Yakobo 5:6 - Katɔti Ɔku Kedee

⁶ Bɛ́du bekyuli bani na bátaƒiɔ-mii kɔtɔ. Na bɛ́du-ma ina ka bátata bétenye-mii lɛlɔ.

Yakobo 5:6 Referans Kwoze

Yakobo 4:2

Bɛɛwia kayawi ala, nsu bilakɛ-nya. Anwuɔsu na bɛɛdú lɛlɔ. Anumi eegyie-mii na ana lɛlɔ geen, nsu bilakɛ-nya. Anwuɔsu bɛɛdɔ na biikpóku lɛlɔ. Bɛɛwia-nya nsu kɔnu kuletuku-mii, ɔsika bilévele Katɔti na ute-mii.

Batalane Kabla 8:32

Na etemila ani na ɔkya ɔɔká na Bunweni Kedee Ɔku kemmo ndi ɔnii, “Báda-nwu béselaku aani koƒonu kɔni béti batádu. Na ɔkɛ aani koƒonu kɔni naaadaku-ni si beekúlo-ku linwini, na útebimi kenye lɛnɔ.

Mateo 5:39

Nsu ɔƒɛni ni, ami mɔɔsu-mii nnini, bitedie bina bakpana ekpidi ani na bábla-mii kasi. Si ukyuli ɔdi ɔ́ƒiɛmi-ɔ kɔdianu ɔtugya ni, nwini kɔmii ɔdi lɛnɔ te-nwu.

Yesaia 53:7

Bekyuli bédumi-nwu na básupa-nwu ɔni na nka ɔɔɔdi anwu na babla lɛni, nsu útakpete na ɔsu lɛla lɛdi. Mmomu úbile kenye kpoo na bada-nwu béselaku aani koƒonu kɔni béti batádu. Na ɔkɛ aani koƒonu kɔni naaadaku-ni si beekúlo-nwu linwini na útebimi kenye.

Hebriƒuɔ 10:38

Mina bekyuli bani mɔɔsiaku-mi kama siin ni, badubulie ngba na bana bɔƒɔtaadi kemmo. Nsu bani menwini kama makya-mi ni, lɛlɔ liláyɔ-mi na bana lɛlɔ.”

Batalane Kabla 22:14

Amu na ɔ́su-mi ɔnini, ‘Bula bati kuuku Katɔti náƒuna-a kalɛ na anu nwuna lɛyɔla ati, na anu nwuna Ukyuli Ɔƒunadi Kedee ɔmmɔ lɛnɔ ati, na eteenu-nwu lɛdi.

Yakobo 2:6

Nsu bilábu bawabane. Na balakɛne bamɛni mɔɔdi-mii lɛlɔ. Na beeti-mii teesienku litemi katɛkɔ.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Mateo 27:20

Na bakpane benengu ku ɔma benengu bammɔ bébile bekyuli lisu lɛmmɔ atu ka beye Pilato na ɔnyonu Baraba na badu Yesu.

Mateo 21:38

“Nsu uwi ɔni na lɛlɔ banune bamɛni bánu ubidi ɔmɛni ni, básu lɛlɔ banini, ‘Aanu kemo ɔlati ubidi ɔni ndi nwuna ala ɔdine. Bɛya na bɔdu-nwu na buƒie nwuna ala bɔƒɔ.’

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.

Petro 1 4:18

Bénweni na Bunweni Kedee Ɔku kemmo banii, “Si ɔdubɔyu bekyuli babuni muedi ɔkplu geen asa na Katɔti waƒɔ-ma ni, bi malɛku ala ekpidi bablane ama?”