Yesaia 1:15 - Katɔti Ɔku Kedee

¹⁵ Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Yesaia 1:15 Referans Kwoze

Mika 3:4

Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.

Agba 1:28

“Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Sakaria 7:13

“Na lɛ́su nnini, ‘Uwi ɔni na lɛ́kpali-mii límene ni, bina akɔ ɔdi biala útenu-mi litemi. Anwuɔsu ami lɛnɔ lɛɛɛdubo bina litemi bunu.

Yeremia 14:12

Bakana na bakɛ bataavi ku kɔka na bakyula akpala bayala-mi kaƒɔ na beti edula akpala babagya-mi enu. Nsu si béwulo bákpali-mi ni, lɛɛɛdubo-ma bɔkpete na lɛɛɛdubo-ma akpala ammɔ lɛnɔ bɔƒɔ. Mmomu ndubɔya na kekpo ku kɔka ku lɛlɛ lidu libadu-ma na lɛyila-ma udu ƒui.”

Kɔgya 66:18

Na si likpidi nkya-mi kayi iye kasusu kemmo ni, nka Unwoti útakpete-mi.

Baga 1 8:22

Ɔmmɔ kama, na bekyuli bammɔ ƒui anumi ni, Salomo úsie úténye lɛkpabi lɛmmɔ anumi na ɔ́talaku enu katɔ,

Yesaia 58:7

Na bile bina adila bite ukyuli biala na kɔka kɔɔda. Na bɛya na bawabane ku bani neeebo kuduokɔ bakɛ kuduokɔ bina kudɔ na bakɛ kɔtɛnkɔ. Na bani mɔɔyaki adala lɛnɔ na bite-ma adala na babɛ kɔyɔ. Na bilénwini kama bilakya bina lɛlɔ bekyuli.

Kɔgya 55:1

Katɔti, buvele se atu na enu mina bɔkpali. Na teni ala ani muuvele-ɔ.

Hiob 27:20

Ɔgbankpi ɔdubɔsiaku-ma aani kalɛ na ketu keeƒie ukyuli, iye ɔƒɛƒɛɛ kpakplaa uukpó teeti ala taatɔlɔku usien.

Baga 1 8:54

Uwi ɔni na Salomo ɔ́wɔlɔ Katɔti bɔkpali bɔmɛni ku bekyuli evelela ani na ɔ́da ɔ́va Unwoti anumi ƒui ni, ɔ́ta únye na Unwoti lɛkpabi anumi na kesii kani na ɔ́lɛ akɔnkɔ na ɔ́talaku enu katɔ ɔ́tina kayaa

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Mateo 6:7

“Na si bɛɛkpali katɔ ni, bitasu etemila keeke bitasia kama aani kalɛ na ama bani naaadi baƒɔtaadine baabla. Ama baakali banii bana butemi pii bɔdubɔya na bakɛ lɛla lɛni na baawia.

Timoteo 1 2:8

Na baƒɔtaadine kasalakɔ biala ni, mɔɔwia ka banana bataakpali katɔ ku kayi kedee kalɛ na si Katɔti ɔɔnu bina enu katɔ ni, na ɔti ka bɛ́da lɛlɔ bídie likpidi kemmo. Na kɔnyi iye unyeƒi ɔdi uuubo-mii akɔ.

Yesaia 8:17

Ndubunye ntaanu mina Unwoti anumi, ɔni nábɛla nwuna anumi ɔ́siku Yakob kaduli bebi kudɔ. Ndubuti mina anu ƒui lɛsia Katɔti lɛlɔ.

Kɔgya 134:2

bɛkɔliku bina enu katɔ na nwuna kakpakɔ na bimwi Unwoti Katɔti.

Esra 9:5

Uwi ɔni na useyi akpala bɔbla uwi údu ni, lɛ́ta na kesii kani na lɛ́yu líwi mmɔ. Nsu na mmu nkya lɛwu lɛni nábuɛ mmɔ. Na lɛ́lɛ akɔnkɔ na lɛ́talaku mina enu katɔ na lɛ́kpali Unwoti Katɔti.

