Tito 3:9 - Katɔti Ɔku Kedee

⁹ Na takyaku ukyuli ɔdi kɔdɔlɔ unyeƒi. Tebile uwi tete kaba bekyuli bɔka bɔdi, tadɔ na ataakya Mose ɔda bubo etemila lɛlɔ unyeƒi ɔdi. Ala amɛni ƒui eeebo kɔsia kɔdi.

Tito 3:9 Referans Kwoze

Timoteo 2 2:14

Ya na beteenyimo ala amɛni na alɛ-ma kpakplaa na Katɔti anumi anii batataakya unyeƒi. Ɔsika kɔsia kɔdi kulálɛ ɔmmɔ kemmo. Mmomu ɔdubɔya na bekyuli bani muunú ala ammɔ bɔƒɔtaadi bɔyuɛ.

Timoteo 2 2:23

Da lɛlɔ mami kɔbɔ ala ku kɔdɔlɔ atɛ batɛmine lɛlɔ, ɔsika kadɔ na ala ammɔ udu eeboku.

Timoteo 1 4:7

Anwuɔsu da lɛlɔ mami kɔbɔ ala batɛmine ku atɛ keeke ani neeebo kɔsia lɛlɔ. Na ataatɛya Katɔti etemila na asiaku-nya kama kpakplaa, na elie ngba buni aani ɔƒɔtaadine kalɛ.

Timoteo 2 2:16

Die lɛlɔ na kɔbɔ ala ku kɔdɔlɔ atɛ bɔtɛmi kemmo. Ɔsika bekyuli bani na baabla ala amɛni udu ni, uudie bana kasusu na Katɔti kudɔ teesienku ɔgyu kakaaka.

Tito 1:14

Ɔmɛni ɔdubɔya na bada atu bedie Yudaƒuɔ atɛ anwidi ku bekyuli bani néni litemi geen lɛmmɔ ala bɔtina kudɔ.

Hiob 15:3

Etemila ani neeebo kalɔ kani na enye aaká.

Korintoƒuɔ 1 8:1

Na ɔƒɛni ni, mɔɔyɔ́ ka lɛsu-mii lɛla lɛdi na adila ani na béti bákpa na baƒiɔ abi lɛlɔ. Bɔɔsu bɔnii bula ƒui bubo lɛlati. Nsu bɔgyi lɛnɔ ka lɛlati lɛmɛni lɛɛyá na ukyuli uuƒu na ɔɔtina lɛlɔ. Nsu lɛla lɛni mɔɔkya-bu ogya ni, ani ndi si aayɔ́ bekyuli.

Korintoƒuɔ 1 13:2

Na si muudie Katɔti kenye na muunú abɛla ku lɛlati ƒui kalɔ, na mbo bɔƒɔtaadi bɔni na lɛkana na lɛ́gyu abi muedi na ana kenyekɔ nsu naaayɔ bekyuli ni, lɛɛɛdi lɛla lɛdi.

Yakobo 4:1

Bi muuti kekpo ku kadɔ teeboku bina akɔ? Bina kayawi ebiti ani kama na bɛsiaku na eekpóku-mii na bina lɛlɔ kemmo ni, ana kudɔ na ɔɔsí.