Yakobo 4:10 - Katɔti Ɔku Kedee

¹⁰ Biboku lɛlɔ kalɔ bite Blɔti, na ɔdubɔtalaku-mii katɔ.

Yakobo 4:10 Referans Kwoze

Kɔgya 147:6

Unwoti Katɔti ɔɔkɔliku bekyuli bani muubo-ku lɛlɔ kalɔ katɔ. Na bekyuli bani mɔɔkɔliku lɛlɔ katɔ ni, uuboku-ma kalɔ.

Mateo 23:12

Na ukyuli ɔni na ɔɔtalaku lɛlɔ katɔ ni, Katɔti ɔdubɔyula-nwu kalɔ. Na ukyuli ɔni muuboku lɛlɔ kalɔ ni, Katɔti ɔdubɔtalaku-nwu katɔ.

Petro 1 5:6

Anwuɔsu bɛya na Katɔti ɔyikun utaadi-mii lɛlɔ. Na watalaku-mii katɔ na uwi ɔni lɛlɔ na ɔɔyɔ́.

Luka 14:11

Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Hiob 22:29

Lɛlɔ katɔ bɔkɔliku ɔsu na Katɔti uuboku ukyuli kalɔ. Na anwu Katɔti ɔmmɔ kani mɔɔkɔliku ukyuli katɔ si úboku lɛlɔ kalɔ na ɔ́kpali-nwu.

Kɔgya 113:7

Anwu mɔɔda bawabane teedie bana kɔwaba kemmo. Na bani mɔɔyaki ala ƒui ɔɔda-ma teedie bana ala kevelekɔ.

Luka 1:52

Úboku baga benengudi ƒui kalɔ, na ɔ́kɔliku bani néboku lɛlɔ kalɔ katɔ.

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Kɔgya 27:6

Na ka ɔ́ya na lɛ́di mina bekisine bani náka báma-mi lɛlɔ ɔsu ni, ndubuti mina akpala liboku-nwu na libo kudu ku lɛlɔyɔ na lidie lɛnu limwi-nwu.

Kɔgya 30:1

O mina Unwoti, muubó-ɔ kudu na mɔɔkɔliku-ɔ lɛnyi katɔ, ɔsika awɔ nédie-mi na átaya na mina bekisine badi-mi lɛlɔ na bakɛ ebiti.

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.

Kɔgya 28:9

Unwoti, gyumana bekyuli bani na áƒuna na badi awɔ badi na eete-ma kusɛ kusɛ na ada-ma aani kalɛ na baƒonu ɔdane ɔɔda nwuna baƒonu ɔ́si ɔƒɛni úsela uwi ƒui.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Samuel 1 2:7

Unwoti muute lɛkɛ. Na anwu kani mɔɔyá kɔwaba kɔɔda ukyuli. Anwu mɔɔkɔliku ukyuli katɔ. Na anwu kani muuboku ukyuli kalɔ.

Ala Alɛdi 2 7:14

Si ami ɔlati mina kadi bekyuli badubo lɛlɔ kalɔ buboku na bakpali-mi bevele na benwini bebo-mi kudɔ na bada ekpidi bɔbla baya ni, ndubunu bana buvele na liti bana ekpidi lɛkyiɛ-ma na lɛya na kalɔ kammɔ kasɔ kataadia edula.

Hiob 5:11

Unwoti ɔɔtalaku bekyuli bani néboku lɛlɔ kalɔ katɔ na ɔɔyá lɛlɔ lɛɛyɔ́ bekyuli bani muuwulo kɔnyana.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Esekiel 21:26

Ami Unwoti Katɔti muudie lɛdi taakya-a ka edie ƒula ɔyikun lɛduni lɛni nda-a lɛlɔ ku ƒula kagabwa ƒui ese, ɔsika lɛla biala lɛdubo bɔvumana ɔ́si ɔƒɛni. Na bani ƒui na beeebo ɔyikun kenyekɔ kadi kuuku ni, ama ndubo kunyekɔ kɔmmɔ bunye ɔƒaamu. Na bani na nka baadi lɛlɔ mmɔ ni, badubo bekyuli keeke bani lɛlɔ neeebo kɔsia bunwini.