Yakobo 5:9 - Katɔti Ɔku Kedee

⁹ Banwa, bitadɔnku lɛlɔ, kalɛ na Katɔti lɛnɔ ulatɛku-mii litemi. Ɔsika Litemi Ɔtɛne ɔmmɔ úude na ɔ́ɔklibi lɛlɔ ka ɔda ɔlɛ.

Yakobo 5:9 Referans Kwoze

Lewiƒuɔ Ɔda Bubo 19:18

“ ‘Tedie likpidi kasi iye ukyuli litemi litakya-a kayi kemmo ku kɔnyi. Mmomu yɔ ƒula ukyulikpana aani ƒula kalɛ.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Yakobo 4:11

Banwa, bitalɔ lɛlɔ anyikpi. Si ɔdi ɔ́bla lɛni iye ɔ́tɛku ɔnwani ɔdi litemi ni, na ulábu ɔda bubo bɔmmɔ na ɔ́ta únye-mu lɛlɔ lɛnɔ. Si bɛ́ta bínye ɔda bubo bɔmmɔ lɛlɔ ni, na ɔɔtina ka bɛ́da ɔda bubo bɔmmɔ lɛlɔ bɔdi bɛ́ya. Na bínwini bɛɛtɛku ɔda bubo bɔmmɔ litemi.

Mateo 24:33

Lɛni kani na si bɛnu ala amɛni ƒui ni, bɛti ka uwi ɔni na Ukyuli Ɔƒunadi ɔmmɔ ubo úude, na unye kayakun.

Petro 1 4:9

Bɛbla lɛƒɔ bite bina bakpana na bɛƒɔ-ma na beduo-mii kudɔ ƒaa na bitakyaku-ma unyeƒi.

Ala Kalɔ Buse 4:7

Si ábla lɛla lɛni na mɔɔyɔ́ ni, nka ƒula kayi kemmo kadubɔbla ƒaa. Nsu likpidi lɛɛtú-ɔ na lɛɛyɔ́ ka lɛdi-ɔ lɛlɔ. Anwuɔsu nye kagyumana na adi likpidi lɛmmɔ lɛlɔ.”

Galatiƒuɔ 5:26

Na bitaya na bɔtalaku lɛlɔ katɔ iye butaakya lɛlɔ kɔnyi iye buteekpoku lɛlɔ kogyulo.

Petro 1 4:5

Nsu badubudie lɛlɔ kenye na Katɔti ɔni ndubɔtɛku ngba beliene ku bekpine ƒui litemi anumi na ala ammɔ lɛlɔ.

Galatiƒuɔ 5:14

Na ɔda bubo bɔmmɔ ƒui kalɔ budie bɔdanku lɛla linwi pɛ. Na ani ndi ka, “Yɔ ƒula ukyulikpana aani ƒula lɛlɔ kalɛ.”

Korintoƒuɔ 1 10:11

Ala amɛni ƒui álɛku-ma kalɛ na abu bɔnu bɔtɛya. Na bénweni-nya bése kalɛ na buti-nya bɔlɛ lɛlɔ. Ɔsika bula uwi ɔni kemmo na bɔkya mɛni ni, úudu kawɔlɔkɔ.

Marko 13:29

Lɛni kani si uwi ɔni na bɛ́nu ka ala ani na lɛ́su mɛni adaku bɔlɛ ni, na bɛdubɔti ka kawɔlɔkɔ kamɛni kéedu na kéebo kénye bina kegbuta kama geen!

Korintoƒuɔ 2 9:7

Bina akɔ ɔdi biala ute lɛla lɛni na anwu ɔlati ɔ́lɛ ugyii ka wete ku lɛlɔyɔ. Na utabla aani si ukyuli ɔdi nnye-nwu lɛlɔ asa na uute. Ɔsika Katɔti ɔɔyɔ́ ukyuli ɔni muute ala ku kaƒɔ ƒaa.

Marko 6:19

Anwuɔsu Yohane lɛlɔ litemi líteekpoku Herodia, na uukisi-nwu. Na ɔ́wia ka ɔdu-nwu.

Kɔgya 59:15

Baawia lɛla lɛni na badi. Na si bátakɛ lɛla lɛdi ni, livo liiƒí-ma na beesié taatátɛ ku kɔka na beebó adi.

Budie Taatina 3:20

Binu! Nnye kayakun muubó kɔnu. Na si ukyuli ɔdi únu-mi lɛdi na ɔ́lɛmi úte-mi ni, ndubuduo-nwu kudɔ na ami ku-nwu bɔsala bɔdi.

Esekiel 7:12

Uwi ɔdubo ɔni na ukyuli biala ɔdubo udu bɔyii. Na liyedi teete lɛlɔ kenye kadubo buklo.

Yakobo 4:12

Katɔti muute-bu ɔda bubo bɔmɛni, na anwu kani ndi Litemi Ɔtɛne ɔmmɔ. Anwu kani ndubɔkana na ɔƒɔ-bu ngba. Na anwu kani ndubɔkana na ɔyila-mu. Anwuɔsu buuubo kuƒi ka bɔtɛku bula banwani litemi.

Yakobo 5:7

Banwa, kalɛ na umonsene ɔɔkɛ́ kayi teete kaƒendi ɔnantu ku ketudi ɔnantu ute nwuna edula ani na ɔ́va bɔdia ɔsu ni, lɛni kani na ɔlɛka bɛkɛ kayi utédu uwi ɔni na Blɔti wasɔ webo.

Yakobo 5:10

Mina banwa, bɛnu Katɔti kenye bediene bani násu Katɔti litemi buni ku kalɛ bákɛ kayi na bénye bébo abi biala. Bɛnu-ma bɛtɛya.