Yakobo 4:7 - Katɔti Ɔku Kedee

⁷ Anwuɔsu biboku lɛlɔ kalɔ bite Katɔti. Bitatunaku ukisine ɔmmɔ, na ɔdubukeli-mii kudɔ.

Yakobo 4:7 Referans Kwoze

Eƒesoƒuɔ 4:27

Bitete ukisine ɔmmɔ kuƒi.

Petro 1 5:6

Anwuɔsu bɛya na Katɔti ɔyikun utaadi-mii lɛlɔ. Na watalaku-mii katɔ na uwi ɔni lɛlɔ na ɔɔyɔ́.

Hebriƒuɔ 12:9

Ɔmɛni kama bubo bati bani náwɔ-bu na kalɔ kamɛni lɛlɔ na baaní-bu kɔtu na bɔɔbu-ma lɛnɔ na ɔmɛni ɔsu. Anwuɔsu ɔlɛka buboku lɛlɔ kalɔ bute Katɔti ɔni ndi bula kɔyu kemmo Ɔti kalɛ na bulie ngba.

Romaƒuɔ 10:3

Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Kɔgya 66:3

Bɛsu Katɔti bɛnini, “Ƒula ablala adi akɔla budie taatina. Na ƒula ɔyikun bonwu ɔni na ebo ɔsu ni, ƒula bekisine béboku lɛlɔ kalɔ béte-ɔ ku bɔyia.

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Ala Alɛdi 2 30:8

Na bitabla atuɔkplu aani bina bati kuuku bammɔ. Bɛlɛ ugyii geen ɔƒɛni ka bɛdubɔdi Unwoti bula Katɔti litemi lɛlɔ! Bibo Yerusalem na bibadi limeyi na bɛkpa-nwu na nwuna kakpakɔ kani ndubɔdi nwuna kadi uwi ƒui na ɔdubɔda kɔnyi buti bɔkya-bu ɔya.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Eƒesoƒuɔ 5:21

Na biboku lɛlɔ kalɔ bite bina lɛlɔ na kalɛ na bɛɛbu Kristo ɔsu.

Petro 1 2:13

Unwoti ɔni na biimwi ɔsu ni, biboku lɛlɔ kalɔ bite bina lɛlɔ badine ƒui ku Roma aban ɔgadine unengu na kalɔ kammɔ lɛlɔ

Samuel 2 15:26

Nsu si ɔ́su ɔnini, ‘Ƒula ala asɔ alada-mi kubiti’ ni, na nnye kágyumana ka ɔbla-mi kalɛ biala na ɔɔyɔ́.”

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Kɔgya 68:30

Bɔku bula bekisine bani nse aani beƒiebuo na ketudɔ alakpi akɔ. Bese aani bakɔ ku bebi. Bɔku-ma tédu ka béboku lɛlɔ kalɔ na béti bana sika ɔƒualadi béboku-ɔ. Na egyingya bekyuli bani na kekpo ogya kani na beli baakya.

Samuel 1 3:18

Ɔmmɔ ɔsu Samuel ɔ́sɔku lɛla biala ɔ́su Eli na útabɛla-nwu lɛla lɛdi. Amu na Eli údie kenye ɔnini, “Anwu ndi bula Unwoti, anwuɔsu buuubo lɛla lɛdi na bɔsu, mmomu ɔbla nwuna lɛyɔla lɛni na ɔ́nu ka lɛdia na lɛ́manku.”

Yeremia 13:18

Unwoti ɔnii nsu-mii ka ɔga ɔmmɔ ku uni ƒui badubɔta bana kuliekɔ na bebimi bana kɔgabwa.

Romaƒuɔ 14:11

Ɔsika bénweni banii, “Blɔti ɔnini, ‘Ka lɛnya nli ngba mɛni ni, mɔɔsu-mii kpakplaa ka ɔdi biala ɔdubɔlɛ-mi akɔnkɔ kalɔ. Na ukyuli biala ɔdubɔkɔliku Katɔti lɛnyi katɔ.’ ”

Batalane Kabla 26:19

“Anwuɔsu ni, Ati Agripa, ńtada atu ńtedie budie bɔtina bɔni na lɛ́nu lɛ́siku katɔ mmɔ lɛlɔ!

Batalane Kabla 9:6

Ɔƒaani ni, ta na eteesie ɔma kemmo. Badubɔsu-ɔ lɛla lɛni na ɔlɛka abla.”

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Eƒesoƒuɔ 6:13

Ɔmɛni ɔsu ni, bɛkya Katɔti adala ani mɔɔgyumana lɛlɔ mmɔ ƒui, kalɛ na bɛkana na binye kpakplaa na limeyi lɛni na likpidi lɛdi lɛdubɔsiaku-mii lɛlɔ. Na ɔmmɔ kama ni, binye kpakplaa uwi ƒui.