Yohane 9:31

Bɔgyi ka Katɔti ulenu alaekpidi bablane katɔ bɔkpali. Na bekyuli babuni bani mɔɔbu-nwu na baabla nwuna lɛƒɔyɔ mmomu katɔ bɔkpali na uunú.

Israelƒuɔ Bɔlɛ 9:29

Amu na Mose ɔ́su Ƒarao ɔnini, “Si lɛ́nya lɛ́lɛ ɔma ubendi ɔmɛni kemmo ni, ndubɔkɔliku enu katɔ na livele Unwoti na etubankɛ ku katɔ budu bɔmmɔ ƒui kenye kawɔ, na anu ati ka Unwoti nédie kayawi na anwu mbo-ka.

Hiob 35:13

Kekeeke na beenye taakpali Katɔti, ɔsika ɔɔɔdubo-ma bɔkpete ku bana kenyekplu etemila ammɔ.

Yesaia 4:4

Na Unwoti ɔdubɔkpila Yerusalem beleku bammɔ ƒui sɛɛn na bana ekpidi ɔsu. Na udie ubugya ɔni na ɔ́dɔli Yerusalem ƒui na nwuna lɛlɔ, ku kɔyu kɔni mɔɔtɛ litemi siin na kuse aani ogya ɔni mɔɔkyula ala.

Yesaia 45:15

Awɔ ɔni mɔɔƒɔ́ Israelƒuɔ ngba ni, sɔsɔ na ɔdi ka adi Katɔti ɔni mɔɔbɛla lɛlɔ.

Yesaia 58:4

Bɛɛkɛ́ ku kɔnyi muedi na binye kagyumana ka bikpo. Nsu utabla-mii dɛye dɛye, ɔsika Unwoti ulakana na wenu-mii bɔkpali na ɔbladu ɔmɛni kemmo!

Yesaia 64:7

Ukyuli ndi ukyuli ɔsɔ ulákpali-ɔ lɛnyi iye unye kpakplaa ute-ɔ, ɔsika ábɛla-bu ƒula anumi. Na bubie kani náƒɔ-bu keliela ƒui na bɔɔyii udu na bula alaekpidi ammɔ ɔsu.

Yeremia 4:31

Muunú aani si ukyuli muudumo ku keku. Uleku ɔdi ntɛ kɔkwalawɔ? Oowo, Yerusalem na ɔdi mɔɔnwuna taanɔ na ɔtɛ uuvele ka banu-nwu kɔnyana na ɔɔsu ɔnini, “Bukpi na nda! Bádu-mi.”

Yeremia 11:11

Ndubo bɔya na Yuda ku Yerusalem kadi bekyuli bebo abi geen ɔni na ɔdi ulakana na wekeli lɛbibo lɛmmɔ. Lɛla lɛni na lɛ́lɛ ugyii ɔƒɛni na lɛdi mmɔ. Na badubuvele-mi banii mbunku-ma, nsu lɛɛɛdubo bunu bute-ma.

Esekiel 11:6

Bɛ́ɛdu bekyuli pii ɔni na bekpine báƒɔ ɔma unengudi ɔmmɔ ƒui!

Esekiel 14:3

“Esekiel, ɔyawine ubi, bekyuli bamɛni béese kalɔ baakpá baƒiɔ ina ka bagyi nwaa ka ɔmmɔ adubɔya na beduo ekpidi pii bamba bɔbla kemmo. Anwuɔsu líni nnii lɛɛɛdubo-ma kenye kadi bɔkya!

Esekiel 39:23

Na baƒɔ lɛnɔ badubɔnu bati ka bunye na bénye Israelƒuɔ lɛlɔ na bábɔku-ma bálɛku bana kalɔ lɛlɔ ka bábla ekpidi báƒiɔ-mi ɔsu. Línwini kama lɛ́kya-ma na bana bekisine békpoku-ma na bádu-ma.

Hosea 5:6

Na badubuti bana bebuo lidu lidu bada na babawia ami bana Katɔti ulu, nsu balanu-mi, ɔsika línwini kama lɛ́kya-ma.

Agba 6:17

ɔnusɛ ukpidi ukyuli bɔnu, ku unyemi ɔni mɔɔnyi ɔkɔ, ku enu ani mɔɔta pla pla taadu bekyuli bani nátabla lɛla lɛdi,