Yakobo 1:4 - Katɔti Ɔku Kedee

⁴ Bɛya na kalɛ na binye kpakplaa mɛni usie anumi ubu na ɔlɛ-mii kɔsia ɔwɔlɔ. Na bɛbla baƒɔtaadine babuni bani na lɛbuni bɔbla bɔ́ƒɔ-ma lɛlɔ kemmo ƒui.

Yakobo 1:4 Referans Kwoze

Petro 1 5:10

Na si bíbo abi ammɔ uwi klukui ɔdi kama ni, Katɔti ɔni kaƒɔ ndia geen na ɔ́lɔ-mii ɔnii bibelie ngba ƒui na nwuna bukeye kemmo ɔkɛ Blɔti Yesu Kristo ɔsu ni, ɔsɔ ɔdubɔbla-mii kedee, na ute-mii ɔyikun, na bɛsɔ binye kpakplaa.

Luka 21:19

Binye kpakplaa, na bɛdubɔkɛ ngba bɔni nsɔ naaadubo bɔsa kudii.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Timoteo 2 3:17

Bénweni-nya kalɛ na ukyuli biala ɔni néti lɛlɔ úte Katɔti wamanku na ɔklibi-nwu ute ala abuni bɔbla.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Galatiƒuɔ 6:9

Bitaya na enu aƒɛ-bu ku lɛbuni bɔbla. Ɔsika si enu átaƒɛ-bu ni, uwi ɔdubo ɔni na bɔdubɔkɛ edula ani na bɔ́va ebi.

Kɔgya 40:1

Lɛ́kɛ kayi na nnye mɔɔnu mina Unwoti Katɔti anumi. Na únu-mi bɔkpali na únwini úbanu-mi.

Kɔgya 37:7

Kɛ bɔnwuna na Unwoti lɛlɔ na akɛ kayi na enye ataanu-nwu anumi. Kayi ketekpoku-ɔ na ala ani mɔɔtɛku ukyuli ɔdi ɔsu, iye ka ukyuli ukpidi kɔkwɛ kɔni na ɔɔkya kɔɔtɛ-nwu ɔsu.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Korintoƒuɔ 1 2:6

Nsu ni, mina kenye kani na mɔɔsu ni, kadanku bekyuli bani náda anu na béesie anumi na kɔyu kemmo ala kalɔ bunu kemmo. Na kaaadanku kayawi kamɛni kemmo lɛnunda iye bayikune bani mɔɔdi kayawi kamɛni lɛlɔ na baayii ku udu lɛlɔ.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Luka 8:15

Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.

Mateo 10:22

Ukyuli biala ɔdubukisi-mii na ami ɔsu. Nsu si bínye bina bɔƒɔtaadi kemmo kpakplaa bitédu kawɔlɔkɔ ni, Katɔti ɔdubɔƒɔ-mii ngba.

Hiob 17:9

Bekyuli bani nse siin beenye bana ala siin bɔbla lɛlɔ, na bana ɔyikun ɔɔkɔ́ katɔ teebu uwi biala.

Agba 4:8

Ya lɛnunda lɛ́ƒɔ-ɔ kuye geen na lɛdubɔkɔliku-ɔ katɔ. Kya-nwu kɔgbu na ɔbu ɔdubɔkya-a lɛlɔ.

Petro 2 1:9

Na si ɔdi ɔɔyaki ala amɛni adi ni, na ukyuli ɔmmɔ use aani ukyuli ɔni na ulánu ɔgyu. Na ɔ́yiƒala lɛnɔ ka Katɔti úti nwuna ekpidi ani na ɔ́ɔbla ƒui ɔ́kyiɛ-nwu.

Yohane 17:23

Ami nliku-ma, na awɔ eliku-mi. Ya na babla unwi bawɔlɔ kalɛ na kayawi bekyuli banu bati ka awɔ nátala-mi, na aayɔ́-ma kalɛ kani na aayɔ́-mi.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Marko 10:21

Yesu ɔ́nu-nwu ku bɔyɔ na ɔ́su-nwu ɔnini, “Lɛlakpa linwi kani nébu-ɔ bɔbla. Teesie na etéti ala ani na ebo ƒui eye na eti egulabi ammɔ ete bawabane, na adubunwini ɔlakɛne na katɔ. Ɔmɛni kama ni, na ebo abasiaku-mi kama ƒui!”

Mateo 19:20

Amu na okloƒu ɔmɛni údie kenye ɔnini, “Lɛ́ɛdi ɔmmɔ ƒui lɛlɔ. Bi lɛnɔ násɔ ébu na lɛbla?”

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.