Yakobo 1:5 - Katɔti Ɔku Kedee

⁵ Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Yakobo 1:5 Referans Kwoze

Yohane 15:7

Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Ala Alɛdi 2 1:10

na aya na lɛda anu. Na ete-mi lɛlati lɛni námanku-mi aani ɔga kalɛ na meti mada ƒula kadi bekyuli bonwu bamɛni.”

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Yohane 14:13

Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.

Israelƒuɔ Bɔlɛ 31:3

Na lɛ́ya na mina kɔyu kɔ́ƒɔ-nwu lɛlɔ kemmo ƒui na líte-nwu lɛnunda ku lɛlati bonwu lɛni na ɔkana uti sika ugyiedi ku ɔƒualadi ku abuala egyiedi ɔvɔ ala lidu lidu. Na uti kugyii lɛnɔ ɔnwi ala lidu lidu.

Yakobo 5:16

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Israelƒuɔ Bɔlɛ 31:6

Na lɛ́ƒuna Oholiab ɔni nási Dan kaba kemmo lɛnɔ ka uteete-nwu kebunku. Na líti lɛnunda ku lɛlati lɛ́kya bekyuli bamba bani ndubɔbla lɛla biala aani kalɛ na líbo-ɔ ɔda.

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Ala Alɛdi 1 22:12

Ute-ɔ lɛnunda ku lɛlati kalɛ na adi Israelƒuɔ lɛlɔ asiaku nwuna ɔda bubo lɛlɔ.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Mateo 11:20

Na lɛma lɛni kemmo na Yesu ɔ́bla akɔla pii ni, bekyuli bammɔ bétenwini kama bátakya bana ekpidi. Anwuɔsu úse kalɔ na ɔɔdɔnku-ma.

Korintoƒuɔ 2 2:16

Bekyuli bani naaadubo bɔkɛ ngba bɔƒɔ ni, ɔnyi ɔmɛni ɔɔtina ka badubɔyii ku udu. Na bekyuli bani ndubɔkɛ ngba bɔƒɔ ama ni, ɔnyi ɔmɛni ɔɔtina ka badubɔkɛ ngba ƒui. Na ɔma geen ndubɔkana na ɔbla kabla kamɛni si ɔɔɔdi kuƒi na béte-ɔ?

Marko 16:14

Kukplodi ni, Yesu údie lɛlɔ ɔ́tina nwuna batɛyane leevu-unwi uwi ɔni na belie baadi. Nsu ɔ́dɔnku-ma ɔsika beeebo bɔƒɔtaadi, na bábla atu ɔkplu bágya, na bátaƒɔ bekyuli bani nánu-nwu ka ɔ́ta ɔ́sɔ úbo uli ngba bátadi.

Kɔgya 51:6

Nsu geen ni, aawia ka lɛsiaku litemi geen lɛmmɔ kama uwi biala. Anwuɔsu ti ƒula lɛnunda lɛni kemmo nágyu mmɔ te-mi.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.