Yesaia 1:11 - Katɔti Ɔku Kedee

¹¹ Unwoti ɔnini, “Bina akpala pii ani na biiboku-mi alaƒɔ-mi anu. Límo-nya na aaba-mi ɔkwɛ! Bi mɔɔka-nya? Na bina baƒonu ku bebuo bamba ƒui lɛmwi ni, naaawia-ni naaanu. Bina ɔmantɛ bakɔ ku baƒonu ku bese bammɔ ubugya uusé-mi lɛlɔ na naaawia-nwu naaanu.

Yesaia 1:11 Referans Kwoze

Amos 5:21

“Ami Unwoti nkisi na líni bina emeyi bɔdi ku bina bɔkpa bumodi bɔmmɔ ƒui.

Samuel 1 15:22

Nsu Samuel údie kenye ɔnini, “Akpala na Unwoti ɔɔwia ɔnii bakyula bete-nwu, munuu nwuna litemi lɛlɔ na ɔɔwia ka bekyuli badi? Si eenú-nwu litemi na aadi-ni lɛlɔ ni, ɔdia utulo ka eti akpala iye baƒonu lɛmwi akpa ete-nwu.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Mika 6:7

Baƒonu mpim mpim ndubɔda-a kubiti? Munuu nnɔmii ƒɛƒɛɛ na muuti liboku na butaagba aani ketu na ɔdubɔƒɔ-ɔ anu? Munuu mina ubi ɔnanabi udeedi na ndubuti lɛkpa-a na mina ekpidi bonwu lili na ɔƒɔ-ɔ anu?”

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Kɔgya 50:8

Naaadɔnku-mii na bina etela ku akpala ani bɛɛkyula uwi ndi uwi na mina anumi ɔsu.

Agba 21:27

Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

Mateo 9:13

Bitáwia lɛla lɛni nkya Bunweni Kedee Ɔku kemmo kalɔ binu ka ni, ‘Lɛƒɔndia na Katɔti ɔɔwia, na ɔɔɔdi bebuo buti taakpa.’ Ńtebo nnii mbawia bekyuli babuni, mmomu bekyuli bekpidi ɔsu na líbo.”

Kɔgya 51:16

Ɔsika ɔɔɔdi akpala na aawia nka ndubuti adi liboku-ɔ. Na ala ani bɔɔkyula teete-ɔ lɛnɔ alaƒɔ-ɔ anu.

Yeremia 7:21

Unwoti ɔ́su-mi ɔnii ntásu Yudaƒuɔ ɔnini, “Ami ndi Unwoti Ɔyikune Ƒui, Israel Katɔti, nsu lɛɛɛdubo akpala adi bɔƒɔ bɔsiku-mii kudɔ. Anwuɔsu bitekpoku lɛlɔ muedi bɛnii biiti adi biboku-mi. Amii alati biƒulo bina lɛna bɛkun.

Mateo 22:4

“Anwuɔsu ɔ́tala kabla bablane babambadi ɔnii batásu bekyuli bammɔ banii, ‘Limeyi lɛni bɔdubo bɔdi lídu! Bɔ́ɔdu bebuo bani ƒui na bɔdubuti bútaanu-mii kama. Na báaklibi lɛla biala bése. Anwuɔsu biteebo uleku ketikɔ!’

Bumomo Bɔka 7:45

na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

Kɔgya 40:6

Akpala ku etela alaƒɔ-ɔ anu. Na aláwia anii bekyuli beboku akpala ani bákyula ku ekpidi lili buvele akpala. Mmomu anii nse atu na linu ƒula litemi.

Agba 21:3

Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

Yesaia 58:2

Baakɔ́ taayu limeyi ndi limeyi banii ami na baasiaku. Na beekpóku lɛlɔ aani si mina litemi na baawia batɛya. Na baatina lɛlɔ aani kadi bani bekyuli mɔɔwia ka babla lɛbuni na baadi mina ɔda bubo lɛlɔ. Baawia ka lɛni lide-ma suɛlɛ suɛlɛ na lɛtɛ litemi na ulu lɛlɔ siin lite-ma, na baasu ka lɛlɔ lɛɛyɔ́-ma ka bataasiaku-mi.

Hosea 6:6

Kɔnyana bɔnu na mɔɔwia, na ɔɔɔdi bebuo buti taakpa. Na bekyuli banu-mi bati utulo bebuo buti taakpa.

Amos 5:22

Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Hagai 2:14

Mmɔ na Unwoti ɔ́su Hagai ɔnii ɔsu bekyuli bammɔ ɔnini, “Lɛni geen na kadi bekyuli bamɛni ƒui bese ɔƒaani. Na lɛla biala na bɛɛbla ku akpala biala na bɛɛbla ni, eesé-mi lɛlɔ na naaaƒɔ-nya.

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Amos 4:5

“Amii biti bina etela lidu bitátina na bitaakun lɛmɛnɛ ɔsika ɔmmɔ udu kani na bɛgyi na bɛɛyɔ́ ka bitaabla. Ami Unwoti násu!