Yesaia 1:13 - Katɔti Ɔku Kedee

¹³ Bɛsɔ biteboku-mi akpala ani neeebo kɔsia kɔdi! Bina oloƒui ɔni bɛɛkyula ƒui uusé-mi. Na bina emeyi buni ani bɛɛdi ƒui átamanku-mi. Kɔbuli kɔwɔdi bɔlɛ ku lɛnwunameyi ku emeyi aƒunadi ani na biilie kɔka ku bina emeyi buni ani bɛɛsála lɛlɔ taadi ƒui adi likpidi ku ɔkɔ ala sɔɔn. Nsɔ naaawia-mii naaablaku lɛla lɛdi.

Yesaia 1:13 Referans Kwoze

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Mateo 15:9

Keeke kani na baabla-mi kabla. Baatina kayawi lɛlɔ ala aani si mina ɔda bubo bɔdi.’ ”

Esekiel 20:39

“Amii Israelƒuɔ bɛsɔ binye bina baƒiɔ bɔkpa lɛlɔ kani, ɔsika lɛɛɛdubo bɔya na binye biteedie-mi lɛlɔ ɔbu na biteeti etela teete baƒiɔ bammɔ lɛni, ɔsika biiibo lɛla bamba lɛdi na bɛƒuna bite lɛlɔ utulo ka binu-mi litemi!

Luka 11:42

“Bɔbuɛ muute amii Ƒarisiƒuɔ! Biiti bina edula lɛkpa leevudi ku kevoma kutu akyala ƒɛƒɛɛ aani evete lidu lidu teete Katɔti. Nsu biiní ka utalɛka bɛnu bekyuli anumi bɛbla ala, na bilayɔ Katɔti lɛnɔ. Amɛni na ɔdi ka bɛbla bibunku ala ani na bɛdaku, na ɔɔɔdi ka bɛda ɔdi bise.

Yoel 2:15

Vwi kakpɛɛ na Sion! Na alɔ bekyuli bammɔ ƒui na bɛsa bɔsa kedee na mina lɛnyi lɛlɔ bɛtina kalɛ na biiwulo kɔnyana na bina kenye kani na biinyimi kemmo.

Kɔnyana Buwulo 2:6

Ɔ́ya na bábwɛ Katɔti kakpakɔ kammɔ béwi kalɔ aani kalɛ na kevoma kemo ɔban ɔɔbwɛ teewi kalɔ. Na úbile lɛla biala na kesii kani na uubo taabasiaku-bu mmɔ. Na ɔ́ya na bɔ́da emeyi buni ku Lɛnwunameyi bɔdi bɔ́ya na Sion ɔma kemmo. Ɔkɛnku nwuna kɔnyi kpakplaa kɔmmɔ ɔsu ni, úni bula baga ku bakpane ƒui.

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Korintoƒuɔ 1 11:17

Nsu na ala ani ndubo bɔtina mɛni kemmo ni, ɔɔɔdi bumwi na nda-mii. Ɔsika si uwi ɔni na bíbasala ni, ɔɔɔdi lɛbuni mɔɔlɛ́ taasiku bina bɔsa bɔmmɔ kemmo. Mmomu ala muubie teebu.

Yoel 1:14

Bɛlɔ benengu bammɔ ku bekyuli bani ƒui nkya kalɔ kammɔ lɛlɔ na bɛsa bɔsa kedee na mina lɛnyi lɛlɔ na Unwoti kakpakɔ na ete-ma bɔti na benyimi kenye ku lɛlɔ kalɔ buboku ku lɛlɔ bɔti bɔda sɛɛn. Na bewulo bakpali Unwoti bevele-nwu.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Kɔgya 78:40

Bekyuli bamɛni báta bénye-nwu lɛlɔ kɔlɛ kɔlɛ na kalɔ kakwiidi kemmo mmɔ, na báya na kayi kaakpulu-nwu geen.

Ala Alɛdi 1 23:31

Na Lɛnwunameyi biala lɛlɔ lɛnɔ si bábla akpala bɔkyula béte Unwoti ni, ɔdi ka bagya Unwoti enu na bedie lɛnu bemwi-nwu. Na lɛni kani ɔdubuse na kɔbuli kɔwɔdi bɔlɛ kemmo ku emeyi buni biala bɔdi kemmo lɛnɔ. Anwuɔsu ɔlɛka Lewiƒuɔ bammɔ bemomo na kakpakɔ mmɔ uwi biala kalɛ na ala ani ƒui na ɔdi ka babla ni, banu ka bábla-nya lɛni kani.

Israelƒuɔ Bɔlɛ 12:16

Na limeyi lideedi ku maatɛdi ni, bɛsa bɔsa kedee na mina lɛnyi lɛlɔ. Na ukyuli biala utabla kabla kadi emeyi ammɔ kemmo. Nsu bibo kuƒi ka bɛnwa adila bɛdi. Ɔmɛni kani na ɔlɛka bɛbla.

Ƒilipiƒuɔ 1:15

Na ɔdi sɔsɔ ka badi baasu Kristo litemi lɛmmɔ ɔsika beekpó kogyulo na baawia lɛnyi ɔsu. Nsu badi ama baasu-ni taasiku kasusu kabuni kemmo.

Bumomo Bɔka 10:2

“Tu sika ɔƒualadi na eti avɔ kɔkpɛɛ inyɔ, na eteeti-ku taalɔ Israelƒuɔ taasala ku kati bute uwi ɔni na bata bana keliekɔ bayu ulu.

Yesaia 66:23

Na lɛla lɛni na ami Unwoti mɔɔyá na bɛti ni, limeyi lideedi biala na kɔbuli kemmo ku lɛnwunameyi biala lɛlɔ ni, ɔdi biala ubo na ubakya-mi lili kalɔ.

Hosea 2:11

Na ndubukulo Israel emeyi buni bɔdi kenye. Kɔbuli kɔwɔdi bɔlɛ o-o, Lɛnwunameyi o-o, ku emeyi buni abambadi ƒui kenye kadubo buklo.

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Baga 2 4:23

Amu na ɔgyani úye-nwu ɔnini, “Bi ɔsu na ɔmwi ɔmɛni na aayɔ́ ka esie-nwu kudɔ ka ɔmwi ɔɔɔdi kɔbuli kɔwɔdi iye Lɛnwunameyi.” Amu na uleku ɔmmɔ údie kenye ɔnini, “Awɔ ya na nteesie lɛni.”

Agba 7:14

“Lɛ́bla mina unwi bɔbla akpala. Na ɔmwi lɛ́wɔlɔ lɛla biala ɔkɛnku kenye kani na líse lɛlɔ.