔya na bɛbla bekyuli bani nse siin, na baabla lɛla biala taasiaku ulu lɛlɔ, na bilie kalɔ kpi ɔni na bɛsɔ biláyia lɛla lɛdi, na ala ani muukpóku-mii ƒui adubusie kama ƒui na bina kudɔ.

Mika 4:8

Sion Kɔbi na Yerusalem, awɔ ndi mina bekyuli lɛlɔ ɔnune na adubɔsɔ adi lɛga na mina bekyuli lɛlɔ.

Yesaia 2:3

Bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti Katɔti kɔbi lili na Yakob Katɔti kakpakɔ, na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala, na bunu Unwoti litemi bɔsiku Yerusalem.