Yakobo 2:9 - Katɔti Ɔku Kedee

⁹ Nsu si anumi lɛlɔ na bɛɛnu taabla ala ni, na bɛɛbla likpidi. Na ɔda bubo bɔmmɔ bɔɔdú-mii kɔtɔ ka bɛdi alaekpidi bablane.

Yakobo 2:9 Referans Kwoze

Lewiƒuɔ Ɔda Bubo 19:15

“ ‘Bitatɛ litemi likpidi na bɛnya ɔwabane ɔdi bɛkya iye binye ɔlakɛne ɔdi kama mmomu bɛtɛ bina bakpana litemi ulu lɛlɔ.

Yohane 8:9

Ka benengu bammɔ bénu lɛni ni, bágyu bátɔlɔ unwi unwi ɔ́si unengudi lɛlɔ. Na báda Yesu ku uleku ɔmmɔ lɛti bényene bekyuli bammɔ ntɛ.

Yohane 1 3:4

Ukyuli biala mɔɔbla likpidi ni, ɔɔƒiɔ́ Katɔti ɔda bubo bɔmmɔ. Ɔsika likpidi ndi Katɔti ɔda bubo bɔƒiɔ.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Yohane 16:8

Na si úbo ni, ɔdubo ubedie ɔtina kayawi bekyuli ƒui nwaa ka baabla likpidi, na baaasiaku ulu siin ɔmmɔ lɛlɔ, na benye Katɔti anumi kalɛ na ɔtɛku-ma litemi.

Yohane 8:46

Bina akɔ ɔmani na madu-mi likpidi lɛdi kɔtɔ? Si mɔɔsu-mii litemi geen ni, bi ɔsu na bilaƒɔ-mi taadi.

Yuda 1:15

Bébo banii babatɛku bekyuli ƒui litemi. Na bekyuli bani ƒui na balábla Katɔti lɛƒɔyɔ ku ala ani ƒui na bábla ka baláyia Katɔti ɔsu ni, bátɛmi enyekpi na nwuna lɛlɔ. Anwuɔsu Katɔti ɔ́ni-ma kɔtu.”

Galatiƒuɔ 2:19

Mmomu nse aani ukyuli ɔni nélie ngba ɔkɛnku ɔda bubo bɔkukudi bɔmmɔ lɛlɔ na úkpi ɔsu ɔda bubo bɔmmɔ lɛnɔ búkpi kalɛ na lilie ngba lite Katɔti.

Korintoƒuɔ 1 14:24

Nsu si bina akɔ ɔdi biala uudie Katɔti litemi kenye na ukyuli keeke iye ukyuli ɔni nátaƒɔ útadi ɔdi úbo-mii akɔ ni, ɔdubɔnu nwuna likpidi ɔti ɔkɛnku lɛla lɛni na uunú ɔsu. Ala ani na uunú adubɔtina-nwu ka Katɔti ɔɔtɛku-nwu litemi.

Lɛkpa Ulu 1:17

Na ɔdi utanu anumi utatɛ litemi lɛdi. Mmomu batɛ-ni ulu lɛlɔ. Ɔlakɛne na ɔdi o-o, ɔwabane na ɔdi o-o ni, batayia ɔdi biala. Batɛku ɔdi biala litemi kalɛ kani na ɔ́manku-nwu. Na mɔɔsu-mii nnii kalɛ biala na litemi lɛmmɔ lise ni, Katɔti ɔdubute-ma kasusu na batɛ-ni ulu lɛlɔ. Na lɛ́su-ma ka si litemi bɔtɛ bɔdi bútulo-ma ni, beti litemi lɛmmɔ beboku-mi na lɛtɛ lite-ma.

Batalane Kabla 10:34

Amu na Petro ɔ́su-nwu ɔnini, “Lɛ́nu lɛ́ti nwaa ka Blɔti ulánu bekyuli anumi.